ஜெயிலர் vs லியோ... 5-வது நாள் வசூலில் யார் டாப்?

சமீபத்தில் வெளியான விஜயின் லியோ திரைப்படம் தமிழக பாக்ஸ் ஆபீஸ் வசூலில் 5-வது நாள் நிலவரப்படி ரஜினிகாந்தின் ஜெயிலர் திரைப்படத்தை விட பின்தங்கியுள்ளதாக  திரைப்பட வர்த்தக ஆய்வாளர் மனோபாலா விஜயபாலன் தெரிவித்துள்ளார்.

தளபதி விஜய் நடிப்பில் கடந்த அக்டோபர் 19-ந் தேதி வெளியான திரைப்படம் லியோ. பெரிய எதிர்பார்ப்புக்கு மத்தியில் வெளியான இந்த படம் கலவையான விமர்சனங்களை பெற்றிருந்தாலும், வசூலில் புதிய சாதனை படைத்து வருவதாக தகவல் வெளியாகி வருகிறது. இதனிடையே தமிழகத்தில் லியோ படம் வெளியான 5-வது நாளில், ரூ 78.98 கோடியை வசூல் செய்துள்ள நிலையில், அதே நேரத்தில் ரஜினிகாந்தின் ஜெயிலர் ரூ 122.83 கோடிகளை வசூலித்துள்ளதாக விஜயபாலன் ட்விட்டர் பக்கத்தில் தெரிவித்துள்ளார்.

லியோ படம் வெளியான முதல் நாளில் சுமார் ரூ.27.63 கோடியும், 2ஆம் நாள் ரூ.15.95 கோடியும், 3ஆம் நாள் ரூ.13.32 கோடியும், 4ஆம் நாள் ரூ.12.79 கோடியும், 5ஆம் நாளில் ரூ.9.51 கோடியும் வசூலித்ததாகவும், ஜெயலர் படம் முதல் நாளில் ரூ.29.46 கோடியும், 2-ம் நாளில் ரூ.20.25 கோடியும், 3-வது நாளில் ரூ.26.38 கோடியும், 4-வது நாளில் ரூ.31.04 கோடியும், 5-வது நாளில் ரூ.15.70 கோடியும் வசூலித்துள்ளது

விஜய்யின் லியோ தமிழ்நாட்டின் பாக்ஸ் ஆபிஸில் 5 நாட்களில் ரூ. 75 கோடியைத் தாண்டியது. அதே நேரத்தில் ஜெயிலர் அதே காலக்கட்டத்தில் ரூ. 122.83 கோடியை வசூல் செய்துள்ளது என்றும் விஜயபாலன் தெரிவித்துள்ளார்.

அதே சமயம் லியோ ரிலீஸான ஆறாவது நாளில் இந்திய அளவில் 250 கோடி ரூபாய் வசூல் செய்து சாதனை படைத்துள்ளது. இப்படம் முதல் நாளில் ரூ.64.80 கோடியும், முதல் வெள்ளிக்கிழமை ரூ.35.25 கோடியும், முதல் சனிக்கிழமை ரூ.39.80 கோடியும், முதல் ஞாயிறு ரூ.41.55 கோடியும், முதல் திங்கட்கிழமை ரூ.35.19 கோடியும் வசூலித்துள்ளது. இன்று ரூ 28 கோடி வசூல் செய்யும் பட்சத்தில் லியோ ஒரு வாரத்தில் சுமார் ரூ. 244.59 கோடி வசூல் செய்துள்ளதாக இந்திய திரைப்பட வர்த்தக போர்டல் சாக்னில்க் தெரிவித்துள்ளது.

நெல்சன் திலீப்குமார் இயக்கிய ஜெயிலர் இந்திய பாக்ஸ் ஆபிஸில் மொத்தம் ரூ 344.50 கோடிகளை வசூலிதர்துள்ளது. இதில் தமிழ் பாக்ஸ் ஆபிஸில் இப்படம் சுமார் ரூ.264.82 கோடியாகும். லோகேஷ் கனகராஜ் இயக்கிய, லியோ அக்டோபர் 19 அன்று உலகம் முழுவதும் திரையரங்குகளில் வெளியிடப்பட்டது குறிப்பிடத்தக்கது.