கூலி ரூ1000 கோடி வசூல் வாய்ப்பில்லை; இதெல்லாம் நடந்தாலும் கஷ்டம் தான்: காரணங்களை அடுக்கும் தயாரி்ப்பாளர்!

பெரிய எதிர்பார்ப்புக்கு மத்தியில் வெளியான கூலி திரைப்படம் வசூலில் மாஸ் காட்டி இருந்தாலும் தற்போறு சற்று வீழ்ச்சியை சந்தித்துள்ளது. ஆனாலும் இந்த படம் பாக்ஸ் ஆபீஸில் ரூ1000 கோடி வசூலை எட்ட வாய்ப்பில்லை என்று தயாரிப்பாளர் தனஞ்சேயன் கூறியுள்ளார்.

சூப்பர்ஸ்டார் ரஜினிகாந்த் நடிப்பில், லோகேஷ் கனகராஜ் இயக்கத்தில் இயக்கிய 'கூலி' திரைப்படம் ஆகஸ்ட் 14-ஆம் தேதி வெளியானது. ரஜினிகாந்துடன், சத்யராஜ், நாகர்ஜூனா, சவுபின், உபேந்திரா, அமீர்கான் உள்ளிட்ட பலர் நடித்துள்ள இந்த படத்திற்கு அனிருத் இசையமைத்துள்ளார். பூஜா ஹெக்டே ஒரு பாடலுக்கு நடனமாடியுள்ளார். இதில் இருந்து வெளியான மோனிகா பாடல் ரசிகர்கள் மத்தியில் பெரிய வரவேற்பை பெற்றது.

1986-ம் ஆண்டு, ரஜினிகாந்த் நடிப்பில் வெளியான மிஸ்டர் பரத் என்ற படத்தில் அவருக்கு அப்பாவாக நடித்த சத்யராஜ், சுமார் 39 ஆண்டுகளுக்கு பிறகு மீண்டும், கூலி படத்தில் அவருடன் இணைந்து நடித்துள்ளார். சமீபத்தில் வெளியான இந்த படத்தின் டிரெய்லர் மூலம், படத்தில் ரஜினிகாந்த் சத்யராஜ் இருவரும், நண்பர்களாக நடித்திருந்தனர். பெரிய எதிர்பார்ப்புக்கு மத்தியில் வெளியான இநத திரைப்படம் கலவையான விமர்சனங்களை பெற்றிருந்தாலும், வசூலில் பெரிய மாஸ் காட்டியது. இதன் மூலம் கூலி திரைப்படம் முதல் நாளில் 151 கோடி வசூலித்ததாக கூறப்பட்டது.

தொடர்ந்து 4 நாட்களில் இந்த படம் ரூ400 கோடிக்கு மேல் வசூலித்துள்ளதாக அறிவிக்கப்பட்ட நிலையில், தற்போது வசூல் வெகுவாக குறைந்துள்ளது, இதனிடையே கூலி படம் ரூ1000 கோடி வசூலிக்குமா என்ற கேள்விக்கு பதில் அளித்துள்ள தயாரிப்பாளர் தனஞ்சேயன் கூலி படம் ரூ1000 கோடி வசூலிக்க வாய்ப்பே இல்லை. தமிழ்நாட்டில் ரூ250 கோடி, வெளிநாட்டில் 250 கோடி, கேரளா கர்நாடகாவில் 100 கோடி, ஆந்திராவில் 100 கோடி வசூல் செய்தால், 700 கோடி வரும். மீதமுள்ள 300 கோடி வட இந்தியாவில் தான் வசூல் ஆகும்.

வட இந்தியாவில் இதுவரை கூலி படம் 30-40 கோடி தான் வசூல் செய்துள்ளது. வார் 2 படம் வெளியாகவில்லை என்றால் ரூ100 கோடி வசூலித்திருக்கும். ஆனாலும் 1000 கோடி வசூலுக்கு இன்னும் அதிகமாக வசூல் செய்ய வேண்டிய நிலை தான் வந்திருக்கும். தமிழில் இதுவரை 2.0, லியோ, ஜெயிலர் ஆகிய படங்கள் ரூ600 கோடிகள் வசூலித்துள்ளது. அதையும் தாண்டி இந்த படம் வசூல் செய்து இன்டஸ்ட்ரி ஹிட்டாக மாறுமா என்று பொருத்திருந்து தான் பார்க்க வேண்டும் என்று கூறியுள்ளார்.