ஹிட் படத்தில் கமலுக்கு மகள்; இப்போ இவர் சோலோ ஹீரோயின்: யார்னு கண்டுபிடிங்க!

கமல்ஹாசன் நடிப்பில் கடந்த 2015-ம் ஆண்டு வெளியான பாபநாசம் திரைப்படம் அவரது மகளாக, நிவேதா தாமஸ் மற்றும் எஸ்தர் அணில் நடித்திருந்தனர். நிவேதா தாமஸ் தற்போது படங்களில் நடித்து வரும் நிலையில், எஸ்தர் அணியில் வெளியிட்டுள்ள புகைப்படங்கள் வைரலாகி வருகிறது.

மலையாளத்தில் கடந்த 2013-ம் ஆண்டு வெளியான படம் த்ரிஷ்யம். மோகன்லால், மீனா, கலாபவன் சாஜன், ஆஷா சரத் உள்ளிட்ட பலர் முக்கிய கேரக்டரில் நடித்திருந்த இந்த படம் பெரிய வெற்றிப்படமாக அமைந்தது. இதன்பிறகு, தெலுங்கு,கன்னடம், இந்தி உள்ளிட்ட மொழிகளில் ரீமேக் செய்யப்பட்ட இந்த படம் தமிழில் பாபநாசம் என்ற பெயரில் ரீமேக் செய்யப்பட்டது. மலையாளத்தில் இயக்கிய ஜீத்து ஜோசப் இந்த படத்தை இயக்கியிருந்தார்.

தமிழில் கமல்ஹாசன், கௌதமி இணைந்து நடித்திருந்தனர். அவரது மகள்களாக எஸ்தர் அணில், நிவேதா தாமஸ் ஆகியோருடன், கலாபவன் மணி, ஆஷா சரத் உள்ளிட்டோர் நடித்திருந்தனர். மலையாளத்தை போலவே தமிழிலும் பெரிய வெற்றியை பெற்ற பாபநாசம் படம் விமர்சனரீதியாக பாராட்டுக்களையும் பெற்றிருந்தது. இதனிடையே இந்த படத்தில் கமல்ஹாசனின் மகளாக நடித்த நிவேதா தாமஸ் தற்போது படங்களில் நடித்து வருகிறார்.

அதே சமயம், 2-வது மகள் எஸ்தர் அணில், தமிழில் நடிக்கவில்லை என்றாலும் மலையாளத்தில் பல வெற்றிப்படங்களை கொடுத்து முன்னணி நடிகையாக வலம் வருகிறார். மலையாளத்தில் நடித்த அதே கேரக்டரில், தெலுங்கு மற்றும் தமிழில் நடித்த எஸ்தர் அணில், தமிழில் வி3, மின்மினி ஆகிய படங்களில் நடித்துள்ளார். த்ரிஷயம் 2 மலையாளம் மற்றும் தெலுங்கு வெர்ஷன்களில் நடித்திருந்த எஸ்தர் அணில், சமூகவலைதளங்களில் ஆக்டீவாக இருந்து வருகிறார்,

அந்த வகையில் இவர் சமீபத்தில் வெளியிட்டுள்ள சில புகைப்படங்கள் இணையத்தில் வைரலாகி வருகிறது. இதனை பார்த்த பலரும் பாபநாசம் படத்தில் கமல்ஹாசன் மகளா இவர் என்று ஆச்சரியமாக கேட்டு வருகினறனர். 2010-ம் ஆண்டு மலையாளத்தில் வெளியான நல்லவன் என்ற படத்தின் திரைப்படத்தில் அறிமுகமான எஸ்தர் அணில், மலையாளத்தில் குழந்தை நட்சத்திரமாக பல வெற்றிப்படங்களில் நடித்துள்ளார். தற்போது நாயகியாக நடிக்க தொடங்கியுள்ள எஸ்தர், சாந்தமே ராத்தியில் என்ற மலையாள படத்தில் நடித்துள்ளார்.