பெரிய நிறுவனத்தின் புதிய படத்தில் பிக்பாஸ் அர்ச்சனா: அக்ரிமெண்ட் போட்டோ வைரல்!

சீரியல் நடிகையாக இருந்து பிக்பாஸ் நிகழ்ச்சியில் சாம்பியன் பட்டம் வென்ற நடிகை அர்ச்சனா ரவிச்சந்திரன், தற்போது புதிய படத்தில் கமிட் ஆகியுள்ளதாக தனது எக்ஸ் தள பக்கத்தில் வெளியிட்டுள்ளார்

விஜய் டிவியில் கடந்த 2019ம் ஆண்டு தொடங்கப்பட்ட சீரியல் ராஜா ராணி 2. இந்த சீரியலின் முதல் சீசன் வெற்றிகரமாக ரசிகர்கள் மத்தியில் ரீச் ஆனதை தொடர்ந்து 2-ம் பாகம் தொடங்கப்பட்டது. முதல் சீசனில் நாயகியாக நடித்த ஆல்யா மானசா இந்த சீரியலில் சந்தியா என்ற நாயகி கேரக்டரில் நடிகர் சித்து சரவணன் என்ற கேரக்டரில் நடித்து வந்தனர்.

இந்த சீரியலில் அர்ச்சனா என்ற வில்லி கேரக்டரிலில் நடித்து வந்த நடிகை விஜே அர்ச்சனா. சின்னத்திரையில் தொகுப்பாளியாக இருந்த இவருக்கு ராஜா ராணி 2 சீரியல் தான் அறிமுகம். சிறப்பாக நடித்து வந்த இவர், ஒரு கட்டத்தில் சீரியலில் இருந்து விலகினார். தனது விலகல் குறித்து அர்ச்சனா எவ்வித காரணமும் சொல்லவில்லை.

இதனிடையே கடந்த ஆண்டு பிக்பாஸ் நிகழ்ச்சியில் போட்டியாளராக பங்கேற்ற அர்ச்சனா இறுதியில் சாம்பியன் பட்டம் வென்று அசத்தினார். இவர் பிக்பாஸ் சாம்பியன் ஆவார் என்று பலரும் எதிர்பார்த்த நிலையில், இவர் சாம்பியன் ஆக சிலர் எதிர்ப்பும் தெரிவித்திருந்தனர். சமூகவலை தளங்களில் ஆக்டீவாக இருக்கும் அர்ச்சனா அவ்வப்போது புகைப்படங்கள் வெளியிட்டு வருகிறார்.

அந்த வகையில் தற்போது புதிய புகைப்படம் ஒன்றை வெளியிட்டுள்ளார். ராஜா ராணி சீசன் 2-ல் இருந்து விலகிய அர்ச்சனா அதன்பிறகு வேறு எந்த சீரியலிலும் நடிக்காத நிலையில், சில வெப் தொடர் மற்றும் படங்களில் நடித்திருந்தார். அந்த வகையில் சமீபத்தில் வெளியான டிமாண்டி காலணி படத்தில் அருள்நிதியின் தங்கை கேரக்டரில் நடித்திருந்த அர்ச்சனா தற்போது சத்யஜோதி தயாரிக்கும் அடுத்த படத்தில் முக்கிய கேரக்டரில் நடிக்க உள்ளதாக கூறியுள்ள அர்ச்சனா, தனது அக்ரிமெண்ட்டை எக்ஸ் தளத்தில் வெளியிட்டுள்ளார்.

#Mynext #Excited ❤️ pic.twitter.com/3navhbq34Y

— Archana Ravichandran (@Archana_ravi_) November 15, 2024

இந்த பதிவு தற்போது வைரலாகி வரும் நிலையில், ரசிகர்கள் மற்றும் நெட்டிசன்கள் பலரும் தங்களது வாழ்த்துக்களை தெரிவித்து வருகின்றனர்.