ரெக்கார்டிங் வராமல் வீட்டில் தூங்கிய எம்.எஸ்.வி; கோபத்தில் கண்ணதாசன் போட்ட வரிகள்; பாட்டு செம ஹிட்!

கம்போசிங்கிற்கு சீக்கிரம் வராமல், வீட்டில் தூக்கிய எம்.எஸ்.விஸ்வநாதனுக்கு பாடம் புகட்டி பதிலடி கொடுக்கும் வகையில் கண்ணதாசன் ஒரு பல்லவியை எழுதி கொடுத்துள்ளார். இந்த பாடல் பெரிய ஹிட் பாடலாக இன்றும் நிலைத்திருக்கிறது.

தமிழ் க்ளாசிக் சினிமாவின் முக்கிய கவிஞர்களின் கண்ணதாசனுக்கு தனி இடம் உண்டு. வாழ்க்கையின் தத்துவங்களை தனது பாடல்கள் மூலம் ஒலிக்க செய்த கவிஞர் கண்ணதாசன், எம்.ஜி.ஆர்., சிவாஜி, உள்ளிட்ட முன்னணி நடிகர்கள் பலரின் படங்களுக்கு பல ஹிட் பாடல்களை கொடுத்துள்ளார். மேலும் கதாசிரியர், தயாரிப்பாளர், இயக்குனர் என பன்முக திறமை கொண்டவர் கண்ணதாசன்.

அதேபோல் க்ளாசிக் சினிமாவில் தனது மெல்லிசையால் ரசிகர்களை கட்டிப்போட்டவர் மெல்லிசை மன்னர் எம்.எஸ்.விஸ்வநாதன். முன்னணி நடிகர்கள் முதல் இன்றைய இளம் நடிகர்கள் வரை தனது இசையால் பல ஹிட் பாடல்களை கொடுத்துள்ள எம்.ஸ்.வி, கண்ணதாசனுடன் இணைந்த அனைத்து படங்களும் பெரிய வெற்றிகளை கொடுத்துள்ளது. அதேபோல் இவர்களுக்கு இடையில் நல்ல புரிதலும் இருந்துள்ளது.

இசையமைப்பு மற்றும் பாடல்கள் எழுதும்போது எம்.ஸ்.வி. – கண்ணதாசன் இடையே பல சம்பவங்கள் அரங்கேறியுள்ளன. அப்படி ஒரு சம்பவம் எம்.ஜி.ஆர் நடித்த படத்திலும் நடந்துள்ளது. 1963-ம் ஆண்டு ஆர்.ஆர் பிச்சர்ஸ் தயாரிப்பில் டி.ஆர்.ராமண்ணா இயக்கிய படம் பெரிய இடத்து பெண். எம்.ஜி.ஆர், எம்.ஆர்.ராதா, சரோஜா தேவி, அசோகன் உள்ளிட்ட பலர் நடித்த இந்த படத்திற்கு எம்.எஸ்.விஸ்வநாதன் இசையமைத்திருந்தார்.

இந்த படத்திற்கு பாடல் எழுத கண்ணதாசன் கமிட் ஆகியுள்ளார். இந்த படத்திற்கான கம்போசிங்கிக்கு வழக்கமான லேட்டாக வராமல் சீக்கிரம் வாருங்கள் என்று எம்.எஸ்.வி சொல்ல, அதேபோல் மறுநாள் கண்ணதாசன் சீக்கிரமாக வந்துள்ளார். ஆனால் மற்ற படங்களின் இசையமைப்பு, பாடல் பதிவு பணிகள் காரணமாக எம்.எஸ்.வி வீட்டில் தூங்கிக்கொண்டு இருந்துள்ளார். சீக்கிரமாக வந்த கண்ணதாசன்,  எம்.எஸ்.வி வீட்டுக்கு போன் செய்துள்ளார்.

போனை எடுத்த அவரது உதவியாளர் நைட் 3 படத்திற்கு ரீ ரெக்கடார்டிங். இரவு 2 மணிக்கு தான் சார் வந்து படுத்தார். இப்போது தூங்கிக்கொண்டிருக்கிறார். எழுப்பினால் திட்டுவார் என்று கூறியுள்ளார். அதன்பிறகு கண்ணதாசன் 3 முறை போன் செய்தும் எம்.எஸ்.வி பேசாத நிலையில், அடுத்த சில நிமிடங்கள் காத்திருந்தபோது படத்தின் இயக்குனர் டி.ஆர்.ராமண்ணா வந்திருக்கிறார். 
கண்ணதாசன் அவரிடம் பாடலுக்கான சூழ்நிலையை கேட்டுவிட்டு, 2 வரிகள் எழுதி இதற்கு இசையமைக்க சொல்லுங்கள் மீதி வரிகளை நான் வந்து எழுதுகிறேன் என்று சொல்லிவிட்டு சென்றுள்ளார்.

சிறிது நேரத்தில் எழுத்த எம்.எஸ்.வியிடம் கண்ணதாசன் போன் செய்த விஷயத்தை சொல்ல பதறியடித்துக்கொண்டு வருகிறார். அப்போது கண்ணதாசன் கொடுத்த வரிகளை இயக்குனர் எம்.எஸ்.வியிடம் கொடுக்கிறார். இதை படித்த எம்.ஸ்.விக்கு சரியான அதிர்ச்சி.  படத்தின் சுட்சிவேஷனை புரிந்துகொண்ட கண்ணதாசன், தன்னை சீக்கிரமாக வர சொல்லிவிட்டு தூங்கிய எம்.எஸ்.வி இணைந்து ‘’அவனுக்கென்ன தூங்கிவிட்டான் அகப்பட்டவன் நானல்லவா’’ என்ற பாடலை எழுதியிருந்தார்.

தான் சந்திக்கும் சம்பவங்களை வைத்தே பாடல்களை கொடுக்கும் கண்ணதாசன், எம்.எஸ்.வி தூங்கியதை பாடலில் உணர்த்தினார். இந்த பாடல் வெளியாகி பெரிய வெற்றி பெற்ற நிலையில், படமும் மெகாஹிட் படமாக அமைந்தது.