தியேட்டருக்கு ஈடு கொடுக்கும் ஒ.டி.டி: தீபாவளிக்கு ரிலீஸ் ஆகும் முக்கிய படங்கள் என்னென்ன?

பண்டிகை காலங்களில் முன்னணி நடிகர்களின் படங்கள் தியேட்டர்களில் வெளியாவது வழக்கம். அதே சமயம் தற்போது ஒடிடி பயன்பாடு அதிகரித்துவிட்டதால், வாரந்தோறும் புதிய படங்கள் ஒடிடி தளத்தில் வெளியாக வருகின்றனர். அந்த வகையில் தீபாவளி தினத்தை முன்னிட்டு தியேட்டரில், சிவகார்த்திகேயன் நடிப்பில் அமரன், கவின் நடிப்பில் பிளாடி பெக்கர், ஜெயம்ரவி நடிப்பில் பிரதர் ஆகிய படங்கள் தமிழில் வெளியாக உள்ளது.

அதேபோல் கன்னடத்தில் ஸ்ரீமுரளி நடித்துள்ள பஹீருர், இந்தியில், அக்ஷைகுமார் நடித்துள்ள போல் புலையா 3, சிங்கம் அகைனன், தெலுங்கில் லக்கி பாஸ்கர், ஆகிய படங்கள் வெளியாக உள்ளது. இதனிடையே தியேட்டர்களில் வெளியாகும் படங்களை போல் ஒடிடி தளத்தில் வெளியாகும் படங்கள் குறித்து தற்போது தகவல் வெளியாகியுள்ளது.

லப்பர் பந்து

கடந்த சில வாரங்களுக்கு முன்பு, தமிழில் வெளியாகி பெரிய வெற்றிப்படமாக அமைந்த லப்பர் பந்து திரைப்படம் நாளை (அக்டோபர் 31) டிஸ்னி ஹாஸ்டார் ஒடிடி தளத்தில் வெளியாக உள்ளது.

அஞ்சாமை

விதார்த், வாணி போஜன், ரஹ்மான் ஆகியோரின் நடிப்பில் நீட் தேர்வு காரணமாக ஏற்படும் பாதிப்புகளை எடுத்து சொல்லும் வகையில் திரைக்கதை அமைக்கப்பட்டிருந்த அஞ்சாமை திரைப்படம், ஆஹா ஒடிடி தளத்தில் வெளியாகியுள்ளது.

மித்யா – தி டார்க் சாப்டர்

இந்தியில் கடந்த 2022-ம் ஆண்டு வெளியாகி பெரிய வரவேற்பை பெற்ற மித்யா தொடரின் 2-ம் பாகமாக இந்த படம் நவம்பர் 1-ந் தேதி ஜீ5-ல் வெளியாக உள்ளது.

டைம் கட்

எதிர்பாராதவிதமாக டைம் ட்ராவல் செய்யும் பள்ளி மாணவி ஒருவர், தனது அக்கா சைக்கோ கொலையாளியிடம் மாட்டிக்கொண்டதால் அவரை காப்பாற்ற எடுக்கும் முயற்சி தான் இந்த படம். இந்த படம் நெட்ஃபிளக்சில் வெளியாகி உள்ளது.

மிடாஸ் மேன்

பிரபலமான மியூசிக் பேண்டுகளின் மேனேஜராக இருந்த பிரன் எப்ஸ்டின் வாழ்க்கை வரலாற்றை அடிப்படையாக வைத்து திரைக்கதை அமைக்கப்பட்டுள்ள இந்த படம், ப்ரைம் வீடியோவில் வெளியாக உள்ளது.

டாக்மேன்

வண்டி நிறைய நாய்களை ஏற்றிச்செல்லும் ஒருவர் கைது செய்யப்படுவதால் அடுத்து என்ன நடக்கிறது என்பதை விறுவிறுப்பாக சொல்லும் கதைதான் இந்த டாக்மேன். இந்த படம் ப்ரைம் வீடியோவில் வெளியாகியுள்ளது.

தி சப்ஸ்டன்ஸ்

வயதான ஹாலிவுட் நடிகை தனது இளமையை மீட்டெடுக்க, ஒரு மாத்திரி எடுத்துக்கொள்ளும்போது என்ன பிரச்னைகளை எதிர்கொள்கிறார் என்பதை வைத்து திரைக்கதை அமைக்கப்பட்டுள்ள இந்த படம் முமி தளத்தில் வெளியாக உள்ளது.