திரையரங்குகளில் வெளியாகி பெரிய வெற்றி பெற்ற வாழை திரைப்படம் ஒடிடி தளத்தில் வெளியாகி கடுமையாக விமர்சனங்களை பெற்று வரும் நிலையில், தியேட்டரில் வெளியானபோது யாருமே கண்டுகொள்ளாத போகுமிடம் வெகுதூரமில்லை படம் சிறப்பாக வரவேற்பை பெற்று வருகிறது.
இயக்குனர் மாரி செல்வராஜ்
பரியேறும் பெருமாள் திரைப்படத்தின் மூலம் கவனம் ஈர்த்த இயக்குனர் மாரி செல்வராஜ், அடுத்து கர்ணன், மாமன்னன் உள்ளிட்ட படங்களை இயக்கிய மாரி செல்வராஜ் அடுத்து வாழை என்ற படத்தை இயக்கினார். வாழைக்காய் சுமக்கும் தொழிலாளர்களை மையமான வைத்து திரைக்கதை அமைக்கப்பட்டிருந்த இந்த படத்தில் கலையரசன், நிகிலா விமல் உள்ளிட்ட பலர் நடித்திருந்தனர். படத்தை இயக்கிய மாரி செல்வராஜ் படத்தை தயாரித்திருந்தார்.
இந்த படம் வெளியீட்டுக்கு முன்பாகவே இயக்குனர் பாலா உள்ளிட்ட முன்னணி இயக்குனர்கள் பலருக்கும் திரையிடப்பட்டு அவர்களின் பாராட்டுக்களை பெற்றிருந்தது. அதன்பிறகு திரையரங்குகளில் வெளியான இந்த படம் பெரிய வரவேற்பை பெற்றிருந்த நிலையில், ரசிகர்கள் கொண்டாடி தீர்த்தனர். முதல்வர் ஸ்டாலின் கூட படத்திற்கு பாராட்டுக்களை தெரிவித்திருந்தார். வாழை படத்துடன் கொட்டுக்காளி படமும் வெளியாகி வரவேற்பை பெற்றிருந்தது.
திரையரங்குகளில் வாழை வசூல் வேட்டை
திரையரங்குகளில் பெரிய வெற்றியை பெற்று வசூல் வேட்டை நடத்திய வாழை, ஒடிடி தளத்தில் வெளியாக கடுமையான விமர்சனங்களை எதிர்கொண்டு வருகிறது. படம் முழுவதும் வாழைக்காய் தூக்கிக்கொண்டே இருக்கிறார்கள். இந்த காட்சிகள், முதலில் வரும்போது சுவாரஸ்யமாக இருந்தாலும் அடுத்தடுத்து வரும்போது சலிப்பை ஏற்படுத்துகிறது. அதேபோல் படத்தின் க்ளைமேக்ஸ் காட்சியில், வரும் விபத்தை தவிர்த்துவிட்டு பார்த்தால், படத்தில் சொல்லிக்கொள்ளும்படி எதுவும் இல்லை.
தியேட்டருக்கு வரும் ஆடியன்ஸ் சீனுக்கு சீன் அழ வேண்டும் என்பதை நோக்கமாக வைத்து பல காட்சிகளை இயக்குனர் வேண்டுமென்றே புகுத்தியுள்ளார். செயற்கையாக பல காட்சிகள் வடிவமைக்கப்பட்டுள்ளதாகவும், டீச்சர் கேரக்டரில் நடிகை நிகிலா விமல் சிறப்பாக நடித்திருந்தாலும், அவரை மாணவர்கள் பார்க்கும் பார்வை கடுமையான உணர்வை ஏற்படுத்துகிறது. கர்ச்சிப்பை முகர்ந்து பார்க்கும் காட்சிகள் எல்லாம் எதற்காக? என்று பல்வேறு கேள்விகளை எழுப்பி வருகின்றனர். இதன் காரணமாக ஒடிடி தளத்தில் வெளியான வாழை கடுமையான விமர்சனங்களை சந்தித்து வருகிறது.
போகுமிடம் வெகுதூரமில்லை
அதேபோல் வாழை படம் வெளியான அதே நாளில் திரையரங்குகளில் வெளியான படம் தான் போகுமிடம் வெகுதூரமில்லை. விமல் கருணாஸ் முக்கிய கேரக்டரில் நடித்திருந்த இந்த படம் தியேட்டருக்கு வந்ததே பலருக்கும் தெரியாது. ஆனால், தற்போது இந்த படம் ஒடிடி தளத்தில் வெளியாகி பெரிய வரவேற்பை பெற்று வருகிறது. அறிமுக இயக்குனர் மைக்கேல் கே ராஜா இயக்கியுள்ள இந்த படம், ஒரு அறிமுக இயக்குனரின் திரைப்படம என்பதை தாண்டி ஒரு நேர்த்தியான திரைக்கதை என்று பாராட்டுக்களை பெற்று வருகிறது.
அதேபோல் படத்தில் நடித்துள்ள கருணாஸ் சிறப்பான நடிப்பை கொடுத்துள்ளதாகவும், படத்தின் இறுதிக்காட்சியில் அனைத்து கிளைக்கதைகளையும் ஒன்றாக இணைத்த விதம் சிறப்பாக இருந்ததாகவும், கூறி வருகிறனர். உலக சினிமாக்கள் வசூலில் கோடிகளை குவிக்கவில்லை என்றாலும் ரசிகர்கள் மத்தியில் ஒருவித தாக்கத்தை ஏற்படுத்த எப்போதும் தவறியதே இல்லை. அந்த வரிசையில் ஒருவித தாக்கத்தை ஏற்படுத்தியுள்ள இந்த போகுமிடம் வெகுதூரமில்லை.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/2024/10/21/UDX2SeoqpHWMfejHKcq6.jpg)