'நான் ஆணையிட்டால்...' இந்த பாட்டை சிவாஜி பாடினால் எப்படி இருக்கும்? பாடி காட்டிய டி.எம்.எஸ்.: த்ரோபேக் வீடியோ!

க்ளாசிக் தமிழ் சினிமாவில், முன்னணி பாடகராக பல ஹிட் பாடல்களை பாடியுள்ள டி.எம்.சௌந்திரராஜன், எம்.ஜி.ஆர், சிவாஜி என பல முன்னணி நடிகர்களுக்கு ஹிட் பாடல்களை கொடுத்துள்ளார். அந்த வகையில் எம்.ஜி.ஆருக்கு அமைந்த பாடல் ஒன்றை சிவாஜிக்கு பாடினால் எப்படி இருக்கும் என்று ஒரு நிகழ்ச்சியில் பாடிகாட்டியுள்ளார்.

தமிழ் சினிமாவில் தனது குரல் வளத்தின் மூலம் பல ஹிட் பாடல்களை கொடுத்தவர் டி.எம்.சௌந்திரராஜன். எம்.ஜி.ஆர் சிவாஜி உள்ளிட்ட முன்னணி நடிகர்கள் முதல் பலருக்கும் தனது தனித்திறமையின் மூலம் திரையில் அவர்கள் பாடுவது போலவே பாடி அசத்திய இவர், எந்த நடிகருக்காக பாடினாலும் திரையில், அந்த நடிகரே பாடும் அளவுக்கு அவர்களின் குரல் போன்ற தோற்த்தில் பாடும் திறன் பெற்றவர்.அதேபோல் சினிமாவில் ஒரு சில படங்களில் நடித்துள்ளார் டி.எம்.சௌந்திரராஜன்.

க்ளாசிக் இசையமைப்பாளர் கே.வி.மகாதேவன் தொடங்கி, எம்.எஸ்.வி உள்ளிட்ட முன்னணி இசையமைப்பாளர்கள் பலருடன் இணைந்து பல ஹிட் பாடல்களை கொடுத்துள்ள, டி.எம்.எஸ்., இளையராஜாவின் முதல் படமாக அன்னக்கிளி படத்தில், அதனைத் தொடர்ந்து சிவாஜி, ரஜினிகாந்த் ஆகியோரின் படங்களுக்கு இளையராஜா இசையமைத்தபோது, அவர்களுக்காக பாடல்கள் பாடியுள்ளார். ஒரு கட்டத்தில், டி.எம்.எஸ்-க்கு வாய்ப்பு கொடுக்காத இளையராஜா, மற்ற பாடகர்களுக்கு வாய்ப்பு கொடுத்திருந்தார்.

இது குறித்து ஒரு பேட்டியில் பேசியுள்ள டி.எம்.சௌந்திரராஜன், எம்.ஜி.ஆருக்கு பாடல் பாடுவர் ஈஸியான ஒரு விஷயம். ஆனால் சிவாஜிக்கு அப்படி இல்லை. அடி தொண்டடையில் இருந்து பாட வேண்டும். குறிப்பிட்டு சொல்ல வேண்டும் என்றால் எம்.ஜி.ஆருக்கு பாடிய நான் ஆணையிட்டால் பாடலை அவருக்கு 6 சுதி கட்டையில் பாடினேன். அது எனக்கு சுலபமாக வந்துவிட்டது. ஆனால், அதே பாடலை சிவாஜிக்கு பாடினால், அடி தொண்டடையில் இருந்து பாட வேண்டும்.

View this post on Instagram

A post shared by மாண்புமிகு மக்கள் (@tamilpeople_offl)

எம்.ஜி.ஆரின் குரல் கொஞ்சம் மென்மையாக இருக்கும். அதே சமயம் சிவாஜியின் குரல் கொஞ்சம் கனீர் என்று இருக்கும் என்று கூறியுள்ள டி.எம்.எஸ்., நான் ஆணையிட்டால் பாடலை எம்.ஜி.ஆர் சிவாஜி இருவரும் பாடினால் எப்படி இருக்கும் என்று பாடியும் காட்டியுள்ளார். இந்த வீடியோ பதிவு தற்போது இணையத்தில் வைரலாகி வருகிறது.