சரோஜாதேவி காலில் கொட்டிய ரத்தம்; விடாமல் நடந்த ஷூட்டிங்; பதறிய எம்.ஜி.ஆர் செய்தது என்ன?

அறிமுக நடிகையாக இருந்தாலும் எனது காலில் கண்ணாடி கிழித்து ரத்தம் கொட்டியபோது எம்.ஜி.ஆர், பதறிப்போய் எனக்கு முதல் உதவி செய்தார் என்று நடிகை சரோஜா தேவி உணர்வுப்பூர்வமாக தெரிவித்துள்ளார்.

1960 மற்றும் 70 களில் தென்னிந்திய சினிமாவில் கதாநாயகியாக கொடி கட்டி பறந்தவர் சரோஜா தேவி. அன்றைய முன்னணி நட்சத்திரங்களான எம்.ஜி.ஆர், சிவாஜி, ஜெமினி கணேசன், என்.டி.ஆர், நாகேஸ்வரராவ் உள்ளிட்டோருடன் ஜோடி சேர்ந்து நடித்தவர் சரோஜா தேவி. எம்.ஜி.ஆர் குறித்து ஒரு பேட்டியில் கூறியுள்ள சரோஜா தேவி, கச்ச தேவயானி படத்தில் நடித்தப்போது தான் முதன்முறையாக எம்.ஜி.ஆரை பார்த்தேன்.

அப்போது முதன்முறை எம்.ஜி.ஆர் என்னிடம் பேசியபோது கன்னடத்தில் உரையாடினார். அதன்பிறகு திருடாதே படத்தின் தயாரிப்பாளரிடம் என்னை பற்றி சொல்லி அந்த படத்தில் நடிக்க வாய்ப்பு வாங்கி கொடுத்தார். அதன்பிறகு போட்டோஷூட் நடத்தி எனக்கு வாய்ப்பு கொடுத்தார்கள். அந்த படத்தில் முதல்முறையாக எம்.ஜி.ஆருடன் இணைந்து நடித்தேன். படப்பிடிப்பின்போது கண்ணாடி என் காலில் குத்தி ரத்தம் வந்தது. அதை நான் யாரிடமும் சொல்லவில்லை.

அப்போது எம்.ஜி.ஆர் இதை கவனித்து உடனடியாக முதலுதவி செய்தார். அவரது தொடை மேல் என் காலை எடுத்து வைத்து, அவரது கர்ச்சீப்பால் ரத்தத்தை துடைத்து விட்டார். நான் அப்போது பெரிய நடிகையாக இல்லாதப்போதும் எம்.ஜி.ஆர் இதைச் செய்தார். பின்னர் நாடோடி மன்னன் படத்தில் எம்.ஜி.ஆருடன் நடித்தேன். அந்தப்படம் வெற்றிகரமாக ஓடியது. திருடாதே படத்தில் நடித்தப்போது எம்.ஜி.ஆர் எனக்காக காத்திருப்பார். எம்.ஜி.ஆருடன் 26 படங்களில் ஜோடியாக நடித்துள்ளேன். எம்.ஜி.ஆர் என்னுடைய அன்பு தெய்வம் என்று கூறியுள்ளார்.

எம்.ஜி.ஆருடன் நானே தொடர்ந்து நடித்து வந்ததால், பிற நட்சத்திரங்கள் அதைப் பற்றி பேசத் தொடங்கினார். அதனால் தான் வேட்டைக்காரன் படத்தில் எம்.ஜி.ஆருடன் நடிக்கவில்லை. சின்னப்பத் தேவர், எம்.ஜி.ஆர் எல்லாம் எனது கால்சீட்டுக்கு ஏற்ப எனக்கு ஒத்துழைத்தனர். கால்சீட் இல்லாததால் ஜெய்சங்கருடன் மட்டும் ஜோடியாக நடிக்கவில்லை என்று சரோஜா தேவி கூறியுள்ளார்.