ரஜினிக்கு ஜோடியாக நடித்தவர்... பிரபல பாலிவுட் நடிகை இவரை தெரிகிறதா?

2010-ம் ஆண்டு பாலிவுட் நடிகர் சல்மான் கான் நடிப்பில் வெளியாகி நல்ல வரவேற்பை பெற்ற படம் தபாங். இந்த படத்தின் மூலம் பாலிவுட் சினிமாவில் அறிமுகமானவர் சோனக்ஷி சின்ஹா.

பழம்பெரும் நடிகர் சத்ருகன் சின்ஹாவின் மகளான இவர், தொடர்ந்து ரவுடி ரத்தோர் படத்தில் அக்ஷைகுமாருக்கு ஜோடியாக நடித்திருந்தார். இந்த படம் தமிழில் வெளியான சிறுத்தை படத்தின் ரீமேக்.

அதனைத் தொடர்ந்து ஜோக்கர், தபாங் 2, புல்லட் ராஜா, ஆர்.ராஜ்குமார் உள்ளிட்ட பல வெற்றிப்படங்களில் நடித்த சோனாக்ஷி, தமிழில ரஜினிக்கு ஜோடியாக லிங்கா படத்தில் நடித்திருந்தார்.

கே.எஸ்.ரவிக்குமார் இயக்கத்தில் ரஜினிகாந்த் 2 வேடங்களில் நடித்திருந்த இந்த படம் கலவையான விமர்சனங்களை பெற்றாலும், ப்ளாஷ்பேக் காட்சிகள் ரசிகர்கள் மத்தியில் நல்ல வரவேற்பை பெற்றது.

இந்த படத்தில் தாத்தா ரஜினிக்கு சோனாக்ஷியும், பேரன் ரஜினிக்கு அனுஷ்காவும் ஜோடியாக நடித்திருந்தனர். அதன்பிறகு தமிழில் நடிக்காத சோனாக்ஷி, முருகதாஸ் இயக்கத்தில் அகீரா என்ற இந்தி படத்தில் நடித்திருந்தார்.

இந்த படம் தமிழில் அருள்நிதி நடிப்பில் வெளியான மௌனகுரு படத்தின் ரீமேக். குறுகிய காலத்தில் பாலிவுட் சினிமாவின் முன்னணி நடிகையாக உயர்ந்துள்ள சோனாக்ஷி, காகுடா உள்ளிட்ட சில படங்களில் நடித்து வருகிறார்.

சமூகவலைதளங்களில் ஆக்டீவாக இருக்கும் சோனாக்ஷி சின்ஹா அவ்வப்போது தனது புகைப்படம் மற்றும் வீடியோக்களை வெளியிட்டு வருகிறார். இவர் வெளியிடும் பதிவுகளுக்கு ரசிகர்கள் மத்தியில் நல்ல வரவேற்பு கிடைத்து வருகிறது.

அந்த வகையில் தற்போது சோனாக்ஷி வெளியிட்டுள்ள போட்டோஷூட் புகைப்படங்கள் ரசிகர்கள் மத்தியில் கவனம் ஈர்த்து வரும் நிலையில், பலரும் தங்களது கருத்துக்களை தெரிவித்து வருகின்றனர்.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil