New Update
![Janaki Suseela11](https://img-cdn.thepublive.com/fit-in/1280x960/filters:format(webp)/indian-express-tamil/media/media_files/9lcOvcKYSsdDoiqxrOLu.jpg)
எஸ்.ஜானகி - பி.சுசீலா
எஸ்.ஜானகி - பி.சுசீலா
இந்திய சினிமாவின் முன்னணி பாடகிகளாக இருக்கும் பி.சுசீலா – எஸ். ஜானகி இருவரும் காதலன் காதலியாக மாறி பாடிய ஒரு பாடல் தொடர்பான வீடியோ இணையத்தில் வைராகி வருகிறது.
இந்திய சினிமாவில் முன்னணி பாடகியாக திகழ்ந்த எஸ்.ஜானகி கடந்த 1957-ம் ஆண்டு வெளியான விதியின் விளையாட்டு என்ற படத்தின் மூலம் பாடகியாக அறிமுகமானார். தொடர்ந்து, முன்னணி இசையமைப்பாளர்கள், பாடகர்கள் என பலருடன் இணைந்து பல ஹிட் பாடல்களை கொடுத்துள்ள எஸ்.ஜானனி, கடைசியாக கடந்த 2016-ம் ஆண்டு ஜீவா நடிப்பில் வெளியான திருநாள் என்ற படத்தில் பாடல் பாடியிருந்தார்.
எஸ்.ஜானகி போலவே முன்னணி பாடகியா இந்திய சினிமாவில் வலம் வருபவர் தான் பி.சுசீலா. 1953-ம் ஆண்டு வெளியான பெற்ற தாய் என்ற படத்தின் மூலம் பாடகியக அறிமுகமான இவர், கே.வி.மகாதேவன், ஜி.ராமநாதன், எம்.எஸ்.விஸ்வநாதன், இளையராஜா, ஏ.ஆர்.ரஹ்மான், என பல முன்னணி இசையமைப்பாளர்களின் இசையில் பல பாடல்களை பாடியுள்ளார். மேலும் முன்னணி நடிகைகள் பலருக்கும் ஹிட் பாடல்களை கொடுத்துள்ளார்.
தமிழ் சினிமாவின் தவிர்க்க முடியாத பாடகிகளாக வலம் வரும் எஸ்.ஜானகி – பி.சுசீலா இருவரும் மேடையில் காதலன் காதலியாக தோன்றி பாடிய ஒரு பாடல் தொடர்பான வீடியோ வைரலாகி வருகிறது. இந்த வீடியோவில், சுசீலாம்மா கொஞ்ச நேரத்திற்கு என் காதலியாக மாறுவார் என்று எஸ்.ஜானகி சொல்ல, உடனடியாக ராஜாவின் பார்வை ராணியின் பக்கம் என்ற பாடலை பி.சுசீலா பாடுகிறார். பெண் குரலுக்கு அவர் பாடி முடித்தவுடன் ஆண் குரலுக்கு எஸ்.ஜானகி பாடுகிறார்.
இவர்களின் பாடலை கேட்டு அரங்கத்தில் அமர்ந்திருந்த அனைவவருமே பலத்த கரகோஷம் எழுப்பி இருவரையும் பாராட்டுகின்றனர். ஜெனர்லிஸ்ட் மனோ என்ற யூடியூப் சேனலில் வெளியாகியுள்ள இந்த வீடியோ பதிவு தற்போது வைரலாகி வருகிறது.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
Stay updated with the latest news headlines and all the latest Lifestyle news. Download Indian Express Tamil App - Android or iOS.