ரங்கராஜூவை நகல் எடுத்த குரேஷி; டேய் ரொமான்ஸ் பத்தலடா, என்ட ட்ரெணிங் எடுத்துகோ: மாதம்பட்டி ரியாக்ஷன்!

மாதம்பட்டி ரங்கராஜ் தன்னிடம் ஆசை வார்த்தை கூறி எப்படி எல்லாம்  ஏமாற்றினார் என்பதை நிரூபிக்கும் வகையில் காஸ்டியூம் டிசைனர் ஜாய் கிரிசில்டா வெளியிட்ட வீடியோ இணையத்தில் வைரலாக பரவிய நிலையில், இந்த வீடியோயை நகல் எடுக்கும் வகையில் காமெடி நடிகர் குரேஷி வெளியிட்டுள்ள வீடியோ கவனம் ஈர்த்துள்ளது.

தமிழ்நாட்டில் மட்டும் இல்லாமல் உலகளவில் பல பிரபலங்களின் திருணத்திற்கு கேட்ரிங் சர்வீஸ் செய்து அசத்தி வருபவர் தான் மாதம்பட்டி ரங்கராஜ். மெஹந்தி சர்க்கஸ் என்ற படத்தின் மூலம் சினிமாவில் அறிமுகமான இவர், அடுத்து பென்குயின் என்ற படத்தில் நடித்திருந்தார். இதனையடுத்து சமீபத்தில், தனது 3-வது படத்திற்கான பூஜை போடப்பட்டதாகவும் தகவல்கள் வெளியானது. தற்போது குக் வித் கோமாளி நிகழ்ச்சியில், ரங்கராஜ் நடுவராக இருந்து வருகிறார்,

ஏற்கனவே ஸ்ருதி என்பவரை திருமணம் செய்துகொண்ட ரங்கராஜ்க்கு 2 மகன்கள் உள்ள நிலையில், அவர், தனது காஸ்டியூம் டிசைனரான ஜாய் கிரிசில்டாவை 2-வது திருமணம் செய்துகொண்ட புகைப்படங்கள், கடந்த சில மாதங்களுக்கு முன்பு வெளியாகி பெரும் பரபரப்பை ஏற்படுத்தியது. இது குறித்து நேரடியாக பதில் சொல்லவில்லை. அதே சமயம், ஜாய் கிரிசில்டா தான் ரங்கராஜ் குழந்தையை வயிற்றில் சுமப்பதாகவும், அதற்கு ராஹா ரங்கராஜ் என்று பெயர் வைத்துள்ளதாகவும் புகைப்படங்கள் வெளியிட்டு வந்தார்.

இதனிடையே, சமீபத்தில், ரங்கராஜ் தன்னை ஏமாற்றிவிட்டதாகவும், தான் கர்ப்பமாக இருக்கும்போது இந்த குழந்தையை அழித்துவிடு என்று கூறியதாகவும், தன்னுடன் வாழ மறுக்கிறார் என்றும் குற்றம்சாட்டி, காவல்நிலையத்தில் புகார் அளித்திருந்தார். மேலும் அவரை படப்பிடிப்பு தளத்தில் சந்தித்தபோது அவர் தன்னை தாக்கியதாகவும் புகாரில் குறிப்பிட்டுள்ளதாக தகவல்கள் வெளியானது. இந்த தகவல்கள் இணையத்தில் பரபரப்பை ஏற்படுத்தியது.அதன்பிறகு, ரங்கராஜ் வேலை பிஸியில் இருந்தபோது, தனக்கு அனுப்பிய ஒரு வீடியோவை வெளியிட்டார்.

இதில் ரங்கராஜ், ஹாய் பொண்டாட்டி மிஸ்யூ என்று பல ஆசை வார்த்தைகளை கூறியிருந்தார். ஜாய் கிரிசில்டா மாதம்பட்டி ரங்கராஜ் மீது அடுக்கடுக்கான பல குற்றச்சாட்டுகளை முன்வைத்து வந்தாலும், இந்த குற்றச்சாட்டுகளுக்கு அவர் இதுவரை நேரடியாக பதில் சொல்லவில்லை. இதனிடையே இந்த வீடியோவை நகல் எடுக்கும் வகையில், காமெடி நடிகர் குரேஷி ஒரு வீடியோவை வெளியிட்டுள்ளார். ஜாய் கிரிசில்டா வெளியிட்ட மாதம்பட்டி ரங்கராஜ் பேசிய வீடியோவில் அவர் பேசியது போலவே குரேஷி பேசியுள்ளார்.

இந்த வீடியோவுக்கு, உங்கள் மனைவிக்கு ஓணம் வாழ்த்துக்களை அண்ணன் மாதம்பட்டி ரங்கராஜ் ஸ்டைலில் சொல்வது எப்படி என்று பதிவிட்டுள்ளார். இந்த பதிவை பார்த்த ரசிகர்கள் பலரும், இவருக்கும் ரங்கராஜூவுக்கும் இடையே மோதல் வர போகிறது என்று கூறி வந்த நிலையில், இந்த வீடியோவுக்கு மாதம்பட்டி ரங்கராஜூவே கமெண்ட் கொடுத்துள்ளார். அதில், டேய் ரொமான்ஸ் பாத்தல டா..!! 2 வாரங்கள் என்கிட்ட பயிற்சி வாடா என்று பதிவிட்டுள்ளார்.

View this post on Instagram

A post shared by Mohamedkuraishi K (@kuraishi_the_entertainer)

இந்த பதிவை பார்த்த ரசிகர்கள் பலரும், எங்களுக்கும் எப்படி ரொமான்ஸ் செய்வது என்று சொல்லிக்கொடுங்கள், என்று கருத்துக்களை கூறி வரும் நிலையில், இந்த வீடியோவுக்கு நெட்டிசன்கள் பலரும், மாதம்பட்டி ரங்கராஜூவை நகலெடுத்த குரேஷி என்று பதிவிட்டு வருகின்றனர்.