தமிழே உங்களுக்கு வரலனு சொன்னாங்க: முதல் 'ரிஜக்ட்' பற்றி மனம் திறந்த சிம்ரன்!

தமிழ் சினிமாவில் கமல்ஹாசன் முதல் விஜயகாந்த் வரை பல முன்னணி நடிகர்களுடன் இணைந்து பல வெற்றிப்படங்களை கொடுத்துள்ள நடிகை சிம்ரன், தான் முதன் முதலில் ரிஜக்ட் ஆன இடம் எங்கு என்பது குறித்து ஒரு பேட்டியில் கூறியுள்ளார்.

1995-ம் ஆண்டு சனம் ஹர்ஜய் என்ற இந்தி படத்தின் மூலம் திரையுலகில் அறிமுகமானவர் சிம்ரன். தொடர்ந்து, 1997-ம் ஆண்டு விஜயுடன் ஒன்ஸ்மோர், பிரபுதேவாவுடன் வி.ஐ.பி ஆகிய இரு படங்களில் நடித்திருந்தார். இந்த இரு படங்களுமே ஒரே நாளில் வெளியாகி வெற்றியை பெற்றிருந்தது. அடுத்து விஜய் சூர்யா இணைந்து நடித்த நேருக்கு நேர் படத்தில் நடித்த சிம்ரன், தெலுங்கு படங்களிலும் நடிக்க தொடங்கினார், 1997-ல் தமிழில் சிம்ரன் நடிப்பில் 4 படங்கள் வெளியானது.

தொடர்ந்து அஜித், சரத்குமார், பிரஷாந்த், விஜயகாந்த் உள்ளிட்ட முன்னணி நடிகர்கள் பலருடன் இணைந்து நடித்த சிம்ரன், கடந்த 2003-ம் ஆண்டு வெளியான கோவில்பட்ட வீரலட்சுமி படத்தில், சோலோ ஹீரோயினாக நடித்திருந்த சிம்ரன், ஒரு சில படங்களில் வில்லியாகவும் நடித்துள்ளார். கடைசியாக இவர் நடிப்பில் வெளியான டூரிஸ்ட் ஃபேமிலி திரைப்படம் பெரிய வெற்றிப்படமாக அமைந்து வசூலை வாரி குவித்துள்ளது, இதனிடையே கடந்த சில மாதங்களுக்கு முன்பு, நேர்காணல் ஒன்றில் தனது சினிமா அனுபவம் குறித்து சிம்ரன் பேசியுள்ளார்.

இதில் நடிகை அனு ஹாசன், நீங்கள் முதன் முதலில் ரிஜக்ட் ஆனது எப்போது என்று கேட்க, அதற்கு பதில் அளித்த சிம்ரன், அதை நான் சொன்னால் சர்ச்சையாக இருக்கும். ஆனாலும் இங்கு சொல்வது சரி என்று நினைக்கிறேன். ரிஜக்ட் என்பவது சக்ஸஸின் முதல்படி. அப்போ எனக்கு தமிழ் சரியாக வராது என்று சொன்னாங்க. நான் முதன் முதலில் ரிஜக்ட் ஆனது ஒரு விளம்பரப்படம். தமிழ், இந்தி என இரு மொழிகளில் எடுத்தாங்க, கோல்கேட் விளம்பரம் என்று நினைக்கிறேன்.

இந்த விளம்பர ஆடிஷனுக்கு ஒரு தமிழ் பெண் வந்திருந்தார். அவர் பாவாடை ஜாக்கெட், போட்டிருந்தார். நான் சல்வார் அணிந்திருந்தேன். நான் இந்தி உங்களால் தமிழ் பேச முடியவில்லை என்று என்னை ரிஜக்ட் செய்தவிட்டார்கள். இதுதான் நான் ரிஜக்ட் ஆன முதல் இடம் என்று சிம்ரன் கூறியுள்ளார்.