கூலி படக்குழுவுடன் இணைந்த ரஜினிகாந்த்: தீபாவளி ஸ்பெஷல் க்ளிக் வைரல்!

தமிழ் சினிமாவின் முன்னணி நடிகராக ரஜினிகாந்த் தற்போது லோகேஷ் கனகராஜ் இயக்கத்தில் கூலி படத்தில் நடித்து வரும் நிலையில், தீபாவளி தினத்தை முன்னிட்டு படக்குழு வெளியிட்டுள்ள புகைப்படம் ஒன்று இணையத்தில் வைரலாகி வருகிறது.

டி.ஜே.ஞானவேல் இயக்கத்தில், ரஜினிகாந்த் நடித்த வேட்டையன் திரைப்படம் சமீபத்தில் வெளியாகி பெரிய வெற்றிப்படமாக அமைந்தது. அதனைத் தொடர்ந்து தற்போது ரஜினிகாந்த், லோகேஷ் கனகராஜ் இயக்கத்தில், கூலி என்ற படத்தில் நடித்து வருகிறார் மாநகரம், கைதி மாஸ்டர், விக்ரம், லியோ என தொடர் வெற்றிப்படங்களை கொடுத்த லோகேஷ் கனகராஜ் இயக்கி வரும் கூலி படம் பெரிய எதிர்பார்ப்பை ஏற்படுத்தியுள்ளது.

பல வருட இடைவெளிக்கு பிறகு, நடிகர் ரஜினிகாந்த் – சத்யராஜ் இருவரும் இணைந்து நடிக்கும் இந்த படத்தில், கன்னட நடிகர் உபேந்திரா, மலையாள நடிகர் ஷாஹிர், தெலுங்கு நடிகர் நாகர்ஜூனா, ஸ்ருதிஹாசன் ஆகியோர் நடித்து வரும் இந்த படத்திற்கு அனிருத் இசையமைத்து வருகிறார். சன் பிச்சர்ஸ் நிறுவனம் பிரம்மாண்டமாக தயாரித்து வரும் இந்த படத்தின் படப்பிடிப்பு விறுவிறுப்பாக நடைபெற்று வந்த நிலையில், சமீபத்தில் நடிகர் ரஜினிகாந்த் உடல்நலக்குறைவு காரணமாக மருத்துவமனையில் சிகிச்சை பெற்றார்.

Team #Coolie wishes everyone a Super Happy Deepavali🧨🔥@rajinikanth@Dir_Lokesh@anirudhofficial@anbariv@girishganges@philoedit@Dir_Chandhru@PraveenRaja_Offpic.twitter.com/2n3QL3NACV

— Sun Pictures (@sunpictures) October 30, 2024

தற்போது வீடு திரும்பியுள்ள ரஜினிகாந்த் ஓய்வு எடுத்து வரும் நிலையில், தீபாவளி தினத்தை முன்னிட்டு கூலி படக்குழுவினருடன் இணைந்து புகைப்படம் எடுத்துக்கொண்டுள்ளார். இந்த புகைப்படம் தற்போது இணையத்தில் வைரலாகி வரும் நிலையில், ரஜினிகாந்த் மீண்டும் கூலி படத்தில் இணைந்துவிட்டாரா என்று கேள்வி எழுப்பி வருகின்றனர்.