சத்யராஜூவுக்கு மகள்; பிரபாஸ்க்கு முதல் பட ஹீரோயின்: இந்த சிறுமி பழம்பெரும் நடிகரின் வாரிசு!

தமிழ் சினிமாவில், 90-களில் குழந்தை நட்சத்திரமாக நடித்த பலரும் ஹீரோயினாக நடித்து தற்போது திரைத்துறையில் இருந்து விலகிவிட்டார்கள். ஆனாலும் அவர்களை பற்றி அதிகமாக அவ்வப்போது பேசி வருகின்றனர். அந்த வகையிலான ஒரு நடிகை தான் ஸ்ரீதேவி விஜயகுமார்.

தமிழ் சினிமாவின் பழம்பெரும் நடிகர்களில் முக்கியமானவர் ஸ்ரீதேவி. இவருக்கு முத்துக்கண்ணு, மஞ்சுளா என இரு மனைவி இருந்தனர். இதில் மஞ்சுளாவுக்கு வனிதா, ப்ரீத்தா, ஸ்ரீதேவி என 3 மகள்கள் உள்ளனர் இதில் வனிதாவை தெரியாதவர்கள் தமிழ் சினிமாவில் இருக்க முடியாது. அதேபோல் ஸ்பீடு இயக்குனர் என்று அறியப்பட்ட இயக்குனர் ஹரியின் மனைவிதான் ப்ரீத்தா விஜயகுமார். 3வது மகள் ஸ்ரீதேவி தேவதையை கண்டேன் படத்தில் தனுஷூடன் இணைந்து நடித்திருந்தார்,

இந்த படத்திற்கு முன்னதாகவே ஸ்ரீதேவி குழந்தை நட்சத்திரமாக அறிமுகமாவிட்டார். 1992-ம் ஆண்டு பி.வாசு இயக்கத்தில் வெளியான ரிக்ஷா மாமா என்ற படம் தான் ஸ்ரீதேவி அறிமுகமான முதல் படம். சத்யராஜ், கௌதமி, குஷ்பு, கவுண்டமணி, விஜயகுமார், நாகேஷ், ராதாரவி உள்ளிட்ட பலர் நடித்திருந்தனர். இந்த படமும் பெரிய வெற்றி பெற்ற நிலையில், புவனா கேரக்டரில் நடித்த ஸ்ரீதேவியின் நடிப்பு பலரின் பாராட்டுக்களை பெற்றிருந்தது. இளையராஜா படத்திற்கு இசையமைத்தார்.

இதன்பின் அம்மா வந்தாச்சு, சுகமான சுமைகள், டேவிட் அங்கிள், ஆவாரம்பூ, தெலுங்கில் ருக்குமணி ஆகிய படங்களில் குழந்தை நட்சத்திரமாக நடித்திருந்த ஸ்ரீதேவி, சினிமாவில் அறிமுகமாகி 10 ஆண்டுகளுக்கு பின் 2002-ம் ஆண்டு: ஹீரோயினாக உருவெடுத்தார். தெலுங்கில் பாகுபலி பிரபாஸ் நடிப்பில் வெளியான ஈஸ்வர் என்ற படத்தில் அவருக்கு ஜோடியாக நடித்திருந்தார். இந்த படம் தான் பிரபாஸ் ஹீரோவாக அறிமுகமான முதல் படம் என்றும் கூறப்படுகிறது.

இந்த படம் ஓரளவு வெற்றியை கொடுத்த நிலையில், அடுத்து, காதல் வைரஸ் படத்தில் நடித்திருந்தார், 2003-ம் ஆண்டு வெளியான பிரியமான தோழி திரைப்படத்தில் ஜோதிகா தான் நாயகி என்றாலும், மாதவனின் தோழியாக நடித்த ஸ்ரீதேவி கேரக்டருக்கு பெரிய வரவேற்பு கிடைத்தது. அதன்பிறகு தித்திக்குதே, தேவதையை கண்டேன் ஆகிய படங்களில் நடித்த ஸ்ரீதேவி தெலுங்கில் அதிக படங்களில் நடித்துள்ளார். தமிழில் அவர் தனுஷூடன் நடித்த தேவதையை கண்டேன் படம் தான் கடைசி படம். 2016-ம் ஆண்டு லட்சுமணா என்ற கன்னட படத்தில் நடித்தார்.

View this post on Instagram

A post shared by sridevi vijaykumar (@sridevi_vijaykumar)

சினிமாவில் அறிமுகமாகும்போது சத்யராஜூவுக்கு மகளாக நடித்த ஸ்ரீதேவி, நாயகியாக தனது முதல் படத்தை அறிமுக நாயகன் பிரபாஸூடன் தொடங்கினார். இன்று பிரபாஸ் இந்திய சினிமாவின் முன்னணி நட்சத்திரமாக உயர்ந்துள்ள நிலையில், ஸ்ரீதேவி திருமணமாகி செட்டில் ஆகிவிட்டார் என்பது குறிப்பிடத்தக்கது.