கூலி பிரம்மாண்ட ரிலீஸ்; கேக் வெட்டி, விதை பந்து வழங்கி கொண்டாடிய புதுவை ரசிகர்கள்!

நடிகர் ரஜினிகாந்த் நடிப்பில் லோகேஷ் கனகராஜ் இயக்கத்தில் உருவான "கூலி" திரைப்படம்  தமிழகம் மற்றும் புதுச்சேரி முழுவதும்  வெளியாகி உள்ளது. இதனை ரசிகர்கள் மேளதாளத்துடன் வரவேற்றனர். லோகேஷ் கனகராஜ் இயக்கத்தில் ரஜினி நடித்துள்ள திரைப்படம் ‘கூலி’. சன்பிக்சர்ஸ் சார்பில் கலாநிதி மாறன் தயாரித்துள்ளார். அனிருத் இசையமைத்துள்ளார். ஆமீர்கான், சத்யராஜ், நாகார்ஜூனா, ஸ்ருதிஹாசன், உபேந்திரா, சவுபின் ஷாயிர் உள்ளிட்ட பலர் நடித்துள்ளனர். இந்தப் படத்துக்கு ‘ஏ’ சென்சார் சான்றிதழ் வழங்கப்பட்டுள்ளது.

இந்தப் படத்தின் டிக்கெட் புக்கிங் கடந்த 8-ம் தேதி தொடங்கியது. சில மணி நேரங்களிலேயே பெரும்பாலான திரையரங்குகளில் படத்தின் டிக்கெட்டுகள் விற்றுதீர்ந்துவிட்டன. புதுச்சேரியில் சிறப்பு காட்சிகள் ரத்து செய்யப்பட்டது. அடுத்த 3 நாட்களுக்கு ஹவுஸ்ஃபுல்லாகியுள்ளன. இதனிடையே  படத்தின் இயக்குநர் லோகேஷ் கனகராஜ், ‘இந்தப் படம் எல்சியுவில் வராது, ரஜினிக்கான பிரத்யேகமான கதையில் இந்த கதை உருவாக்கப்பட்டுள்ளது’ என்று தெரிவித்திருந்தார். இது ரசிகர்கள் இடையே பெரும் எதிர்பார்ப்பை எட்டியது.

மேலும் புதுச்சேரியில் தித்திக்கும் மேற்பட்ட திரையரங்குகளில் நடிகர் ரஜினிகாந்த் நடித்த கூலி திரைப்படம் வெளியானது இதில் நடிகர் ரஜினிகாந்த் நடித்த தியேட்டர் முன்பு கேக் வெட்டி ரஜினிகாந்த் படத்திற்கு பாலபிஷேகம் செய்தும் தேங்காய்த்துடைத்து கொண்டாடினர். மேலும் ஐம்பதாவது ஆண்டு காலத்தை வரவேற வகையில் படம் பார்க்க வந்த ரசிகர்களுக்கு விதை பந்து அனைவருக்கும் வழங்கப்பட்டது.