தமிழ்நாட்டில் வளர்ந்த பையன், ஆனா தமிழே பேச வரல; 3 மாதம் கஷ்டப்பட்டோம்; வெண்ணிலா கபடி குழு மெமரீஸ்!

இன்றைய சினிமாவில் வளர்ந்து வரும் முன்னணி நடிகர்களில் ஒருவராக இருக்கும், விஷ்ணு விஷால், தனது முதல் படத்தில் நடிக்கும்போது, தமிழே சரியாக பேச தெரியாமல், அவரை சரியாக படத்திற்கு தகுந்த நடிகராக கொண்டுவர 3 மாதங்கள் கஷ்டப்பட்டதாக இயக்குனர் சுசீந்திரன் கூறியுள்ளார்.

முன்னாள் காவல்துறை அதிகாரியின் மகனாக விஷ்ணு விஷால், ஒரு கிரிக்கெட் வீரர். ஆனால் சில தவிர்க்க முடியாத காரணங்களால் அதில் அதில் இருந்து விலகி நடிப்பின் மீது கவனம் செலுத்திய இவர், கடந்த 2009-ம் ஆண்டு வெளியான வெண்ணிலா கபடிக்குழு என்ற படத்தின் மூலம் ஹீரோவாக அறிமுகமானார். சுசீந்திரன் இயககத்தில் வெளியான இந்த முதல் படமே அவருக்கு பெரிய வெற்றிப்படமாக அமைந்த நிலையில், அடுத்தடுத்து படங்களில் நடிக்க தொடங்கினார்.

அதன்பிறகு குள்ளநரி கூட்டம், நீர் பறவை, முண்டாசுப்பட்டி, ஜீவா, ராட்சசன் உள்ளிட்ட சில வெற்றிப்படங்களில் நடித்துள்ளார். இதில் முண்டாசுப்பட்டி, ராட்சசன் ஆகிய இரு படங்களும் விஷ்ணு விஷாலுக்கு பெரிய வெற்றியை கொடுத்தது. கடந்த 2022-ம் ஆண்டு கட்டா குஸ்தி என்ற வெற்றிப்படத்தை கொடுத்த இவர், கடந்த ஆண்டு ரஜினிகாந்துடன் லால் சலாம் என்ற படத்தில் நடித்திருந்தார். இந்த படம் கலவையான விமர்சன்ஙகளை பெற்றது.

தற்போது பல படங்களை கைவசம் வைத்திருந்தாலும், முதல் படத்தில் நடித்தபோது அவருக்கு தமிழே பேச வராது என்று இயக்குனர் சுசீந்திரன் கூறியுள்ளார். இது குறித்து பேசிய அவர், அவரது நண்பர்கள் இங்கிலீஷ், வீ்ட்டில் இந்தி என பேசியதால், விஷ்ணு விஷாலுக்கு தமிழே பேச வரவில்லை. தமிழ்நாட்டில் வளர்ந்த பையன் ஆனா தமிழே வரல. இவர் செட் ஆகமாட்டார் என்று விட்டுவிட்டேன். அதன்பிறகு, 3-4 மாதங்கள் படத்திற்கு ஹீரோ தேடிக்கிட்டே இருந்தோம்.

யாரை அழைத்து வந்தாலும், வேண்டாம் என்று சொன்ன தாயரிப்பாளர் இறுதியில் விஷ்ணு விஷால் தான் ஹீரோ என்று சொல்லிவிட்டார், கிடைத்த தயாரிப்பாளரை மிஸ் பண்ண வேண்டாம் என்று நினைத்து ஒப்புக்கொண்டேன். அதன்பிறகு அவரை மாற்றும் பணிகளில் ஈடுபட்டோம். முகத்தில் தாடி வளர எண்ணெய் தேய்த்து, உடல் நிறம் மாற பீச்சில் படுக்க வைத்து, முத்தில் புருவ முடிகளை பிடுங்கி 3 மாதங்கள் இதற்காக வேலை செய்தோம். அதன்பிறகு தான் அந்த படத்திற்காக அவர் தயாரானார். இதற்கு அவரும் நல்ல ஒத்துழைப்பு கொடுத்தார் என்று சுசீந்திரன் ஒரு பேட்டியில் கூறியுள்ளார்.