தனுஷ்க்கு வைத்த செக்: நவம்பர் 1 முதல் படப்பிடிப்புக்கு தடை; தயாரிப்பாளர் சங்கம் அறிவிப்பு!

தமிழ்த் திரைப்படத் தயாரிப்பாளர்கள் சங்கத்தின் (TFPC) கூட்டம் சமீபத்தில் சென்னையில் நடைபெற்ற நடைபெற்றது. இந்த கூட்டத்தில் பல்வேறு விஷயங்கள் குறித்து விவாதிக்கப்பட்ட நிலையில், அது தொடர்பான தகவல்கள் தற்போது வெளியாகியுள்ளது.

Read In English: Tamil producers’ body to stall all shooting from Nov 1, pass resolutions about OTT release window and scrutiny on Dhanush

தமிழ்நாடு திரையரங்கு உரிமையாளர்கள் சங்கம், தமிழ்நாடு மல்டிபிளக்ஸ் உரிமையாளர்கள் சங்கம், தமிழ்நாடு திரைப்பட விநியோகஸ்தர்கள் சங்கம் உள்ளிட்ட திரையுலகின் பிற முக்கிய கிளைகளின் நிர்வாகிகள் பங்கேற்ற தமிழ் சினிமா தயாரிப்பாளர்கள் சங்க கூட்டம் சமீபத்தில் சென்னையில் நடைபெற்றது. இந்த கூட்டத்தில் பெரிய நடிகர்களின் படங்கள் வெளியாகி 8 வாரங்களுக்கு பிறகே ஒடிடி தளத்தில் வெளியிட வேண்டும் என்று கூறப்பட்டுள்ளது. 

மேலும் கால்ஷீட் கொடுத்த படங்களை முடிக்காமல், பல படங்களை ஒப்புக்கொண்ட நடிகர்கள், சம்பளம் மற்றும் தயாரிப்பு செலவுகளில் உச்சவரம்பை வைத்திருத்தல் உள்ளிட்ட பல விஷயங்கள் குறித்து விவாதிக்கப்பட்டுள்ளது. இந்த கூட்டத்தில் மிக முக்கியமான 6 அம்ச தீர்வைக் கொண்டு வந்தனர். 

முன்னணி நடிகர்கள் நடிக்கும் படங்கள் திரையரங்குகளில் வெளியாகி 8 வாரங்களுக்குப் பிறகுதான் ஓடிடி  தளங்களில் வெளியிட வேண்டும் என்று கூட்டத்தில் ஒருமனதாக முடிவு செய்யப்பட்டுள்ளது.

சில நடிகர்கள் மற்றும் டெக்னீஷியன்கள், குறிப்பிட்ட தயாரிப்பு நிறுவனங்களிடம் இருந்து முன்பணம் பெற்று, மற்ற தயாரிப்பு நிறுவனங்களுக்கு பணிபுரிகின்றனர். இதனால் பெரும் நிதி இழப்பு ஏற்படுகிறது. எனவே, முன்னோக்கிச் செல்லும்போது, எந்தவொரு நடிகரோ அல்லது தொழில்நுட்ப வல்லுனரோ அத்தகைய பிரச்சனகைளை தவிர்க்க, வேறு படங்களுக்கு செல்வதற்கு முன் ஒப்புக்கொண்ட திரைப்படங்களை முடிக்க வேண்டும். நடிகர் தனுஷ் பல தயாரிப்பாளர்களிடம் முன்பணம் பெற்றுள்ளதைக் கருத்தில் கொண்டு, நடிகர் தனுஷ் நடிக்கும் புதிய படங்களைத் தொடங்கும் முன் தயாரிப்பாளர்கள் தமிழ்த் திரைப்படத் தயாரிப்பாளர் சங்கத்தை அணுகுமாறு கேட்டுக் கொள்ளப்படுகிறார்கள்.

திரையரங்குகளில் முறையான ரிலீஸ் சாளரம் கிடைக்காமல் திரைப்படங்கள் கேன்களில் சிக்காமல் இருப்பதை உறுதிசெய்ய தயாரிப்பாளர் சங்கம் புதிய விதிமுறைகளை வகுத்து வருகிறது. புதிய விதிமுறைகள் அமலுக்கு வந்த பிறகு படப்பிடிப்புகள் தொடங்குவதை உறுதி செய்யும் வகையில் 16.8.2024 முதல் புதிய படங்கள் தொடங்குவதை தற்காலிகமாக நிறுத்தி வைப்பது என கூட்டத்தில் ஒருமனதாக தீர்மானம் நிறைவேற்றப்பட்டுள்ளது.

தற்போது தயாரிப்பில் உள்ள படங்களின் விவரங்களை தமிழ் திரைப்பட தயாரிப்பாளர் சங்கத்திற்கு முறையாக தெரிவிக்க வேண்டும், மேலும் அக்டோபர் 30 ஆம் தேதிக்குள் நடந்து வரும் படப்பிடிப்பை முடிக்க தயாரிப்பாளர்களை கேட்டுக்கொள்கிறோம்.

நடிகர், நடிகைகள், தொழில்நுட்ப கலைஞர்களின் சம்பளம் மற்றும் இதர செலவுகள் கட்டுப்பாடின்றி உயர்ந்து வருவதால், அதை முறைப்படுத்தவும், தமிழ் திரையுலகத்தை சீரமைக்கவும் பல்வேறு முயற்சிகள் மேற்கொள்ளப்பட்டு வருகின்றன. எனவே, 01.11.2024 முதல் தமிழ் சினிமா படப்பிடிப்பு தொடர்பான அனைத்துவிதமான பணிகளும் நிறுத்தப்படும் என கூட்டத்தில் ஒருமனதாக தீர்மானிக்கப்பட்டுள்ளது.

எதிர்காலத்தில் திரையுலகில் ஏற்படும் பிரச்னைகளை தீர்க்க தயாரிப்பாளர்கள், விநியோகஸ்தர்கள், திரையரங்கு உரிமையாளர்கள் அடங்கிய கூட்டு நடவடிக்கை குழு அமைக்கப்பட்டுள்ளது.

இந்த தீர்மானங்கள் நடைமுறையில் இருப்பதால், தயாரிப்பாளர் சங்கம்  அவற்றை எவ்வாறு செயல்படுத்த திட்டமிட்டுள்ளது என்பதைப் பார்ப்பது சுவாரஸ்யமாக இருக்கும். அதே சமயம் தமிழ் சினிமாவின் முறைகேடுகள் காரணமாக மூடப்படுவது இது முதல் முறை அல்ல என்பது குறிப்பிடத்தக்கது. 2018 ஆம் ஆண்டில், தயாரிப்பாளர்களின் வருவாய்ப் பங்கைப் பாதிக்கும் பல சிக்கல்களை எதிர்த்து வேலைநிறுத்தம் செய்யப்பட்டது.

குறிப்பாக மல்டிபிளக்ஸ்கள் மற்றும் சிங்கிள் ஸ்கிரீன்கள் மூலம் திரைப்படங்களின் டிஜிட்டல் விநியோகத்தில் வசூலிக்கப்படும் விர்ச்சுவல் பிரிண்ட் கட்டண விகிதம் குறித்து பேசப்பட்டது. ஆனால் இந்த நேரத்தில், தமிழ் திரைப்பட தயாரிப்பாளர் சங்கத்தின் இந்த முடிவுகள் நடிகர்கள் மற்றும் தொழில்நுட்ப வல்லுநர்களுக்கு எதிராக எடுக்கப்படுகின்றன, மேலும் இந்த விதிமுறைகளுக்கு அவர்கள் எவ்வாறு பதிலளிப்பார்கள் என்பதை நாம் பொறுத்திருந்துதான் பார்க்க வேண்டும்.