ஒயிட் அன்ட் ஒயிட் சிவா - அதிதி... பிரபலங்கள் பங்கேற்ற மாவீரன் ப்ரீ ரிலீஸ் புகைப்படங்கள்

சிவகார்த்திகேயன் நடிப்பில் மண்டேலா இயக்குனா மடோன் அஸ்வின் இயக்கியுள்ள மாவீரன் திரைப்படத்தின் ப்ரீ ரிலீஸ் புகைப்படங்கள் தற்போது இணையத்தில் வைரலாகி வருகிறது.

தமிழ் சினிமாவில் குறுகிய காலத்தில் முன்னணி நடிகரான உயர்ந்தவர் சிவகார்த்திகேயன். விஜய் டிவியின் தொகுப்பாளராக இருந்து சினிமாவில் நுழைந்த இவர், எவ்வித சினிமா பின்னணியும் இல்லாமல் முன்னணி நடிகரான உயர்ந்துள்ளார்.

2012-ம் ஆண்டு மெரினா படத்தின் மூலம் தனது பயணத்தை தொடங்கிய இவர், தொடர்ந்து மனம்கொத்தி பறவை, கேடி பில்லா கில்லாடி ரங்கா, எதிர்நீச்சல், வருத்தப்படாத வாலிபர் சங்கம், காக்கிச்சட்டை ரஜினிமுருகன் கனா உள்ளிட்ட பல வெற்றிப்படங்களை கொடுத்துள்ளார்.

கடந்த ஆண்டு இவர் நடிப்பில் வெளியான டான் படம் பெரிய வெற்றியை கொடுத்த நிலையில், அடுத்து ஒரே நேரத்தில் தமிழ் மற்றும் தெலுங்கில் வெளியான பிரின்ஸ் படம் எதிர்பார்த்த வெற்றியை பெற தவறிவிட்டது.

அதனைத் தொடர்ந்து தற்போது மாவீரன் அயலான் உள்ளிட்ட படங்களில் நடித்து வரும் சிவகார்த்தியேன், அடுத்து எஸ்.கே. 21 படத்திற்கு தயாராகி வருகிறார். இதனிடையே இவரின் மாவீரன் திரைப்படம் வரும் ஜூலை 14-ந் தேதி வெளியாக உள்ளது.

மண்டேலா என்ற படத்தின் மூலம் கவனம் ஈர்த்த இயக்குனர் மடோன் அஸ்வின் இயக்கியுள்ள இந்த படத்தில் சிவகார்த்தினேயுனுக்கு ஜோடியாக அதிதி சங்கர் நடித்துள்ளார்.

இந்த படத்தின் டிரெய்லர் கடந்த நேற்று (ஜூலை 02) மாலை வெளியாகி நல்ல வரவேற்பை பெற்று வரும் நிலையில் படத்தின் மீதான எதிர்பார்ப்பும் அதிகரித்துள்ளது.

இதனிடையே மாவீரன் படத்தின் ப்ரீ ரிலீஸ் நிகழ்ச்சியில் எடுக்கப்பட்ட புகைப்படங்கள் தற்போது இணையத்தில் வைரலாகி வரும் நிலையில், சிவகார்த்திகேயன் ரசிகர்கள் கொண்டாட்டத்தில் ஈடுபட்டு வருகின்றனர்.  

நேற்று வெளியான மாவீரன் படத்தின் டிரெய்லர் நல்ல வரவேற்பை பெற்று வரும் நிலையில், தற்போதுவரை 3.1 மில்லியன் பார்வையாளர்களை கடந்துள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“