ரஜினிகாந்தின் கூலி விமர்சனம்; கடைசி 40 நிமிஷம் பிரிச்சு மேஞ்சுருக்காங்க!

நடப்பு ஆண்டின் மிகவும் எதிர்பார்க்கப்பட்ட படங்களில் ஒன்று கூலி. லோகேஷ் கனகராஜ் இயக்கத்தில் ரஜினிகாந்த் நடித்துள்ள 'கூலி' திரைப்படம்,  ரசிகர்கள் மத்தியில் கலவையான விமர்சனத்தையே பெற்று வருகிறது.

தமிழ் சினிமாவின் முன்னணி இயக்குனர்களில் ஒருவராக லோகேஷ் கனகராஜ் இயக்கத்தில் ரஜினிகாந்த் நடித்துள்ள படம் தான் கூலி. இந்த படத்தில் நாகர்ஜூனா, சௌபின் ஷாஹிர், சத்யராஜ், உபேந்திரா, அமீர்கான் ஸ்ருதிஹாசன் உள்ளிட்ட பலர் நடித்துள்ளனர். அனிருத் இசையமைத்துள்ள இந்த படத்தை சன் பிச்சர்ஸ் நிறுவனம் பிரம்மாண்டமாக தாயரித்துள்ளது. பெரிய எதிர்பார்ப்புக்கு மத்தியில் வெளியான கூலி திரைப்படம் கலவையான விமர்சனங்களை பெற்று வருகிறது.

இந்த படம் குறித்து விமர்சன வீடியோ வெளியிட்டுள்ள, சாட்டை துரைமுருகன், படத்தில் எளிய மனிதர்களின் வாழ்வியலை அடிப்படையாக வைத்து திரைக்கதை அமைக்கப்பட்டுள்ளது, படத்தில் யார் நல்லவன், யார் கெட்டவன், என்று கண்டுபிடிக்க முடியாத அளவுக்கு பல திருப்பங்களுடன் திரைக்கதை அமைக்கப்பட்டுள்ளது. 74 வயதில் ரஜினி தன்னை அனைவரும் ரசிக்கும் அளவுக்கு மீண்டும் சிறப்பான நடிப்பை வெளிப்படுத்தி அசத்தியுள்ளார்.  அதேபோல் சத்யராஜ் மகளாக நடித்துள்ள ஸ்ருதிஹாசன் நடிப்பை பார்த்து அவரது அப்பாவே பாராட்டும் வகையில் உள்ளது என்று கூறியுள்ளார்.

அதேபோல், பயில்வான் ரங்கநாதன் வெளியிட்டுள்ள விமாசன வீடியோவில், ரஜினியின் 50-வது ஆண்டு பொன்விழா படம் என்ற அறிவிப்பு வெளியானவுடன், அரங்கம் அதிர்கிறது, இந்த படத்தில் எல்லோருக்கும் வாய்ப்பு கொடுங்கள். நான் திடீர் திடீர் என்று வந்துவிட்டு செல்கிறேன் என்று ரஜினிகாந்த் சொல்லியது போல், அனைவருக்கும் சமமமான வாய்ப்பு படத்தில் உள்ளது. ஹார்பரில் தாதாவாக இருக்கும் நாகர்ஜூனா தான் படத்தின் வில்லன். படம் தொடங்கி சில நிமிடங்கள் கழித்து தான் ரஜினிகாந்த் வருகிறார்.

இந்த படத்தில் ஒரு 3 நிமிட காட்சியில், ரஜினிகாந்த் சிறப்பாக நடித்துள்ளார். ஆனால் அவர் என்ன பேசினார் என்று தெரியவில்லை. இன்னும் 2 முறை பார்க்க வேண்டும். சத்யராஜ் ஸ்ருதிஹாசன் இடையேயான காட்சி, அப்பா மகள் பாச பிணைப்பு. சௌபின் ஷாஹிர் சிறப்பான நடிப்பை வெளிப்படுத்தியுள்ளார். படத்தில் நாம் ஒரு அர்த்தத்தில் பார்தால் அது ஒரு அர்த்தம் கொடுக்கும் வகையில் திரைக்கதை அமைக்கப்பட்டுள்ளது. இதுவரை இல்லாத வகையில், ரஜினிகாந்த் படத்தில் எதிர்பாராத பல திருப்பங்கள் வருகிறது. அந்த க்ளைமேஸ் ஒன்றே போதும். பழைய கதைதான் ஆனால் திரைக்கதையில் முத்திரை பதித்துள்ளார் லோகேஷ் கனகராஜ். ஒளிப்பதிவாளரின் பணிகள் சிறப்பாக இருக்கிறது என்று கூறியுள்ளார்.

வலைப்பேச்சு டீம் வெளியிட்டுள்ள விமர்சன வீடியோவில், ப்ளாஷ்பேக் காட்சியில் பழைய ரஜினியை கொண்டு வந்திருக்கிறார்கள். தனது வயதுக்கு ஏற்ற கேரக்டரில் அசத்தியுள்ளார். முழுக்க முழுக்க ரஜினி ரசிகர்களை திருப்திப்படுத்தும் வகையில் எடுக்கப்பட்ட இந்த படத்தில் சௌபின் ஷாஹிர் அசத்தி இருக்கிறார். அவர் வரும் அனைத்து காட்சிகளுமே பெரிய வரவேற்பு இருக்கிறது. படத்தில் வரும் அனைத்துமே சிறப்பான திருப்புமுனைதான். கன்னிவெடி புதைக்கிற மாதிரி லோகேஷ் சிறப்பாக திரைக்கதை அமைத்துள்ளார்.

ஸ்ருதிஹாசனுக்கு ஒரு செண்டிமெண்ட் கலந்த காட்சிகள் சூப்பர். படததில் அனைத்தும் நன்றாக இருந்தாலும், ஒருசில சந்தேகங்கள் இருக்கத்தான் செய்கிறது. படத்தில் காமெடி இல்லாத குறையை லொல்லு சபா மாறன் தீர்த்துள்ளார். கடந்த படங்களில் குடிப்பழக்கத்துடன் இருந்த ரஜினிகாந்த் இந்த படத்தில் அதிகப்படியாக தவிர்த்திருப்பது நல்லது. வயதக்கு ஏற்ற தோற்றத்தில் ரஜினிகாந்த் வித்தியாசமாக நடித்துள்ளார். அனிருத் தனது வேலையை சிறப்பாப செய்துள்ளார். அன்பறிவு சிறப்பாக சண்டைக்காட்சிகளை அமைத்துள்ளனர் என்று கூறியுள்ளனர். 

நடிகர் ஆதவன் வெளியிட்டுள்ள விமர்சன வீடியோவில், கூலி படம் கடைசி 40 நிமிடங்கள் அரஙகம் அதிரும் காட்சிகளாக உள்ளது. ரஜினிகாந்த் அறிமுகம் ஆவது முதல் அவர் வரும் ஒவ்வொரு காட்சியும், ஒவ்வொரு பாடலும் அசத்தலாக உள்ளது என்று குறிப்பிட்டுள்ளார்.