விஜய் நடிப்பில் வெங்கட் பிரபு இயக்கிய கோட் படம் பெரிய எதிர்பார்ப்புக்கு மத்தியில் வெளியான தி கிரேட்டஸ்ட் ஆப் ஆல் டைம் படம் பெரிய வெற்றிப்படமாக அமைந்த நிலையில், படத்தின் வெற்றியை விஜய் தயாரிப்பாளர் அர்ச்சனா கல்பாத்தியுடன் கேப் வெட்டி கொண்டாடியுள்ளார்.
லோகேஷ் கனகராஜ் இயக்கத்தில் லியோ படத்தை முடித்த தளபதி விஜய் அடுத்து வெங்கட் பிரபு இயக்கத்தில் தி கிரேட்டஸ்ட் ஆப் ஆல் டைம் என்ற படத்தில் நடித்துள்ளார். பழைய ஹீரோ மைக் மோகன் வில்லனாக நடித்துள்ள இந்த படத்தில், பிரபுதேவா, பிரஷாந்த், அஜ்மல், சினேகா, லைலா, உள்ளிட்ட பல முன்னணி நட்சத்திரங்கள் நடித்துள்ள இந்த படத்தில் விஜய், இரட்டை வேடத்தில் நடித்துள்ளார்.
மேலும், விஜய் 90-களில் இருந்தது போன்ற தோற்றத்தில் நடித்துள்ள நிலையில், மறைந்த நடிகர் கேப்டன் விஜயகாந்த் இந்த படத்தில் ஏ.ஐ.டெக்னாலஜி மூலம் கொண்டுவர உள்ளதாக படக்குழு அறிவித்திருந்தனர். யுவன் சங்கர் ராஜா இசையமைத்துள்ள இந்த படத்தை ஏ.ஜி.எஸ்.நிறுவனம் தயாரித்திருந்தது. மேலும் விநாயகர் சதூர்த்தி தினத்தை முன்னிட்டு கடந்த செப்டம்பர் 5-ந் தேதி கோட் படம் வெளியானது.
படத்தின் டிரெய்லர் வெளியானபோதே படத்தின் மீதான எதிர்பார்ப்பு அதிகரித்திருந்த நிலையில், படம் வெளியானபோது பாசிட்டீவ் விமர்சனங்களை சந்தித்தது. இதனால் முதல் வாரத்தில் பெரிய வசூல் வேட்டை நடத்திய கோட் திரைப்படம், உலகளவில் 400 கோடிக்கு அதிகமாக வசூலித்ததாக தகவல்கள் வெளியானது. தமிழ்நாடு ஆந்திராவில் வசூல் வேட்டை நடத்திய கோட், கர்நாடகா மற்றும் கேரளாவில், சுமாரான வசூல் செய்ததாக கூறப்படுகிறது.
இந்நிலையில், கோட் படம் 400 கோடிக்கு அதிகமாக வசூலித்து பெரிய வெற்றியை பெற்றுள்ள நிலையில், இந்த வெற்றியை கொண்டாடும் விதமாக, தளபதி விஜய், தயாரிப்பாளர் அர்ச்சனா கல்பாத்தி, தமிழ்நாடு விநியோகஸ்தர் ராகுல் ஆகிய மூவரும் கேக் வெட்டி கொண்டாடியுள்ளனர். இது தொடர்பான வீடியோ தற்போது இணையத்தில் வெளியாகியுள்ளது.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/65QSlK2uUKf4xom5Jq6n.jpg)