Advertisment

Pongal 2025 Tamil Movie Releases: அருண் விஜய், விஷால் வேற லெவல்: பொங்கல் தினத்தில் அடுத்து வெளியாகும் படங்கள் என்ன?

Pongal 2025 Movie Releases List: பொங்கல் பண்டிகைக்கு தமிழில், அடுத்து நேசிப்பாயா, காதலிக்க நேரமில்லை, தருணம் ஆகிய 3 படங்கள் வெளியாக உள்ளது.

author-image
WebDesk
New Update
Pongal 2025 Movie Releases

பொங்கல் தினத்தில் அடுத்து வெளியாகும் படங்கள்

Upcoming Tamil Movies In January 2025: திரைத்துறையை பொருத்தவரை வாரந்தோறும் பல படங்கள் வெளியானாலும், பண்டிகை தினங்களில் வெளியாகும் படங்களுக்கு ரசிகர்கள் மத்தியில் பெரிய எதிர்பார்ப்பு இருக்கும். அதிலும் முன்னணி நடிகர்களின் படங்கள் வெளியாகும்போது அவர்களின் ரசிகர்கள் அதனை திருவிழா போல் கொண்டாடுவது வழக்கம். அந்த வகையில் இந்த ஆண்டு பொங்கல் தினத்தில் அஜித்தின் விடா முயற்சி திரைப்படம வெளியாக இருந்தது. 

Advertisment

இதன் காரணமாக அஜித் ரசிகர்கள் மகிழ்ச்சியில் இருந்த நிலையில், மற்ற நடிகர்களின் படங்கள் தங்கள் படங்களை பொங்கல் வெளியீட்டில் இருந்து பின்வாங்கினர். ஆனால் கடைசி நேரத்தில் விடா முயற்சி பின்வாங்கியதால், இந்த ஆண்டு பொங்கல் தினத்தில் பல படங்கள் வெளியானது. அந்த வகையில் இந்த ஆண்டு பொங்கல் தினத்தில் வெளியான படங்களில் பட்டியலை பார்ப்போம்.

கேம் சேஞ்சர்

பிரம்மாண்ட இயக்குனர் ஷங்கர் இயக்கத்தில் ராம் சரண் நடிப்பில் வெளியான தெலுங்கு படம் கேம் சேஞ்சர். பான் இந்தியா படமாக வெளியான இந்த படத்தில், சமுத்திரக்கனி, ஸ்ரீகாந்த், ஜெயராம் ஆகியோர் நடித்திருந்த நிலையில், எஸ்.ஜே.சூர்யா வில்லன் கேரக்டரில் நடித்திருந்தார். பெரிய எதிர்பார்ப்புக்கு மத்தியில் வெளியான இந்த படம் ஆந்திராவில் வரவேற்பை பெற்றிருந்தாலும், தமிழ் சினிமாவில், கலவையாக விமர்சனங்களை பெற்று வருகிறது.

Advertisment
Advertisement

வணங்கான்

பாலா இயக்கத்தில், சூர்யா நடிப்பில் சில நாட்கள், படப்பிடிப்பு நடத்தப்பட்டு கைவிடப்பட்ட படம் வணங்கான். அதன்பிறகு, அருண்விஜய் நடிப்பில் படத்தை இயக்கிய பாலா, பொங்கல் தினத்தில் படத்தை வெளியிட்டுள்ளார். சமுத்திரக்கனி, மிஷ்கின் ஆகியோர் முக்கிய கேரக்டரில் நடித்துள்ள இந்த படத்தில் ரோஷ்னி பிரகாஷ் நாயகியாக நடித்துள்ளார். பெண்களுக்கு எதிரான குற்றங்களுக்கு என்ன தண்டனை கொடுக்க வெண்டும் என்ற அழுத்தமாக சொல்லியிருக்கும் வணங்கான் படத்தின் மூலம் பாலா கம்பேக் கொடுத்துவிட்டார் என்று மக்கள் கொண்டாடி வருகின்றனர்.

மதகஜராஜா

விஷால் சந்தானம் கூட்டணியில் சுந்தர்.சி இயக்கிய படம் மதகஜராஜா. 2013-ம் ஆண்டு தயாரான இந்த படத்தில் மறைந்த நடிகர் மணிவண்ணன், மனோபாலா ஆகியோர் முக்கிய கேரக்டரில் நடித்திருந்தனர். 11 ஆண்டுகள் கழித்து வெளியானாலும், மதகஜராஜா திரைப்படம் ரசிகர்கள் மத்தியில் நல்ல வரவேற்பை பெற்று வருகிறது. அஞ்சலி, வரலட்சுமி சரத்குமார் நாயகிகளாக நடித்துள்ள இந்த படம், ஆண்டுகள் கடந்தாலும் காமெடியில், கலக்கி வருவதாக ரசிகர்கள் பலரும் கொண்டாடி வருகின்றனர்.

மெட்ராஸ்காரன்

வாலி மோகன் தாஸ் இயக்கத்தில், மலையாள நடிகர் ஷான் நிஹாம் தமிழ் சினிமாவில் நாயகனாக அறிமுகமான படம் மெட்ராஸ்காரன். கலையரசன் முக்கிய கேரக்டரில் நடித்துள்ள இந்த படத்தில், கருணாஸ், பாண்டியராஜன் ஆகியோர் முக்கிய கேரக்டரில் நடித்துள்ளனர். கடந்த ஜனவரி 10-ந் தேதி வெளியான இந்த படம், ரசிகர்கள் மத்தியில் ஓரளவு வரவேற்பை பெற்று வருகிறது.

நேசிப்பாயா

விஷ்ணுவர்த்தன் தமிழ் சினிமாவில் மீண்டும் இயக்குனராக ரீ-என்ட்ரி கொடுத்துள்ள படம் நேசிப்பாயா. முரளியின் 2-வது மகன், ஆகாஷ் முரளி நாயகனாக நடித்துள்ள இந்த படத்தில் அதிதி ஷங்கர் நாயகியாக நடித்துள்ளார். காதல் மற்றும் ஆக்ஷன் படமாக வெளியாகியுள்ள நேசிப்பாயா நாளை (ஜனவரி 14) வெளியாக உள்ளது. இந்த படத்திற்கு எதிர்பார்ப்பு அதிகமாக உள்ளது.

காதலிக்க நேரமில்லை

சிறிய இடைவெளிக்கு பிறகு கிருத்திகா உதயநிதி இயக்குனராக மாறியுள்ள படம் காதலிக்க நேரமில்லை. ஜெயம் ரவி, நித்யா மேனன் இணைந்து நடித்துள்ள இந்த படத்தில் யோகிபாபு, லால் ஆகியோர் முக்கிய கேரக்டரில் நடித்துள்ளனர். இந்த படம் நாளை (ஜனவரி 14) வெளியாக உள்ளது. இந்த படத்திற்கு பெரிய எதிர்பார்ப்பு எழுந்துள்ளது.

தருணம்

அரவிந்த் சீனிவாசன் இயக்கத்தில் வெளியான படம் தருணம். கிஷான் தாஸ், ஸ்மிருதி வெங்கட் இணைந்து நடித்துள்ள இந்த படம், ஜனவரி 14-ந் தேதி வெளியாக உள்ளது. இந்த பெங்கல் தினத்தில் தமிழில் ஏற்கனவே 3 படங்கள் வெளியாகியுள்ள நிலையில், அடுத்த 3 படங்கள் நாளை (ஜனவரி 14) வெளியாக உள்ளது குறிப்பிடத்தக்கது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Tamil Cinema News
Advertisment

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us:
Advertisment