வர்ணிக்க வார்த்தைகள் இல்லை... பியூட்டி குயின் : புன்னகை அரசியின் புது க்ளிக்ஸ்

2000-ம் ஆண்டு தமிழில் வெளியான என்னவளே படத்தில் மாதவனுக்கு ஜோடியாக அறிமுகமானவர் சினேகா. அதற்கு முன்பே மலையாளத்தில் இங்கனே ஒரு நிலாபக்ஷி என்ற படத்தில் நடித்திருந்தார்.

தமிழில், ஆனந்தம், பார்த்தாலே பரவசம், பம்மல் கே சம்மந்தம், புன்னகை தேசம், உன்னை நினைத்து, ஏப்ரல் மாதத்தில், வசீகரா, ஜனா, வசூல்ராஜா உள்ளிட்ட பல வெற்றிப்படங்களில் நடித்துள்ளார்.

தனுஷூடன் இணைந்து இவர் நடித்த புதுப்பேட்டை படம் நல்ல வரவேற்பை பெற்று இன்றும் பேசப்படும் ஒரு படமாக உள்ளது. கமல், விஜய், அஜித் சூர்யா உள்ளிட்ட முன்னணி நடிகர்ளுடன் சினேகா பல வெற்றிப்படங்களை கொடுத்துள்ளார்.

சேரன் இயக்கத்தில் வெளியான ஆட்டோகிராஃப் படத்தில் சினேகாவின் நடிப்பு பலரின் பாராட்டுக்களை பெற்றது. அதேபோல் சேரனுடன் இவர் நடித்த பிரிவோம் சந்திப்போம் படத்திற்காக சிறந்த நடிகைக்கான தமிழக அரசு விருதை வென்றிருந்தார்.

கடைசியாக தமிழில் தனுஷூடன் பட்டாஸ் என்ற படத்தில் நடித்திருந்த சினேகா, சமீபத்தில் மலையாளத்தில் மம்முட்டி நடிப்பில் வெளியான கிறிஸ்டோபர் என்ற படத்தில் நடித்திருந்தார்.

கடந்த 2012-ம் ஆண்டு நடிகர் பிரசன்னாவை காதலித்து திருமணம் செய்துகொண்ட சினேகாவுக்கு தற்போது 2 குழந்தைகள் உள்ளனர். தற்போது திரைப்படங்களில் முக்கிய கேரக்டரில் நடித்து வரும் சினேகா தனது இன்ஸ்டா பக்கத்தில் வெளியிட்டுள்ள புகைப்படங்கள் கவனம் ஈர்து்துள்ளது.

வெங்கட் பிரபு இயக்கத்தில் விஜய் நடிக்க உள்ள தளபதி 68 படத்தில் முக்கிய கேரக்டரில் சினேகா நடித்து வருகிறார். வசிகரா படத்திற்கு பிறகு இந்த ஜோடி மீண்டும் இணைந்துள்ளது