ஃபீல் குட் ஃபேமிலி என்டர்டெயினர் : எம்.எஸ்.தோனியின் எல்.ஜி.எம் ஃபர்ஸ்ட் லுக் வெளியீடு

கிரிக்கெட் வீரர் தோனி தமிழ் சினிமாவில் தயாரிக்கும் முதல் படத்தின் .பர்ஸ்ட்லுக் போஸ்ட் தற்போது வெளியிடப்பட்டு இணையத்தில் வைரலாகி வருகிறது.

இந்திய கிரிக்கெட் அணியின் வெற்றிகரமான கேப்டன்களில் ஒருவாக மகேந்திர சிங் தோனி, கடந்த சில வருங்களுக்கு முன்பு சர்வதேச போட்டிகளில் இருந்து ஓய்வு பெற்றுவிட்ட நிலையில், ஐபிஎல் தொடரில் மட்டும் கவனம் செலுத்தி வருகிறார். இதனிடையே தோனி தற்போது சினிமா தயாரிப்பாளராக புது அவதாரம் எடுத்துள்ளார்.

தோனி என்டர்டெயின்மென்ட் என்ற பெயரில் புதிய நிறுவனம் தொடங்கியுள்ள அவர், தற்போது எஸ்ஜிஎம் என்ற தமிழ் படத்தை தயாரித்து வருகிறார். கடந்த ஜனவரி மாதம் இந்த படத்திற்கான அறிவிப்பு வெளியானது.  லெட்ஸ் கெட் மேரிட் என்பதன் சுருக்கம் தான் எல்ஜிஎம். தமிழ் சினிமாவில் தயாராப்பாளராக வந்துள்ள தோனிக்கு ரசிகர்கள் மத்தியில் வரவேற்பு இருந்து வருகிறது.

பியார் பிரேமா காதல் உள்ளிட்ட சில படங்களில் நடித்து புகழ்பெற்ற ஹரிஷ் கல்யாண் இப்படத்தின் நாயகனாகவும், லவ் டுடே புகழ் இவானா கதாநாயகியாக நடிக்கவும் ஒப்பந்தம் செய்யப்பட்டுள்ளார். அறிமுக இயக்குனர் ரமேஷ் தமிழ்மணி இயக்கத்தில் உருவாகும் இப்படத்தில் ஒரு முக்கிய வேடத்தில் நடிகை நதியா நடிக்கிறார். எல்ஜிஎம் படத்தின் ஃபர்ஸ்ட் லுக் போஸ்டரை எம்எஸ் தோனி நேற்று (ஏப்ரல் 10) வெளியிட்டார்.

தோனி தனது ஃபேஸ்புக் பக்கத்தில் போஸ்டரைப் பகிர்ந்துகொண்டு, எல்ஜிஎம் படத்தின் ஃபர்ஸ்ட் லுக் போஸ்டரை வெளியிட்டதில் மகிழ்ச்சி. உங்கள் முகத்தில் சிரிப்பை வரவழைக்கும் ஃபீல்-குட் ஃபேமிலி என்டர்டெய்னருக்கு தயாராகுங்கள்! பட குழுவினருக்கு வாழ்த்துக்கள். தோனி எண்டர்டெயின்மென்ட் பிரைவேட் லிமிடெட்”

எல்ஜிஎம் தயாரிப்பதைத் தவிர, சாக்ஷி தோனி இப்படத்தின் மூலக்கதையை உருவாக்கியுள்ளார், படத்தின் இயக்குனரே இசையமைத்துள்ளார். எல்ஜிஎம் படத்தின் போஸ்டர் படம் ஒரு ஜோடி மற்றும் அம்மாவைப் பற்றிய நகைச்சுவை-நாடகமாக இருக்கும் என்று தெரிவிக்கிறது.

இது குறித்து பத்திரிக்கையாளர் சந்திப்பில் பேசிய சாக்ஷி தோனி,  "நாங்கள் இங்கு இருப்பதற்கும் இதுபோன்ற அர்த்தமுள்ள கதைகளை உருவாக்குவதற்கும் ஆவலுடன் காத்திருக்கிறோம்" என்று கூறியிருந்தார். முன்னதாக, எம்.எஸ்.தோனி மற்றும் விஜய் ஒரு படத்தில் இணைகிறார்கள் என்று வதந்தி பரவியது, இதற்கான அதிகாரப்பூர்வ அறிவிப்புக்கு ரசிகர்கள் காத்திருந்த நிலையில், தோனி எல்ஜிஎம் அறிவித்தார்.

இருப்பினும், 'தல' மற்றும் 'தளபதி' என்றாவது ஒரு நாள் கைகோர்க்கும் என்ற நம்பிக்கை இன்னும் மக்கள் மத்தியில் உள்ளது. தற்போது, இந்த ஆண்டு ஐபிஎல் தொடரில் சென்னை சூப்பர் கிங்ஸ் அணியின் கேப்டனாக தோனி உள்ளார். மஞ்சள் அணியினர் இதுவரை ஒரு போட்டியில் தோல்வியடைந்து இரண்டு போட்டிகளில் வெற்றி பெற்றுள்ளனர்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“