Vijay TV News: பிக் பாஸ் தமிழ் 7 நிகழ்ச்சியால் ராதிகா சரத்குமார் ஷோ ரத்து?

சீரியல்கள் மற்றும் ரியாலிட்டி ஷோக்கள் என மக்களுக்கு பிடித்தமாக நிகழ்ச்சிகளை வழங்கி முன்னிலையில் இருந்து வரும் விஜய் டிவியில், கடந்த ஜூலை மாதம் இறுதியில் இருந்து கதாநாயகி என்ற புதிய ரியாலிட்டி ஷோ தொடங்கப்பட்டது. ராதிகா சரத்குமார், இயக்குனர் கே.எஸ்.ரவிக்குமார் ஆகியோர் இந்நிகழ்ச்சியின் நடுவர்களாக பங்கேற்று வருகின்றனர்.

தமிழ் வெள்ளித்திரை மற்றும் சின்னத்திரையின் பிரபலமான நடிகையாக முத்திரை பதித்தவர் ராதிகா சரத்குமார். அதேபோல் தமிழ் சினிமாவில் பல மெகாஹிட் படங்களை இயக்கி வெற்றி கண்ட  கே.எஸ். ரவிக்குமார் நடிகராகவும் முத்திரை பதித்துள்ளார். கதாநாயகி ஒரு தனித்துவமான நிகழ்ச்சியாக இருக்கும்.  சாதாரண நபர்களின் திறமைகளை வெளிக்கொண்டு வந்து விஜய் டிவியில் கதாநாயகியாக ஒரு பயணத்தைத் தொடங்குவதற்கான அருமையான வாய்ப்பை வழங்குகிறது.

வாரந்தோறும் சனி மற்றும் ஞாயிற்றுக்கிழமைகளில் இரவு 9:30 மணிக்கு ஒளிபரப்பாகி வரும் இந்த ரியாலிட்டி ஷோவில் தகுதியான பெண் கதாநாயகியை தொலைக்காட்சித் துறைக்கு அறிமுகப்படுத்தும் உன்னத நோக்கத்துடன் தொடங்கப்பட்டது. இதில் கதாநாயகிக்கான தேர்வு செயல்முறை பல இடங்களில் ஆடிஷன்களை நடத்துகிறது. பல்வேறு பின்னணியில் இருந்து ஆர்வமுள்ள நடிகைகள் மற்றும் பல திறமைகள் கொண்ட இந்த ஆடிஷன்களில் பங்கேற்கிறார்கள்.

அனைவரும் நிகழ்ச்சியில் கலந்துகொள்வதற்கான வாய்ப்பிற்காக போட்டியிடுகிறார்கள். ஒவ்வொரு பங்கேற்பாளரின் திறனையும், நிகழ்ச்சியில் அவர்கள் மேற்கொள்ளும் கேரக்டர்களுக்கான பொருத்தத்தையும் உன்னிப்பாக மதிப்பிடும் துறை வல்லுநர்களால் இந்த ஆடிஷன்கள் கண்காணிக்கப்படுகின்றன. போட்டியாளர்கள் தங்கள் திறமைகளை வெளிப்படுத்தவும், அதிக மதிப்பெண்களை பெறவும் தேவைப்படும் பல்வேறு சவால்களுடன் பணிபுரிவார்கள்.

ஒவ்வொரு சுற்றிலும், குறைந்த மதிப்பெண்கள் பெற்ற போட்டியாளர்கள் வெளியேற்றப்படுவார்கள்., படிப்படியாக களம் குறைக்கப்படும். அதிக மதிப்பெண்களுடன் தொடர்ந்து சிறப்பாக செயல்படும் போட்டியாளர், இறுதியில் விஜய் டிவியில் கதாநாயகியாகும் வாய்ப்புடன் பட்டத்தை பெறுவார். ரசிகர்கள் மத்தியில் நல்ல வரவேற்பை பெற்று வரும் இந்த நிகழ்ச்சி விரைவில் முடிவுககு வர உள்ளதாக கூறப்படுகிறது. விஜய் டிவியின் முக்கிய ரியாலிட்டி ஷோவான பிக்பாஸ் நிகழ்ச்சியின் சீசன் 7 விரைவில் தொடங்க உள்ளதால், தற்போது கதாநாயகி ரியாலிட்டி ஷோ முடிவுக்கு வர உள்ளதாக தகவல் வெளியாகியுள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“