பியூட்டி குயின்... விடாமுயற்சி ஷூட்டிங்கா? த்ரிஷா ரீசன்ட் க்ளிக்ஸ்

1999-ம் ஆண்டு பிரஷாந்த் சிம்ரன் நடிப்பில் வெளியான ஜோடி படத்தின் நாயகியின் தோழியாக தமிழ் சினிமாவில் அறிமுகமானவர் நடிகை த்ரிஷா. அதனைத் தொடர்ந்து 2002-ம் ஆண்டு வெளியான மௌனம் பேசியதே படத்தின் மூலம் நாயகியாக அறிமுகமானார்.

மௌனம்பேசியதே தொடர்ந்து விக்ரமின் சாமி படத்தில் நடித்த த்ரிஷாவுக்கு இந்த இரு படங்களுமே பெரிய வெற்றியை கொடுத்தது. அதன்பிறகு கமல்ஹாசன் தொடங்கி, விஜய் அஜித் சூர்யா, விக்ரம், சிம்பு, தனுஷ் உள்ளிட்ட பல முன்னணி நடிகர்களுடன் இணைந்து நடித்துள்ளார்.

விஜயுடன் கில்லி, திருப்பாச்சி, ஆதி உள்ளிட்ட படங்களில் ஜோடியாக நடித்த த்ரிஷா 4-வது முறையாக விஜயுடன் லியோப படத்தில் நடித்திருந்தார். சமீபத்தில் வெளியான இந்த படம் ரசிகர்கள் மத்தியில் நல்ல வரவேற்பை பெற்று வசூலில் சாதனை படைத்தது.

தற்போது நாயகிக்கு முக்கியத்துவம் உள்ள கேரக்டரில் நடித்து வரும் த்ரிஷா மலையாளத்தில் மோகன் லாலுடன் ராம் படத்தில் நடித்து வருகிறார். தமிழில், தி ரோடு உள்ளிட்ட படங்களில் த்ரிஷா நடித்துள்ளார்.

சமீபத்தில் வெளியான தி ரோடு நாயகிக்கு முக்கியத்துவம் உள்ள படம். இந்த படம் நல்ல வரவேற்பை பெற்று த்ரிஷாவுக்கு பாராட்டுக்களையும் பெற்று தந்தது. வரலாற்று திரைப்படமாக பொன்னியின் செல்வன் படத்தில் குந்தவி தேவியாக நடித்து பாராட்டுக்களை பெற்றவர் த்ரிஷா.

சமூக வலைதளங்களில் ஆக்டீவாக இருக்கும் த்ரிஷா அவ்வப்போது புகைப்படம் மற்றும் வீடியோ பதிவுகளை வெளியிட்டு வருகிறார். அந்த வகையில் த்ரிஷாவின் சமீபத்திய புகைப்படங்கள் இணையத்தில் வைரலாகி வருகிறது.

இந்த புகைப்படங்களை பார்த்த ரசிகர்கள் பலரும் தங்களது கருத்துக்களை தெரிவித்து வருகின்றனர்.