யாருப்பா அந்த பூ போட்ட சேலை? கூலி பாடலில் கவனம் ஈர்த்த டான்சர்: அந்த சேலைக்கு 25 வயதாம்!

ரஜினிகாந்த் நடிப்பில் சமீபத்தில் வெளியான கூலி திரைப்படம் ரசிகர்கள் மத்தியில் பெரிய வரவேற்பை பெறறு வசூலில் சாதனை படைத்து வரும் நிலையில், இந்த படத்தின் ஓப்பனிங் பாடலில் டான்ஸ் ஆடிய ஒரு டான்சரின் சேலை வரலாறு தற்போது வெளியாகியுள்ளது.

தமிழ் சினிமாவின் முன்னணி இயக்குனர்களில் ஒருவரான லோகேஷ் கனகராஜ் இயக்கத்தில், ரஜினிகாந்த் நடிப்பில் வெளியான படம் கூலி. நாகர்ஜூனா, உபேந்திரா, சத்யராஜ், அமீர்கான், சௌபின் ஷாஹீர், ஸ்ருதி ஹாசன் உள்ளிட்ட பல முன்னணி நட்சத்திரங்கள் நடித்திருந்த இந்த படத்திற்கு அனிருத் இசையமைக்க, சன் பிச்சர்ஸ் நிறுவனம் தயாரித்திருந்தது. ரஜினிகாந்த் சினிமாவில் நுழைந்து 50 வது ஆண்டை கொண்டாடும் வகையில் கடந்த ஆகஸ்ட் 14-ந் தேதி இந்த படம் வெளியானது.

படத்திற்கு கலவையான விமர்சனங்களை பெற்றிருந்தாலும், போட்டிக்கு படங்கள் இல்லாததால், கூலி வசூலில் மாஸ் காட்டி வருகிறது. இந்தியில் கூலிக்கு போட்டியாக வெளியான வார் 2 திரைப்படம் வசூலில் பின்தங்கியுள்ளதால் கூலி படத்திற்க பெரிய வரவேற்பு கிடைத்து வருகிறது. படத்தின் பாடல்கள் அனைத்தும் நல்ல வரவேற்பை பெற்ற வரும் நிலையில், மேன்ஷனில் நடைபெறும் முதல் பாடலில் டான்ஸ் ஆடிய டான்ஸர் ஐஸ்வர்யா வெங்கட் கவனிக்கப்படும் ஒரு டான்ஸராக மாறியுள்ளார். இது குறித்து அவரே ஒரு பேட்டியில் கூறியுள்ளார்.

View this post on Instagram

A post shared by Aishwarya Venkat (@aishwaryaa_venkat)

கலாட்ட பின்க் யூடியூப் சேனலில் அளித்த பேட்டியில், இந்த படத்தில் ஓப்பனிங் பாடல் என்று எனக்கு தெரியாது. எங்களிடம் சொல்லாமல் தான அழைத்து சென்றார்கள். அங்கு சென்றபிறகுதான் தெரியும். பாடலை பார்த்த பலரும் ஆண்டுகள் தங்கியிருக்கும் மேன்ஷனில் பெண்கள் எப்படி ஆட முடியும் என்று கேட்கிறார்கள். ஆனால் நாங்கள் மேன்ஷனுக்கு வெளியில் தான் ஆடினோம். எங்கள் போஷன் ஒரு நாள் தான் படமாக்கப்பட்டது. எல்லா பாடலுக்கும் கூப்பிடுவது போலத்தான் இந்த பாடலுக்கும் கூப்பிட்டாங்க. ஆனால் எனக்கு இருந்த லக்கில் இந்த பாடலில் நான் ஹைலைட் ஆகிட்டேன்.

பாடலை பார்த்த எல்லோரும், என்னை நோட்டீஸ் செய்திருக்கிறார்கள். பார்த்த பலரும் யார் அந்த பூ போட்ட சேலை என்று கேட்டு கமெண்ட் செய்து வருகின்றனர். அது என் சேலை இல்லை. என் அம்மாவின் சேலை. அந்த சேலைக்கு 25 வயது ஆகிறது. நான் பிறந்தபோது என் அம்மா வாங்கியது. இதே சேலையில் டீசல் என்ற ஒரு படத்திலும் ஆடி இருக்கிறேன் என்று கூறியுள்ளார்.