வசூலில் தமிழ் சினிமாவில் புதிய உச்சம்: கூலி குவித்த கோடிகளை அதிகாரபூர்வமாக அறிவித்த சன் பிச்சர்ஸ்

Coolie Box Office Collection Day 2: லோகேஷ் கனகராஜ் இயக்கத்தில், ரஜினிகாந்த், சத்யராஜ், அமீர்கான், நாகர்ஜூனா உள்ளிட்ட முன்னணி நட்சத்திரங்கள் நடிப்பில் வெளியான கூலி திரைப்படம் முதலில் நாள் வசூல் நிலவரம் குறித்து அதிகாரப்பூர்வ அறிவிப்பு வெளியாகியுள்ளது,

இந்தியாவின் 79வது சுதந்திர தினத்தை முன்னிட்டு நேற்று (ஆகஸ்ட் 14) திரையரங்குகளில் ரசிகர்கள் ஆரவாரத்துடன் வெளியாகி வரவேற்ற திரைப்படம் "கூலி". பெரும் எதிர்பார்ப்புகளுக்கு மத்தியில் வெளியான இந்தப் படம், பாக்ஸ் ஆபிஸில் முதல் நாளில் இருந்தே வசூல் வேட்டை நடத்தி வருகிறது. முதல் நாளிலேயே பல சாதனைகளை இந்தப் படம் முறியடித்துள்ளது. முதல் நாளில், உலகளவில் ரூ151 கோடிக்கும் அதிகமாக வசூல் செய்து புதிய சரித்திரம் படைத்துள்ளது.

இந்த வசூல், தமிழ்த் திரைப்பட வரலாற்றிலேயே ஒரு படம் முதல் நாளில் ஈட்டிய அதிகபட்ச உலகளாவிய மொத்த வசூலாகக் கருதப்படுகிறது. இத்தகவலை சன் பிக்சர்ஸ் நிறுவனம் அதிகாரப்பூர்வமாக அறிவித்து, ரஜினிகாந்த் ஒரு "சாதனை படைப்பாளர் மற்றும் சாதனை முறியடிப்பாளர்" என்று புகழ்ந்துள்ளது. இந்தியாவில் மட்டும், இந்தப் படம் முதல் நாளில் ரூ65 கோடி நிகர வசூலை ஈட்டியுள்ளது. இதில், தமிழ் பதிப்பின் வசூல் முக்கிய இடம் பிடித்துள்ளது.

அதே சமயம், தெலுங்கு மற்றும் இந்தி பதிப்புகளும் கணிசமான வரவேற்பைப் பெற்றுள்ளன. முதல் நாள் திரையரங்குகளில் தமிழ் பதிப்பிற்கு 86.99% பார்வையாளர்களும், தெலுங்கு பதிப்பிற்கு 92.10% பார்வையாளர்களும் வருகை தந்துள்ளனர்.'கூலி' திரைப்படம், அதே நாளில் வெளியான ஹிருத்திக் ரோஷன் மற்றும் ஜூனியர் என்டிஆர் நடித்த 'வார் 2' என்ற பாலிவுட் படத்துடன் கடுமையாக மோதியது. 'வார் 2' திரைப்படம் முதல் நாளில் ரூ52.5 கோடி நிகர வசூலை ஈட்டியபோதிலும், 'கூலி' பாக்ஸ் ஆபிஸில் அதை முறியடித்து, தனது ஆதிக்கத்தை நிலைநாட்டியுள்ளது.

படத்தின் இரண்டாவது நாளான இன்று, (ஆகஸ்ட் 15) மாலை 6:00 மணி நிலவரப்படி, 'கூலி' இந்தியாவில் ரூ25.94 கோடி நிகர வசூலை ஈட்டியுள்ளது. இதன் மூலம், இரண்டு நாட்களில் அதன் மொத்த வசூல் ரூ90.94 கோடியாக உயர்ந்துள்ளது. இன்றைய நாளின் முடிவில், இந்தப் படம் ரூ100 கோடி மைல்கல்லைத் தொடும் என்று எதிர்பார்க்கப்படுகிறது.

Superstar Rajinikanth The Record Maker & Record Breaker 🔥🔥🔥#Coolie becomes the Highest ever Day 1 worldwide gross for a Tamil film with 151 Crores+#Coolie in theatres worldwide🌟@rajinikanth@Dir_Lokesh@anirudhofficial#AamirKhan@iamnagarjuna@nimmaupendra#SathyaRaj… pic.twitter.com/k3wLtIMqPn

— Sun Pictures (@sunpictures) August 15, 2025

ராஜசேகர் என்ற நண்பனின் மரணத்திற்குப் பழிவாங்கவும், அவரது மகள்களைப் பாதுகாக்கவும் தேவா (ரஜினிகாந்த்) எடுக்கும் முயற்சிகளை இந்தப் படம் மையப்படுத்தியுள்ள இந்த படத்தில், ரஜினிகாந்துடன், நாகார்ஜுனா, ஸ்ருதி ஹாசன், உபேந்திரா, சத்யராஜ், சௌபின் ஷாஹிர் மற்றும் ஆமிர் கான் ஆகியோர் முக்கிய வேடங்களில் நடித்துள்ளனர்.