பேயாக தமன்னா... திருமணம் கடந்த உறவு... லஸ்ட் ஸ்டோரீஸ் 2 விமர்சனம்

சமீபத்தில் நெட்ஃபிலிக்ஸ் தளத்தில் வெளியான லஸ்ட் ஸ்டோரீஸ் 2 படத்தில் நடிகை தமன்னா விஜய் வர்மா கஜோல் உள்ளிட்ட பல நடித்திருந்தனர். ஆந்தாலஜி பாணியில் வெளியான இந்த படத்தில் 4 குறும்படங்கள் இடம்பெற்றுள்ளன. இதை இயக்குனர் பால்கி, கொன்கோனா சென் சர்மா, அமீத் ரவீந்தர்நாத் சர்மா, சுஜய் கோஷ் உள்ளிட்ட 4 பேர் இயக்கியுள்ளனர்.

கடந்த 2018-ம் ஆண்டு வெளியான லஸ்ட் ஸ்டோரீ்ஸ் முதல் சீசன் நல்ல வரவேற்பை பெற்ற நிலையில் தற்போது 2-வது சீசன் வெளியாகியுள்ளது. இதில் நடிகை தமன்னா தனது காதலன் விஜய் வர்மாவுடன் இணைந்து நடித்துள்ளதால் இந்த படத்திற்கு பெரிய எதிர்பார்ப்பு இருந்தது. இதில் 3-வது படமாக செக்ஸ் வித் எக்ஸ் என்ற படத்தில் விஜய் வர்மா தமன்னா இணைந்து நடித்துள்ளனர்.

சுஜய் கோஷ் இயக்கியுள்ள இந்த படத்தில், பணக்கார இளைஞரான விஜய் வர்மா, பெரிய கம்பெனியில் சி.இ.ஓ.வாக இருக்கிறார். அவருக்கு திருமணமாகி குழந்தைகள் இருக்கின்றனர். ஆனாலும் அவருக்கு திருமணத்திற்கு மீறிய ஒரு உறவு உள்ளது. ஒருநாள் இவர் காரில் சென்றுகொண்டிருக்கும்போது கார் மரத்தில் மோதி விபத்துக்குள்ளாகிறது.

அப்போது அந்த காரை சரி செய்ய போகும்போது தமன்னாவை பார்க்கிறார். அவரை பார்த்தவுடன் 10 வருடத்திற்கு முன்பு காணாமல்போன அவரது மனைவி மாதிரியே இருப்பதாக தோன்றுகிறது. அவரிடம் பேசி பழகுகிறார். உடலுறவும் வைத்துக்கொள்கிறார். அப்போது தமன்னா உங்கள் மனைவிதான் நான் கர்ப்பமாக இருப்பதை தெரிந்துகொண்டு என்னை கொலை செய்துவிட்டார் என்று சொல்கிறார். அதன்பிறகு என்ன நடந்தது என்பது தான் இந்த படத்தின் கதை.

இந்த படத்தை ஹாரார் த்ரில்லர் பாணியில் சொல்ல முயற்சி செய்திருக்கிறார்கள். ஆனால் இந்த பாணி இங்கு எடுபடவில்லை என்றூன் சொன்ன வேண்டும். படத்தில் விஜய் வர்மா காரில் செல்லக்கூடிய இடங்கள் எல்லாம் ஒரு ரியாலிட்டி இல்லாமல் இருந்ததால் படத்துடன் ஒன்றி பார்க்க முடியவில்லை என்று சொல்லலாம். ஆனால் தமன்னா பேயாக வருவதும், அவருடன் விஜய் வர்மா உடலுறவு வைத்துக்கொள்வது சுவாரஸ்யமான கதையாக இருந்தாலும், ரசிக்கும்படியான திரைக்கதை இல்லை.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil