2 ஹீரோவும், 2 ஹீரோயினும் மோதல்; விடுமுறை தின ரிலீஸ் என்னென்ன படங்கள் தெரியுமா?

தமிழ் சினிமாவில் வாரந்தோறும் குறைந்தது 5 திரைப்படங்கள் வெளியாகி வருவது வழக்கம். ஒரு சில சமயங்களில் இந்த எண்ணிக்கை கூடவோ அல்லது குறையவோ நேரிடும். விடுமுறை தினம் என்றால் முன்னணி நடிகர்கள் படம் தான் வெளியாகவது வழக்கம். ஆனால் வழக்கத்திற்கு சற்று மாறாக, மிலாடி நபி விடுமுறையை முன்னிட்டு சிவகார்த்திகேயனின் மதராஸி படம் வெளியாக உள்ள நிலையில், இந்த படத்துடன் சேர்ந்து மேலும் 4 படங்கள் வெளியாக உள்ளது.

மதராஸி

ஏ.ஆர்.முருகதாஸ் இயக்கியுளள் இப்படத்தில் சிவகார்த்திகேயன் ஹீரோவாகவும் அவருக்கு ஜோடியாக கன்னட நடிகை ருக்மிணி வசந்த் நடித்துள்ளார். மேலும் வித்யூத் ஜம்வால் வில்லனாக நடித்துளள இந்த படத்தை, ஸ்ரீ லட்சுமி மூவீஸ் நிறுவனம் தயாரித்து உள்ளது. அனிருத் இப்படத்திற்கு இசையமைத்துள்ளார்.

காந்தி கண்ணாடி

விஜய் டிவி நிகழ்ச்சிகளில் காமெடியனாக கலக்கிய பாலா, முதன்முறையாக ஹீரோவாக அறிமுகமாகியுள்ள படம் காந்தி கண்ணாடி. ஷெரிஃப் இயக்கியுள்ள இப்படத்தில் நடிகர் பாலாவுக்கு ஜோடியாக நமீதா கிருஷ்ணமூர்த்தி நடித்துள்ளார். மேலும் பாலாஜி சக்திவேல் அர்ச்சனா ஆகியோர் இப்படத்தில் முக்கிய கதாபாத்திரத்தில் நடித்துள்ளனர். இப்படமும் செப்டம்பர் 5ந் தேதி திரைக்கு வர உள்ளது.

காதி

நீண்ட இடைவெளிக்கு பிறகு, நடிகை அனுஷ்கா ஷெட்டி கதையின் நாயகியாக நடித்துள்ள காதி. க்ரிஷ் இயக்கியுள்ள இப்படத்தில் அனுஷ்கா ஷெட்டி விக்ரம் பிரபு இணைந்து நடித்துள்ளனர். ராஜீவ் ரெட்டி மற்றும் சாய் பாபு இணைந்து இப்படத்தை தயாரித்து உள்ளனர்.

பேட் கேர்ள்

வெற்றிமாறனின் கிராஸ் ரூட் பிலிம்ஸ் நிறுவனம் தயாரிப்பில் வர்ஷா என்பவர் இயக்கியுள்ள படம் பேட் கேர்ள். இந்த படத்தில் அனுராக் காஷ்யப் இணைந்து தயாரித்துள்ளார். வெளியாவதற்கு முன்பே சர்ச்சையை ஏற்படுத்திய இந்த படம் பெரிய எதிர்பார்ப்பையும் ஏற்படுத்தியுள்ளது குறிப்பிடத்தக்கது. இந்த படங்களுடன் சேர்ந்து ஹாலிவுட் திகில் படமாக தி கான்ஜூரிங் லாஸ்ட் சைட்ஸ் திரைப்படமும் வெளியாக உள்ளது.