நீலாம்பரி கேரக்டர் நான் பண்ண வேண்டியது; அப்போ மறுத்தேன், இப்போ வருத்தமா இருக்கு: பிரபல நடிகை ஓபன் டாக்!

தமிழ் சினிமாவில், நடிகை ரம்யா கிருஷ்ணன் உச்சம் தொட காரணமாக இருந்த படம் படையப்பா. இந்த படத்தில் அவரது கேரக்டர் பெரிய வரவேற்பை பெற்றிருந்தாலும், இந்த கேரக்டரில் நடிக்க முதலில் தேர்வான நடிகை அவர் இல்லை என்று அவரே பல பேட்டிகளில் கூறியுள்ளார். அப்படி என்றால் அந்த கேரக்டரில் நடிக்க கேட்ட முன்னணி நடிகை யார் தெரியுமா?

தமிழ் சினிமாவில், கடந்த 50 வருடங்களாக தமிழ் சினிமாவின் சூப்பர் ஸ்டார் என்ற அடையாளத்துடன் வலம் வருபவர் ரஜினிகாந்த். இவரது படங்கள் வெளியாகும்போது, ரசிகர்கள் திருவிழாவாக கொண்டாடுவது வழக்கம். அந்த வகையில், சமீபத்தில், வெளியான கூலி திரைப்படம் பாக்ஸ்ஆபீஸில் பெரிய வெற்றியை குவித்து வருகிறது. தற்போது ஜெயிலர் 2 படத்தில் நடித்துவரும் ரஜினிகாந்த், அடுத்து கமல்ஹாசனுடன் இணைந்து ஒரு படத்தில் நடிக்க உள்ளதாகவும், இந்த படத்தை லோகேஷ் கனகராஜ் இயக்க உள்ளதாகவும் தகவல் வெளியாகியுள்ளது.

இதனிடையே கடந்த 1999 ஆம் ஆண்டு வெளியான ரஜினிகாந்தின் படையப்பா படத்தில் வரும் நீலாம்பரி கேரக்டர் ரஜினிக்கு இணையாக பெரிய வரவேற்பை பெற்றிருந்தது. இந்த கேரக்டரில் நடித்து அசத்தியவர் தான் நடிகை ரம்யா கிருஷ்ணன். கே.எஸ். ரவிக்குமார் எழுதி இயக்கிய இந்தப் படத்தில் சிவாஜி கணேசன், ரஜினிகாந்த், ரம்யா கிருஷ்ணன், சௌந்தர்யா அப்பாஸ், லட்சுமி, ராதா ரவி, நாசர் உள்ளிட்ட பலர் நடித்திருந்தனர். இவர்கள் அனைவரையும் விடவும், நீலாம்பரி கேரக்டர் இன்றுவரை பேசப்படும் ஒரு கேரக்டராக நிலைத்திருக்கிறது.

இந்த கேரக்டரில் ரம்யா கிருஷ்ணன் நடித்து புகழ் பெற்றதை தொடர்ந்து அடுத்தடுத்து படங்களில் நடிக்க அவருக்கு வாய்ப்பு கிடைத்தது. தெலுங்கில் வெளியான பாகுபலி திரைப்படம் இவரை அடுத்தகட்டத்திற்கு கொண்டு சென்றது. நீலாம்பரி கேரக்டரில் நடிக்கவில்லை என்றால் நான் இவ்வளவு உயரத்திற்கு வந்திருக்க முடியுமா என்று தெரியாது. ஆனால் இந்த கேரக்டரில் நடிக்க முதலில் தேர்வானது நான் இல்லை. ஒரு முன்னணி நடிகை. அவர் நடிக்காததால் என்னை நடிக்க கேட்டார்கள் என்று ரம்யா கிருஷ்ணன் கூறியிருந்தார்.

படையப்பா படத்தில் நீலாம்பரி கேரக்டரில் முதலில் நடிக்க இருந்த நடிகை நான் தான் என்று நடிகை மீனா ஒரு பேட்டியில் கூறியுள்ளார். ரஜினிகாந்துடன் குழந்தை நட்சத்திரமாக பல படங்களில் நடித்த மீனா பின்னாளில் அவருக்கே ஜோடியாகவும் நடித்திருந்தார். ஆனால் படையப்பா சமயத்தில் பாசிட்டீவான கேரக்டரில் நடித்து வந்தால் நெகடீவ் கேரக்டர் வேண்டாம் என்று முடிவு செய்ததால் அந்த கேரக்ரில் நடிக்கவில்லை என்று மீனா ஒரு பேட்டியில் கூறியுள்ளார்.