நான் தான் ஹீரோயின், உள்ள விடுங்க ப்ளீ்ஸ்; ‘கூலி’ பார்க்க போன ஸ்ருதிஹாசனை கெஞ்ச விட்ட காவலர்: வீடியோ!

லோகேஷ் கனகராஜ் இயக்கத்தில், ரஜினிகாந்த் நடித்துள்ள கூலி திரைப்படம் நேற்று (ஆகஸ்ட் 14) வெளியான நிலையில், இந்த படத்தின் ரசிகர் ஷோ பார்க்க போன நடிகை ஸ்ருதிஹாசன், தன்னை உள்ளே விடும்படி கெஞ்சிய வீடியோ தற்போது இணையத்தில் வைரலாகி வருகிறது.

தமிழ் சினிமாவில் சில படங்களே இயக்கி இருந்தாலும் பெரிய வெற்றிப்படங்களாக கொடுத்து முன்னணி இயக்குனர்கள் பட்டியலில் இடம் பிடித்தவர் தான் லோகேஷ் கனகராஜ். கடைசியாக விஜய் நடிப்பில் லியோ என்ற படத்தை இயக்கிய இவர், அடுத்து ரஜினிகாந்த் நடிப்பில் கூலி படத்தை இயக்கியிருந்தார். சன் பிச்சர்ஸ நிறுவனம் தாயரித்திருந்த இந்த படத்தில், சத்யராஜ், நாகர்ஜூனா, சௌபின் ஷாஹிர், உபேந்திரா, அமீர்கான் உள்ளிட்ட பல முன்னணி நட்சத்திரங்கள் நடித்திருந்தனர்.

அனிருத் இசையமைப்பில் உருவான இந்த படம், சுதந்திர தினத்தை முன்னிட்டு நேற்று (ஆகஸ்ட் 140 உலகம் முழுவதும் பிரம்மாண்டமாக வெளியானது. கலவையான விமர்சனங்களை பெற்று வந்தாலும், அடுத்தடுத்து 3 நாட்கள் தொடர் விடுமுறை என்பதால் கூலி வசூலில் எந்த பாதிப்பும் இருக்காது என்று கூறப்படுகிறது. அதேபோல் நேற்று படம் வெளியான முதல் நாள் என்பதால், அனைத்து செண்டர்களிலும் கூட்டம் அலைமோதியது. இதனால் டிக்கெட் விலையும் அதிகமாக இருந்ததாக, பலரும் புகார் கூறியிருந்தனர்.

இதனிடையே இந்த படத்தில் சத்யராஜூவின் மகள் கேரக்டரில் நடித்திருந்த நடிகை ஸ்ருதிஹாசன் இந்த படத்தை பார்க்க சென்னையில் ஒரு திரையரங்கிற்கு சென்றுள்ளார். அப்போது தியேட்டரில் கடுமையாக கூட்டம் அலைமோதிய நிலையில், காவலாளி இவர்களின் காரை உள்ளே விட மறுத்துள்ளார். அப்போது ஸ்ருதிஹாசன், நான் தான் இந்த படத்தின் ஹீரோயின் என்னை உள்ளே விடுங்க அண்ணா என்று கேட்டுள்ளார். இந்த வீடியோ பதிவு தற்போது இணையத்தில் வைரலாகி வரும் நிலையில், ரசிகர்கள் பலரும் தங்கள் கருத்துக்களை தெரிவித்து வருகின்றனர்.

View this post on Instagram

A post shared by தயாளன் சண்முகம் (@anegun.news)

கூலி படத்தில் சத்யராஜ் மகளாக இருந்தாலும், ஸ்ருதிஹாசன் இதுவரை இல்லாத வகையில், அவரது கேரக்டருக்கு முக்கியத்தும் கொடுக்கப்பட்டுள்ளதாக கூறப்படுகிறது. அவர் நடிப்பை பார்த்து அவரது அப்பா கமல்ஹாசனே பாராட்டுவார் என்று ரஜினிகாந்த் கூலி படத்தில் இசை வெளியீட்டு விழாவில் கூறியிருந்த நிலையில், தான் நடித்த படத்தை பார்க்க அவரையே கெஞ்ச விடும் அளவுக்கு தியேட்டரில் கூட்டம் அலைமோதியுள்ளது குறிப்பிடத்தக்கது,