/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2023/04/Kamal-Haasan.jpg)
கமல்ஹாசன்
இந்தியன் 2 படத்தின் படப்பிடிப்பிற்காக வெளிநாடு சென்றுள்ள நடிகர் கமல்ஹாசன், அங்கிருந்து பல புகைப்படங்களை வெளியிட்டு தனது இன்ஸ்டாகிராம் பக்கத்தை நிரப்பி வருகிறார்.
தமிழ் சினிமாவின் முன்னணி நடிகரான உலகநாயகன் கமல்ஹாசன், 4 ஆண்டு இடைவெளிக்கு பிறகு நடித்த படம் விக்ரம். கடந்த ஜூன் மாதம் வெளியான இந்த படம் ரசிகர்கள் மத்தியில் நல்ல வரவேற்பை பெற்ற நிலையில், கமல்ஹாசனுக்கு பெரிய கம்பேக் படமாக அமைந்து வசூலிலும் சாதனை படைத்தது. விக்ரம் படத்தின் வெற்றியால் மகிழ்ச்சியில் இருக்கும் கமல் அடுத்தடுத்து படங்களில் கமிட் ஆகி வருகிறார்.
அந்த வகையில் சில வருடங்களுக்கு முன்பு தொடங்கப்பட்டு பல்வேறு காரணங்களால் நிறுத்தப்பட்ட இந்தியன் 2 படப்பிடிப்பை கமல்ஹாசன் மீண்டும் தொடங்கியுள்ளார். கமல், காஜல் அகர்வால், பாபி சிம்ஹா சித்தார்த் உள்ளிட்ட பலர் முக்கிய வேடங்களில் நடித்திருந்த இந்த படத்தின் படப்பிடிப்பு ஆந்திராவில் விறுவிறுப்பாக நடைபெற்று வந்தது. சமீபத்தில் அங்கு படப்பிடிப்பை முடித்த படக்குழு இறுதிக்கட்ட படப்பிடிப்பிற்காக தென்ஆப்பிரிக்கா சென்றுள்ளது.
தற்போது தென்ஆப்பிரிக்காவில் வலம் வரும் கமல்ஹாசன் புகைப்படங்களை தனது இன்ஸ்டாகிராம் பக்கத்தில் வெளியிட்டு வருகிறார். அவர் முன்பு தைவானின் தைபேயில் இருந்து சில படங்களை வெளியிட்ட கமல்ஹாசன் தற்போது தென்னாப்பிரிக்காவின் ஜோகன்னஸ்பர்க் நகரில் இருந்து ஒரு புகைப்படத்தை வெளியிட்டுள்ளார். இதில் ஒரு தாள வாத்தியத்தை வாசிப்பதையும் அதிர்வலைப்பதையும் காணும்போது படத்தின் படப்பிடிப்புக்கு முன்னதாக கமல்ஹாசன் ஓய்வு எடுக்கவில்லை என்பது தெரிகிறது.
ஹேங்/ஹேண்ட் பான் போன்ற ஒரே மாதிரியான ஒலிகளை உருவாக்கும் ஒரு தனித்துவமான கருவி மூலம் கமல்ஹாசன் தனது திறமைகளை வெளிப்படுத்துவதைக் இந்த பதிவில் காணலாம். இருப்பினும், தனது நிபுணத்துவங்களில் ஒன்றான மிருதங்கம் (கர்நாடக இசையின் ஒரு தாள வாத்தியம்) போல் இசைக்கும் கமலுக்கு இது அந்நியமாகத் தெரியவில்லை. இந்த பதிவு ரசிகர்கள் மத்தியில் வைரலாகி வரும் நிலையில், அவரது இளைய மகள் அக்ஷரா ஹாசன் உள்ளிட்ட ரசிகர்கள் கமல்ஹாசனின் திறமைகை்கான பாராட்டுக்களை கொடுத்து வருகின்றனர்.
முன்னதாக, தைபேயில் இருந்து, கமல் ஒரு நேரடி திரையரங்கில் இருந்து ஒரு படத்தைப் பகிர்ந்து கொண்டார். இதில் நாட்டில் கலை இன்னும் உயிருடன் இருப்பதில் மகிழ்ச்சி அடைவதாக குறிப்பிட்டிருந்தார். இந்தியன் 2 படத்தில் காளிதாஸ் ஜெயராம் தற்போது கமல்ஹாசனுடன் இணைந்துள்ளார். மலையாள நடிகர் ஜெயராமின் மகனான இளம் நடிகரும் கமலின் விக்ரம் படத்தில் முக்கிய வேடத்தில் நடித்துள்ளார்.
பல வருடங்களாக தயாரிப்பில் இருந்த இந்தியன் 2, கமலின் சொந்த தயாரிப்பான விக்ரமின் வெற்றிக்குப் பிறகு இப்போது இறுதியாக மீண்டும் தொடங்கப்பட்டுள்ள நிலையில், 2024 பொங்கல் தினத்தில் இந்தியன் 2 வெளியாகும் என்று கூறப்படுகிறது. இந்த படத்திற்கு அனிருத் ரவிச்சந்தர் இசையமைக்கிறார். இந்த படத்தை முடித்து கமல்ஹாசன் அடுத்து மணிரத்னம் இயக்கத்தில் ஒரு படத்தில் நடிக்க உள்ளார். இது அடுத்த ஆண்டு தொடங்கும் என்று எதிர்பார்க்கப்படுகிறது. இதற்கு ஏஆர் ரஹ்மான் இசையமைக்கவுள்ளார்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
Stay updated with the latest news headlines and all the latest Lifestyle news. Download Indian Express Tamil App - Android or iOS.