கோட் படத்தில் விஜயகாந்த்: மக்கள் கொண்டாடுகிறார்கள்; விஜய பிரபாகரன் பெருமிதம்!

தளபதி விஜய நடிப்பில் வெளியாகியுள்ள தி கோட் படத்தில் விஜயகாந்த் காட்சிகள் ரசிகர்கள் மத்தியில் நல்ல வரவேற்பை பெற்று வருகிறது. பலரும் இந்த காட்சிகளை கொண்டாடி வருகின்றனர் என்று விஜயகாந்த் மகன் விஜய பிரபாகரன் மதுரையில் தெரிவித்துள்ளார்.

தமிழ் சினிமாவிலும் அரசியலிலும், தனக்கென தனி இடத்தை பிடித்தது இன்றும் மக்களால் போற்றப்படும் தலைவர்களில் ஒருவர் விஜயகாந்த். தனது நடிப்பில் பல வெற்றிப்படங்களை கொடுத்துள்ள இவா, தயாரிப்பாளர் இயக்குனர் என பன்முக திறமையுடன் வலம் வந்தார். தனியாக அரசியல் கட்சி தொடங்கி குறுகிய காலத்தில் எதிர்கட்சி தலைவராக உயர்ந்த விஜயகாந்த், உடல்நலக்குறைவால் பாதிக்கப்பட்டிருந்ததார்.

இதன் காரணமாக தொடர்ந்து சிகிச்சை பெற்று வந்த அவர், கடந்த ஆண்டு டிசம்பர் மாதம் மரணமடைந்தார். அவரது மரணம் தமிழ் சினிமாவில் பெரிய வெற்றிடத்தை ஏற்படுத்தியுள்ள நிலையில், விஜயகாந்துக்கு மரியாதை செலுத்தும் விதமாக ஏ.ஐ. டெக்னாலஜி மூலம் அவரை திரைப்படத்தில் கொண்டுவர பலர் முயற்சி செய்வதாக தகவல்கள் வெளியானது. அந்த வரிசையில் விஜயின் கோட் படமும் இணைந்திருந்த நிலையில், மரணத்திற்கு பிறகு விஜயகாந்தை திரையில் பார்க்க பலர் காத்திருந்தனர்.

பெரிய எதிர்பார்ப்புக்கு மத்தியில் நேற்று (செப்டம்பர் 5) வெளியான விஜயின் கோட் திரைப்படம், விஜயகாந்தின் காட்சிகளுடன் தொடங்கியுள்ளது. இந்த படத்தில் ஏ,ஐ.டெக்னாலஜி மூலம் விஜயகாந்த் வரும் காட்சிகள் ரசிகர்கள் மத்தியில் பெரிய வரவேற்பை பெற்று வரும் நிலையில், இது குறித்து விஜயகாந்த் மகன், விஜயபிரபாகரன், பெருமிதம் தெரிவித்துள்ளார்.

மதுரை மாவட்டம் அய்யன் பாப்பாக்குடி அரசு பள்ளிக்கு நலத்திட்ட உதவிகளை தொடங்கி வைக்க வந்த அவர், செய்தியாளர்கள் சந்திப்பில் பேசும்போது. என்னால் கோட் படத்தை இன்னும் பார்க்க முடியவில்லை. ஆனால் படத்தில் அப்பா (விஜயகாந்த்) வரும் காட்சிளை பலர் சமூக ஊடகங்களில் பகிர்ந்து வருகின்றனர். எனக்கும் அந்த காட்சிகளை அனுப்பி வருகின்றனார். தியேட்டரில் அந்த காட்சிளை மக்கள் கொண்டாடும் விதத்தை பார்க்கும்போது புல்லறிக்கிறது என்று கூறியுள்ளார்.