ரஜினி வந்தார்; 2 மணி நேரம் பேசினார்; அதில் 5 நிமிடம்... தேவாவிடம் வைரமுத்து சொன்ன ரகசியம்

இசையமைப்பாளர் தேவாவுடன் பேசிக்கொண்டிருக்கும் கவிஞர் வைரமுத்து நடிகர் ரஜினிகாந்த் என்னை சந்தித்து பேசினார். 2 மணி நேரம் நடந்த இந்த சந்திப்பில் 5 நிமிடங்கள் அவர் பாட்சா படம் பற்றிதான் பேசிக்கொண்டிருந்தார் என்று கூறியுள்ளது தற்போது ரஜினி ரசிகர்கள் மத்தியில் பெரும் உற்சாகத்தை ஏற்படுத்தியுள்ளது.

தமிழ் சினிமாவின் முன்னணி பாடலாசிரியர்களில் ஒருவர் வைரமுத்து. தனது எழுத்தின் மூலம் பல ஹிட் பாடல்களை கொடுத்து பல்வேறு விருதுகளை வென்றுள்ள வைரமுத்து இன்றைக்கும் தமிழ் சினிமாவில் பிஸியாக பாடலாசிரியராக வலம் வருகிறார். இந்த வகையில் தற்போது சிங்கப்பூர் நிறுவனம் தயாரிக்கும் கப்பல் ஏறிய தமிழன் என்ற தொலைக்காட்சி தொடருக்கான ஒரு பாடலை எழுதியுள்ளார்.

இசையமைப்பாளர் தேவா இசையமைக்கும் இந்த தொடருக்கான கம்போசிங் நடைபெறும் வீடியோ பதிவு தற்போது வெளியாகியுள்ளது. இதில் வைரமுத்துவின் பாடலை தனது இசையுடன் சேர்ந்து பாடும் தேவாவிடம் பேச தொடங்கும் வைரமுத்து, ஒன்று தெரியுமா தேவா சார் போனவாரம் ரஜினி சார் வீட்டுக்கு வந்திருந்தார். அப்போது 2 மணி நேரம் பேசிக்கொண்டிருந்தோம். இதில் 5 நிமிடங்கள் பாட்சா படம் பற்றித்தான் பேசினார்.

நீங்களும் தேவாவும் அந்த படத்திற்கு செய்த பங்களிப்பு என்னால் மறக்க முடியாது என்று ரஜினிகாந்த் வாய்விட்டு சொல்லி மகிழ்ந்து கொண்டாடினார் என்று கூறியுள்ளார். முன்னணி நடிகரான ரஜினிகாந்தின் திரை வாழ்க்கையில் அவருக்கு பெரிய வெற்றிப்படமாக அமைந்தது பாட்சா திரைப்படம் சுரேஷ் கிருஷ்ணா இயக்கிய இந்த படத்தில் நக்மா நாயகியாக நடித்திருந்தார். தேவாவின் இசையில் இந்த படத்தில் இடம்பெற்ற பாடல்கள் அனைத்தும் ரசிகர்கள் மத்தியில் நல்ல வரவேற்பை பெற்றது குறிப்பிடத்தக்கது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“