கமலுக்கு தங்கை, கேப்டனுக்கு மனைவி; சூர்யாவுக்கு அம்மாவான இவர், தமிழில் நடித்தது சில படங்கள்: யார் இந்த நடிகை!

தமிழ் சினிமாவில், பல திறமைகளை உள்ளடக்கிய நடிகர்களில் முக்கியமானவர் கமல்ஹாசன். சினிமாவுக்கு புதிய டெக்னாலஜிகளை அறிமுகம் செய்த அவர், பல வெற்றிப்படங்களை கொடுத்துள்ளார். அவரது படங்களில் நடித்த பலரும் இன்று முன்னணி நட்சத்திரங்களாக இருக்கின்றனர். அந்த வகையில் நாயகன் படத்தில் அவரது தங்கையாக நடித்த நடிகை இப்போது எப்படி இருக்கிறார் தெரியுமா?

இயக்குனர் மணிரத்னம் இயக்கத்தில் கடந்த 1987-ம் ஆண்டு வெளியான படம் நாயகன். மும்பையில் தாதாவாக இருந்த வரதராஜ முதலியார் என்ற தமிழரின் வாழ்க்கை வரலாற்றை அடிப்படையாக வைத்து திரைக்கதை அமைக்கப்பட்டதாக சொல்லப்படும் இந்த படம், 38 ஆண்டுகள் கழித்தும் இன்றும் கல்ட் க்ளாசிக் படமாக நிலைத்திருக்கிறது. கமல்ஹாசன், சரண்யா, ஜனகராஜ், நாசர், நிகழல்கள் ரவி உள்ளிட்ட பல முன்னணி நட்சத்திரங்கள் இந்த பட்த்தில் நடித்திருந்தனர்.

இந்த படத்தில் வரும் 4 பேருக்கு நல்லது என்றால் எதுவும் தப்பில்லை, நீங்க நல்லவரா? கெட்டவரா? போன்ற வசனங்கள் இன்றைய கால இளைஞர்கள் மத்தியிலும் கவனம் ஈர்த்துள்ளது. இந்த படத்தில் கமல் தனது இளம் வயதில் வாபா என்பவருடன் அடைக்கலமாக இருப்பார். அந்த வாபாவின் மகளா ஷகிலா கேரக்டரில் கமல்ஹாசனின் தங்கையாக ஒருவர் நடித்திருப்பார். அவர் யார் தெரியுமா? அந்த நடிகையின் பெயர் தாரா. கர்நாடக மாநிலத்தை சேர்ந்த இவர், 1984-ல் வெளியான மணிவண்ணனின் இங்கேயும் ஒரு கங்கை படத்தில் அறிமுகமானார்.

முரளி நாயகனாக நடித்த இந்த படம், ஓரளவு வரவேற்பை பெற்றிருந்துது. அடுத்து, மணிவண்ணன் இயக்கத்தில் விஜயகாந்த், சத்யராஜ் நடித்த ஜனவரி 1 படத்திலும் நடித்த இவர், 1987-ம் ஆண்டு நாயகன் படத்தில் ஷகிலா என்ற கேரக்டரில் நடித்திருந்தார். இந்த படம் பெரிய வெற்றிப்படமாக அமைந்தது. தொடர்ந்து துளசி, அக்னி நட்சத்திரம், ஆகிய படங்களில் நடித்திருந்த இவர், 1990-ம் ஆண்டு வெளியான சிறையில் பூத்த சின்ன மலர் படத்தில், விஜயகாந்த் மனைவி மற்றும் அம்மா கேரக்டரில் நடித்திருப்பார்.

View this post on Instagram

A post shared by Tharaanooradha (@dr.tharanooradha_official)

தொடர்ந்து 18 வருட இடைவெளிக்கு பின், 2008-ம் ஆண் முனியாண்டி விலங்கியல் மூன்றாம் ஆண்டு படத்தில் நடித்திருந்த தாரா, 2012-ம் ஆண்டு வெளியான சூர்யாவின் மாற்றான் திரைப்படத்தில் அவரின் அம்மா கேரக்டரில் நடித்திருந்தார். கடைசியாக 2017-ம் ஆண்டு விக்ரம் பிரபுவின் சத்ரியன் படத்தில் நாயகியின் அம்மாவாக நடித்திருந்த தாரா, கன்னடத்தில் தொடர்ந்து நடித்து வருகிறார். கன்னடாவில் சில சீரியல்களிலும் நடித்துள்ள தாரா, கர்நாடகாவின் முக்கிய அரசியல் பிரபலமாகவும் இருப்பது குறிப்பிடத்தக்கது.