scorecardresearch

பொங்கல் வெளியீடு : விஜயின் வாரிசு படத்தை ரசிகர்கள் கொண்டாட காரணம் என்ன?

வாரிசு படத்தின் எழுத்தாளர்கள் பழைய கதைகளை மக்கள் ரசிக்கும் வகையில் ரீமேக் செய்யும் வேலையை அற்புதமாக செய்துள்ளனர்.

பொங்கல் வெளியீடு : விஜயின் வாரிசு படத்தை ரசிகர்கள் கொண்டாட காரணம் என்ன?
Tamil news updates

பொங்கல் தினத்தை முன்னிட்டு தமிழில் விஜய் நடித்த வாரிசு, அஜித் நடித்த துணிவு ஆகிய படங்கள் வெளியாகியுள்ளது. இரு முன்னணி நடிகர்களின் படங்கள் ஒரே நாளில் வெளியாவதால் எந்த படம் அதிக கலெக்ஷன் அள்ளும் என்று ரசிகர்கள் மத்தியில் பெரிய எதிர்பார்ப்பு இருந்தது. தற்போது படம் வெளியாகி நல்ல வரவேற்பை பெற்று வருகிறது.

இதில் அதிரடி ஆக்ஷன் டெக்னாலஜி உள்ளிட்ட அம்சங்களுடன் வெளியான துணிவு, அதிரடி ஆக்ஷன் கொஞ்சம், காதல் கொஞ்சம், குடும்ப செண்டிமெண்ட் கொஞ்சம் என அனைத்து டாப்பிக்கையும் டச் செய்த வாரிசு இந்த இரு படங்களும் வசூலை குவித்து வருகின்றனர். இதில் வாரிசு படம் பெரிய ஆச்சரியத்தை ஏற்படுத்தி ரசிகர்கள் மத்தியில் நல்ல வரவேற்பை பெற்று வருகிறது.

வாரிசு படத்தின் டிரெய்லர் வெளியானபோதே இந்த படம் செண்டிமெண்டால் ரசிகர்களின் மனதை கவரும் என்று பந்தயம் கட்டும் அளவுக்கு தெளிவாக இருந்தது. மேலும் இப்படம் பற்றி பலருக்கும் தெளிவற்ற சிந்தனையும் இருந்தது. பெரிய துப்பாக்கிகளும் பெரிய வெடிகுண்டுகளும் பேசும், திரைப்படங்கள் வெளியாகி வரும் இந்த நேரத்தில், தொலைக்காட்சி நிகழ்ச்சிகளின் உயிர்நாடியான உணர்வுகளைத் தூண்டும் ஒரு திரைப்படத்தை வரவேற்றது எப்படி என்ற கேள்வியும் எழுகிறது.

அதே சமயம் 90 களில் இருந்து 2000 முற்பகுதி வரை தமிழ் சினிமாவின், பாக்ஸ் ஆபிஸில் சூர்யவம்சம், ஆனந்தம், நாட்டாமை மற்றும் வானத்தைப்போல போன்ற பல படங்கள் அதிக செல்வாக்கு பெற்ற ஒரு காலமாக இருந்தது. விஜய் கூட தொடக்கத்தில் பல மெலோடிராமா படங்களில் நடித்து ரசிகர்கள் மனதில் இடம் பிடித்து தற்போது ஒரு முன்னணி நட்சத்திரமாக இருக்கிறார். அதன்பிறகு தமிழ் சினிமா இது போன்ற ஃபீல் குட், மெலோடிராமாடிக் குடும்ப பொழுதுபோக்கு திரைப்படங்களை உருவாக்குவதை நிறுத்திவிட்டது.  

இதனிடையே பொங்கல் பண்டிகைக்கு விஜய் ஏன் வாரிசு போன்ற குடும்ப படத்தை தேர்வு செய்தார் என்பது தற்போது புரிந்துள்ளது. விஜய்யின் கேரியரில் மட்டுமல்ல, வாரிசு படத்தின் தயாரிப்பாளர் தில் ராஜுவின் (பொம்மரில்லு, பருகு, மிஸ்டர். பெர்ஃபெக்ட், சீதம்மா வக்கிட்லோ சிரிமல்லே செட்டு போன்ற சில) சினிமா கேரியரில் தயாரித்த மிகப்பெரிய வெற்றிகள் இந்த வகையான கதைக்களத்தை சேர்ந்தவை தான்.

வாரிசு படத்தின் கதை தொடர்பாக பல விஷயங்களைச் சரியாகப் புரிந்துகொள்வதன் மூலம் இந்த படத்தை விரும்பாதவர்களுக்கு கூட அது தவறு என்று புரிந்துகொள்ளலாம். அதற்கு மிகப் பெரிய காரணங்களில் ஒன்று, ரசிகர்களின் முன் உறுதியான கருத்தை தனக்குச் சாதகமாகப் பயன்படுத்தியது. இயக்குனர் வம்ஷி பைடிப்பள்ளி மற்றும் அவரது எழுத்தாளர்கள் ஹரி, ஆஷிஷோர் சாலமன் மற்றும் பாடலாசிரியர் விவேக் ஆகியோர் மாறிவரும் காலத்தை கவனத்தில் கவனத்தில் கொண்டு படத்தின் கதையை எழுதியுள்னர்.

மிகவும் சீரியஸாக எடுத்துக் கொள்ளும் வானத்தைப்போல படத்தின் உணர்வுகளை வைத்து படம் எடுக்க முடியாது என்பதை நன்கு உணர்ந்துள்ள அவர்கள் பழைய கதைக்கருவை வைத்துக்கொண்டு இன்றைய காலக்கட்டத்திற்கு ஏற்ப ரசிக்கும்படியான ஒரு திரைப்படமாக ரீமேக் செய்யும் அற்புதமான வேலையைச் செய்துள்ளனர். கதையின் கருப்பொருள்கள் மற்றும் அமைப்பு வகைகளில் முன்பே வெளியான சில படங்களின் பாதிப்பு தெரிகிறது. ஆனால், அடுத்து என்ன நடக்கும் என்ற என்பதை முன்கூட்டியே தெரிந்துகொண்டு ஒரு காட்சியைப் பார்க்கத் தயாராகும் தருணம், கடந்த காலங்களில் பலமுறை நிகழ்ந்துள்ளது என்பதை ஒப்புக்கொள்ளத்தான் வேண்டும்.

ஹீரோ தன்னை மிகவும் சீரியஸாக எடுத்துக் கொண்டால், பார்வையாளர்கள் அதை கேலிக்குரிய விஷயமாக மாற்றுவார்கள் என்று தெரிந்துகொண்ட இயக்குனர் குழுவினர், படத்திலுள்ள கனமான உணர்வுகளை ஒளியாகவும், தென்றலாகவும் வைத்திருப்பதில் கவனம் செலுத்தியுள்ளனர். நடிகர் விஜய் அதற்கு நேர்த்தியாக நடந்து கொண்டுள்ளார். பிரபல தமிழ் சீரியலான மெட்டி ஒலியின் தலைப்புப் பாடலை விஜய் பாடும் போது, அது நம்மை உடனடியாக ஆசுவாசப்படுத்துகிறது. இதன் மூலம் திரைப்படத் தயாரிப்பாளர்களுக்கு ஒரு தொலைநோக்குப் பார்வை இருப்பதையும், அதை அடைவதற்கான திறமையும் அறிவும் அவர்களிடம் இருப்பதையும் இது நமக்குத் தெரிவிக்கிறது.

அதேபோல் வீட்டு டைனிங் டேபிளில் நடக்கும் நாடகத்தைப் பார்க்க விஜய் மற்றும் யோகி பாபு கிச்சா அமர்ந்திருக்கும் காட்சியை எடுத்துக் கொள்ளுங்கள். விஜய் சோபாவில் அமர, கிச்சா தரையில் அமர்ந்திருப்பார். அவர்கள் பேச ஆரம்பிக்க, விஜய் சோபாவில் இருந்து இறங்கி கிச்சாவின் அருகில் அமர்ந்திருப்பார். தனிமனித சமூக அந்தஸ்தினால் பிரிந்தாலும் நட்பால் ஒன்றுபட்டிருப்பதை இந்த காட்சி காட்டுகிறது. இருவருக்குமான பந்தம் நம்மைத் தாக்குகிறது, மேலும் அந்த கண்ணுக்குத் தெரியாத சமூகத் தடை நீக்கப்பட்டதால் கிச்சா மீண்டும் மீண்டும் விஜய்யை கேலி செய்யும் காட்சிகளை பார்த்து ரசிக்கிறோம். அதன்பிறகு இரண்டு நண்பர்களும் வேடிக்கையாக கேலி செய்வதில் ஈடுபடுகிறார்கள்.

இதில் ஒரு உணர்ச்சிகரமான காட்சியின் போது விஜய் படிக்கட்டில் இருந்து இறங்கும் மற்றொரு காட்சி உள்ளது. விஜய்யைப் பார்ப்பதற்கு முன், அவரது நிழலை அது எப்போதும் குடும்ப உறுப்பினர்களை ஒரு பாதுகாவலர் தேவதை போலக் கண்காணிப்பது போலப் பார்க்கிறோம். விஜய் தனது நிறுவனத்தில் இருந்து வாக்களிக்கப்படும் நிலையில் இருக்கும் போர்டுரூம் காட்சி, அல்லு அர்ஜுனின் பிளாக்பஸ்டர் ஆல வைகுந்தபுரமுலுவில் இருந்து எடுக்கப்பட்டது.

இந்த காட்சி ஒரு தவிர்க்க முடியாத ரிப்பீட். அந்தக் காட்சியில், பண்டு ஒரு சதியை முறியடித்து, அல்லு அர்ஜுன் குடும்பத்தைச் சேர்ந்த நடிகர்கள் நடித்த திரைப்படங்களில் இருந்து பிரபலமான பாடல்களுக்கு நகைச்சுவையாக நடனமாடுவதன் மூலம் வில்லனின் சதியை முறியடிப்பார். படத்தின் மிக மெட்டா தருணத்தில், இதேபோன்ற சதியை முறியடிக்க விஜய் தனது கடந்தகால பிளாக்பஸ்டர் படங்கள் பற்றிய குறிப்புகளை எடுத்துக்கொள்கிறார்.

விஜய் முழு படத்தையும் தன் வசீகரத்தால் தூக்கி நிறுத்துகிறார். காட்சிக்கு பின் கேலரி காட்சிக்கு அவர் எந்த விதமான வருத்தமும் இல்லாமல் விளையாடுகிறார். நாம் ஏன் அவரைப் பார்க்க விரும்புகிறோம் என்பதை இந்த படத்தின் பல காட்சகள் மூலம் நமக்கு நினைவுபடுத்துகிறார். அவர் நகைச்சுவை செய்யும் போது அவரது நடிப்பை மிகவும் ரசிக்கிறோம். பன்ச்லைன்கள் அல்லது ஸ்டண்ட் செய்யும் போதும். அவர் மென்மையான நடன அசைவுகளை செய்யும்போது அதை பார்த்து ஆர்ப்பரிக்கும் ரசிகர்கள் கூட்டம் அதிகம்.

பரவலாகக் கொண்டாடப்படும் நாட்டுப்புற பாடலான “ரஞ்சிதாமே”, மாறாக மிகக் குறைவாக மதிப்பிடப்பட்ட “ஜிமிக்கி பொண்ணு” என்ற டூயட் பாடல், விஜய் மற்றும் ரஷ்மிகா மந்தனாவின் பாடலின் தயாரிப்பு மற்றும் அவர்களின் ஆற்றல் மிக்க நடனம் மற்றும் நேர்த்தியான நடிப்பு அனைத்தும் ரசிகர்கள் ரசிக்கும்படியாக அமைக்கப்பட்டதே இந்த இந்த படத்தை கொண்டாட முக்கிய காரணம்.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil/

Stay updated with the latest news headlines and all the latest Entertainment news download Indian Express Tamil App.

Web Title: Tamil cinema varisu vijay endearing charm is comfort food for minds

Best of Express