14 வயதில் சூர்யாவுக்கு ஜோடி; ரஜினிக்கு மகளாக நடித்த இவர் கேப்டனுக்கு ரீல் லவ்வர்: வாரிசு நடிகை யார் தெரியுமா?

தமிழ் சினிமாவில் பல ஹிட் படங்களை கொடுத்து முன்னணி நடிகராக வலம் வரும் சூர்யாவுக்கு தனது 14-வயதில் ஜோடியாக நடித்த வாரிசு நடிகை ஒருவர், பிரபல இயக்குனரை திருமணம் செய்துகொண்டு நெட்டில் ஆகிவிட்டார். அவர் யார் தெரியுமா?

1997-ம் ஆண்டு வசந்த் இயக்கத்தில் வெளியான நேருக்கு நேர் படத்தின் மூலம் சினிமாவில் அறிமுகமான சூர்யா, அடுத்து முன்னணி இயக்குனர்கள் பலருடன் இணைந்து பல வெற்றிப்படங்களை கொடுத்துள்ளார். தற்போதைய தமிழ் சினிமாவின் முன்னணி நடிகராக இருக்கும் இவர், நடிப்பில் 3-வது படமாக வெளியானது சந்திப்போமா என்ற திரைப்படம். இந்திரகுமார் என்பவர் இயக்கியிருந்த இந்த படத்தில், சூர்யாவுக்கு ஜோடியாக ப்ரீத்தா விஜயகுமார் நடித்திருந்தார்.

சூர்யா திரைத்துறையில் அறிமுகமான அதே 1997-ம் ஆண்டு ருக்மினி என்ற தெலங்கு படத்தின் மூலம் திரையுலகில் அறிமுகமான ப்ரீத்தா விஜயகுமார், 2-வது படமாக தமிழில், சந்திப்போமா படத்தில் சூர்யாவுக்கு ஜோடியாக நடித்திருந்தார், இதுதான் அவர் தமிழில் அறிமுகமான முதல் திரைப்படமாகும். அதன்பிறகு 1998-ம் ஆண்டு, விஜயகாந்த் ஜோடியாக தர்மா படத்தில்நடித்திருந்த அவர். அடுத்து பொண்ணுவீட்டுக்காரன் என்ற படத்தில் முக்கிய கேரக்டரில் நடித்திருந்தார்.

அதேபோல், 1999-ம் ஆண்டு வெளியான ரஜினிகாந்தின் படையப்பா படத்தில் அவரின் மகளாக நடித்திருந்த ப்ரீத்தா, சுயம்வரம், காக்கை சிறகினிலே, அல்லி அர்ஜூனா, புன்னகை தேசம் உள்ளிட்ட படங்களில் நடித்திருந்தார், கடைசியாக 2002-ம் ஆண்டு புன்னகை தேசம் படத்தில் நடிகர் ஹம்சவர்த்தனுக்கு ஜோடியாக நடித்திருந்த ப்ரீத்தா விஜயகுமார், அதே ஆண்டு, இயக்குனர் ஹரியை திருமணம் செய்துகொண்டார். தற்போது இவருக்கு 3 மகன்கள் உள்ள நிலையில், பிஸினஸ் வுமனாக வலம் வருகிறார்.

தமிழ் மட்டும் இல்லாமல், மலையாளம், கன்னடம், தெலுங்கு மொழிகளில் ஒருசில படங்களில் நடித்துள்ள ப்ரீத்தா விஜயகுமார், சூர்யாவுடன் முதல் படம் நடித்தது குறித்து பேசுகையில், அந்த படம் நடிக்கும்போது எனக்கு 14-15 வயது தான் இருக்கும். அது ஒரு ஃபேஷனுக்காக நடித்தது. ஜாலியாக நடித்துவிட்டு அப்படியே வெளியில் வந்தாச்சு. ஆனால் இப்போது அந்த படத்தை பார்த்தால் காமெடியாக இருக்கிறது. அடிக்கடி டிவியில் போடுகிறார்கள் என்று கூறியுள்ளார்.