குழந்தை வில்லன், போக்கிரி அசின் தம்பி; இந்த சிறுவனை ஞாபகம் இருக்கா? இப்போ எப்படி இருக்கார் பாருங்க!

சின்னத்திரை, வெள்ளித்திரை என குழந்தை நட்சத்திரமாக பிஸியாக இருந்த நடிகர் மாஸ்டர் பரத், மை டியர் பூதம் சீரியலில், நிவேதா தாமஸூடன் நடித்திருப்பார். இப்போது என்ன செய்துகொண்டு இருக்கிறார் தெரியுமா?

தமிழ் சினிமா மற்றும் சின்னத்திரையில், இப்போது பல சீரியல்கள் ஒளிபரப்பாகி வந்தாலும், அந்த சீரியல்கள் முடிந்தபின், அதை பற்றி யாரும் யோசிப்பதே இல்லை. 90-களில் பிறந்த குழந்தைகளுக்கு, அவர்கள் திரைப்படம் மற்றும் சீரியல்கள் பார்க்க தொடங்கிய போது ஒளிபரப்பான சீரியல்கள், திரைப்படங்கள் இன்றும் ரசிகர்கள் மத்தியில் நீங்காத இடம் பிடித்துள்ளது.அந்த வகையில், கடந்த 2004-ம் ஆண்டு சன் டிவியில் ஒளிபரப்பான சீரியல் தான் மை டியர் பூதம்.

மாயாஜாலம். நிறைந்த இந்த சீரியல், நல்ல பூதத்திற்கும் கெட்ட சாத்தானுக்கும் இடையில் நடக்கும் நிகழ்வுகளை மையமாக வைத்து திரைக்கதை அமைக்கப்பட்டிருந்தது. கே.ஷண்முகம் என்பவர் இயக்கிய இந்த சீரியலில், அபிலாஷ், கௌதம், நிவேதா தாமஸ், காந்திமதி, வியட்நாம் வீடு சுந்தரம், வையாபுரி, கிங்காங், டி.பி.கஜேந்திரன் உள்ளிட்ட பலர் நடித்திருந்தனர்.

ஒரு பாட்டிலில் அடைக்கப்பட்ட மூசா என்ற பூதத்தை கௌதம் கவுரி ஆகிய இருவரும் வெளியில் கொண்டு வருவார்கள். இந்த பூதம் தனது குடும்பத்தை தேடி கண்டுபிடித்து அவர்களை வில்லனின் பிடியில் இருந்து காப்பாற்றுவது தான் இந்த சீரியலின் திரைக்கதை. இந்த சீரியலில்,  கௌரி என்ற கேரக்டரில் நிவேதா தாமஸ் நடித்திருந்த நிலையில், பாலு கேரக்டரில், நடிகர் மாஸ்டர் பரத் நடித்திருந்தார். 2002-ம் ஆண்டு ஜெயராம் நடிப்பில் வெளியான நைனா திரைப்படம் தான் இவர் அறிமுகமான முதல் திரைப்படம்.

தொடர்ந்து, பஞ்ச தந்திரம் படத்தில் ஜெயராமின் மகனாக நடித்த இவர், அடுத்து போக்கிரி படத்தில் அசினுக்கு தம்பியாகவும், வியாபாரி படத்தில் வடிவேலுவை மிரட்டும் குழந்தையாகவும், சிம்புவுடன் சிலம்பாட்டம், தனுஷூடன் உத்தமபுத்திரன், உள்ளிட்ட பல வெற்றிப்படங்களில் நடித்த இவர் கடைசியாக அனுஷ்கா நடித்த இஞ்சி இடுப்பழகி என்ற படத்தில் நடித்திருந்தார், ஏராளமான தெலுங்கு படங்களில் நடித்துள்ள மாஸ்டர் பரத், உடல் பருமனாக இருந்தாலும், டைலாக் டெலிவரி, ஆக்ஷன் என நடிப்பில் பட்டையை கிளப்பியவர்.

ரசிகர்கள் மத்தியில் இவருக்கு பெரிய வரவேற்பு இருந்த நிலையில், இவர் தற்போது ஆளே அடையாளம் தெரியாத அளவுக்கு மாறிவிட்டார். தமிழில் நடிக்கவில்லை என்றாலும் தெலுங்கில் நடித்து வரும் மாஸ்டர் பரத், கடந்த ஆண்டு வெளியான விஸ்வம் என்ற படத்தில் முக்கிய கேரக்டரில் நடித்திருந்தார். தெலுங்கில், சிரஞ்சீவி படத்தில் அறிமுகமான இவர், பவன்கல்யாண், மகேஷ் பாபு உள்ளிட்ட முன்னணி நடிகளுடன் பல வெற்றிப்படங்களில் நடித்துள்ளார். இவரின் தற்போதைய புகைப்படம் கவனம் ஈர்த்துள்ளது,