பாலாவுக்கு பின்னணி இவர்கள் தான்: 'காந்தி கண்ணாடி' படம் பார்த்த ஆர்த்தி கணவர் பேச்சு!

நடிகர் கே.பி.ஒய் பாலா நாயகனாக நடித்துள்ள காந்தி கண்ணாடி திரைப்படம் நாளை வெளியாக உள்ள நிலையில், இந்த படத்தை பார்த்த செலிபிட்டீஸ் பலரும் படத்திற்கு பாசிட்டீவான விமர்சனங்களை கொடுத்து வருகின்றனர்.

சின்னத்திரையில் விஜய் டிவியின் கலக்கப்போவது யாரு நிகழ்ச்சியின் மூலம் புகழ் பெற்றவர் கே.பி.ஒய்.பாலா. தனது காமெடியான ஒன்லைனர் மூலம் ரசிகர்கள் மத்தியில் பிரபலமான இவர், ஒரு சில திரைப்படங்களிலும் நடித்துள்ளார். சின்னத்திரை வெள்ளித்திரையில் நடித்து வந்தாலும், பாலா சமூக சேவையில் தன்னை ஈடுபடுத்திக்கொள்வது பலரின் கவனத்தை ஈர்த்து வருகிறது.

மலை கிராம மக்களுக்கு உதவும் வகையில் ஆம்புலன்ஸ் வாங்கி கொடுத்த பாலா, மருத்துவமனையில் சிகிச்சை பெற்று வந்த பிரபல நடிகருக்கு தன்னால் முடிந்த உதவியை செய்து வருகிறார். கோடி கோடியாய் சம்பளம் வாங்கும் நடிகர்கள் இவரை பார்த்து கற்றுக்கொள்ள வேண்டும் என்று, சினிமா விமர்சகர்கள் மற்றும் பொதுமக்கள் என பலரும் பாலாவின் செயலுக்கு பாராட்டு தெரிவித்து வருகின்றனர். மேலும் திரை நட்சத்தரங்கள் பலரும் பாலாவின் செயலுக்கு உதவி வருகின்றனர்.

இதனிடையே கே.பி.ஒய் பாலா, காந்தி கண்ணாடி என்ற படத்தின் மூலம் ஹீரோவாக உருவெடுத்துள்ளார். 2018-ம் அண்டு விஜய் சேதுபதி நடிப்பில் வெளியான ஜூங்கா படத்தின் மூலம் சினிமாவில் அறிமுகமான இவர், புலிக்குத்தி பாண்டி, லாபம், நாய் சேகர், உள்ளிட்ட பல வெற்றிப்படங்களில் காமெடியனாக நடித்திருந்தார். சமீபத்தில் வெளியான, சென்னை சிட்டி கேங்ஸ்டர் பாடத்தில் நடித்திருந்த பாலா, காந்தி கண்ணாடி படத்தில் நாயகனாக நடித்துள்ளர்.

இந்த திரைப்படம் நாளை (செப்டம்பர் 5) வெளியாக உள்ள நிலையில், விஜய் டிவி பிரபலங்களுக்காக பிரீமியர் ஷோ திரையிடப்பட்டுள்ளது, இந்த ஷோவில் படம் பார்த்த மாகாபா ஆனந்த், ரொம்ப நாள் கழித்து சிரித்தேன். கடைசியில் ஒரு 5 நிமிடம் அழுதேன். படத்தில் இருக்கும் கேரக்டர்கள’ அனைத்தும், நம் வாழ்க்கயைில் எங்கேயோ பார்த்தது போன்ற உணர்வை கொடுக்கிறது. முதல் படமே பாலாவுக்கு இப்படி அமைந்தது மிகப்பெரிய சந்தோஷம். படத்தின் இயக்குனர் ஷெரிப்புக்கு மீண்டும் ஒரு திருப்புமுணை, தொடர்ந்து சிரிக்க வைத்து கடைசியில் ஒரு விஷயத்தை யோசிக்க வைத்த படம் என்று கூறியுள்ளார்.

பாலாவுக்கு இப்படி ஒரு படமா ! மகாபா ஆனந்த் உருக்கம் #kpybala#tamilcinema#kollyflix#GandhiKannadi#makapaanandpic.twitter.com/hhDntQD8Ot

— Kollyflix (@Kollyflix) September 4, 2025

நடிகை ஆர்த்தி கூறுகையில், பாலா கலக்கப்போவது யாரு ஆடிஷனில் தொடங்கி இப்போதுவரை, எனக்கு தெரியும். அவர் ரீல் மற்றும் ரியல் வாழ்க்கையில் ஹீரோவாக மாறியது பெரிய வெற்றி. பாலாவின் வெற்றி ஒவ்வொரு வீட்டில் இருக்கும் மகனின் வெற்றி என்று சொல்லலாம். பாலா காமெடி செய்து பலமுறை சிரித்திருக்கிறேன். ஆனால் இந்த படத்தின் மூலம் என்னை அழவைத்துவிட்டார். படம் மிக அருமையாக இருந்தது என்று கூறியுள்ளார், அவரது கணவரும், பாலாவுக்கு பெரிய பின்னணி மக்கள் தான். அவர் மக்களை சம்பாதித்து வைத்திருக்கிறார் என்று கூறியுள்ளார்.

நடிகர் விதார்த் பேசுகையில், பாலா நடித்துள்ள காந்தி கண்ணாடி மிகவும் அற்புதமான படம், ஒரு எமோஷனலான படத்தை காமெடியாக எடுத்து போய் கடைசியில் அழவைத்துவிட்டார்கள். எனக்கு முதல் படம் மைனா பெரிய வெற்றி. அதை தாண்டி இந்த படம் வெற்றி பெறும் என்று கூறியுள்ளார்.