மணிமேகலை மோதல்: ஃபாரின் பீச்சில் கூல் செய்யும் பிரியங்கா- வைரல் வீடியோ

குக் வித் கோமாளி நிகழ்ச்சியில், மணிமேகலை – பிரியங்கா இடையே எழுந்த மோதல் தற்போது வரை பெரும் பரபரப்பை ஏற்படுத்தி வரும் நிலையில், இது குறித்து இதுவரை விளக்கம் கொடுக்காத பிரியங்கா தற்போது வெளிநாட்டில் இருந்து வெளியிட்டுள்ள ஒரு வீடியே பதிவு கவனம் ஈர்த்துள்ளது,

விஜய் டிவியின் குக் வித் கோமாளி நிகழ்ச்சி ரசிகர்கள் மத்தியில் நல்ல வரவேற்பை பெற்று வரும் நிகழ்ச்சிகளில் ஒன்று. இந்நிகழ்ச்சியின் 5-வது சீசன் கடந்த வாரம் நிறைவடைந்தது. இந்த நிகழ்ச்சியில், தொகுப்பாரளாக பங்கேற்ற மணிமேகலை, கடந்த சில தினங்களுக்கு முன்பு, தான் இந்த நிகழ்ச்சியில் இருந்து விலகுவதாகவும், தனது வேலையை பார்க்க விட மாட்டேங்கிறார். எனது வேலையில் தலையிடுகிறார். எனக்கு தன் மானம் இருக்கு என்று ஒரு பதிவை வெளியிட்டிருந்தார்.

இந்த பதிவை பார்த்த ரசிகர்கள் பலரும் அவர் பிரியங்காவை தான் சொல்கிறார் என்ற கூறி, பிரியங்காவுக்கு எதிராக கருத்து சொல்ல தொடங்கினர். மேலும், பிரியங்கா வந்ததில் இருந்து விஜய் டிவியில் இருந்து வெளியேறிய தொகுப்பாளர்கள் குறித்த பட்டியலை வெளியிட்டு கடுமையாக விமர்சித்து மணிமேகலைக்கு ஆதரவாக பேசியிருந்தனர். அதே சமயம் விஜய் டிவி பிரபலங்கள் பலரும் பிரியங்காவுக்கு ஆதரவாக கருத்து தெரிவித்து வருகின்றனர்.

அதே சமயம், சமூகவலதளஙகளில், மணிமேகலைக்கு ஆதரவான கருத்துக்களே அதிகம் வரும் நிலையில், ஒரு பக்கம் மணிமேகலை சொல்லிவிட்டாலும், மறுபக்கம், பிரியங்கா இது குறித்து எந்த கருத்தும் சொல்லாமல் இருக்கிறாரே என்ற கேள்வியும் எழுந்தது. கடந்த சில நாட்களுக்கு முன்பு, பேசிய நடிகை வனிதா விஜயகுமார், பிரியங்கா தன்னிடம் போன் செய்த அழுததாகவும், தற்போது அவர் வெளிநாட்டில் இருப்பதாகவும் கூறியிருந்தார்.

https://www.instagram.com/stories/priyankapdeshpande/3467129190212584120/?igsh=NjZiM2M3MzIxNA%3D%3D

இதனிடையே பிரியங்கா, தற்போது தனது இன்ஸ்டாகிராம் பக்கத்தில் வீடியோ பதிவு ஒன்றை வெளியிட்டுள்ளார். மணிமேகலை தொடர்பான விவாகரத்தில் விளக்கம் அளிப்பார் என்று எதிர்பார்க்கப்பட்ட நிலையில், அவர், பீச்சில் தனியாக விளையாடுவது போன்ற ஒரு வீடியோவை வெளியிட்டு, பேக் டூ தி க்ரிண்ட் என்ற பதிவிட்டுள்ளார். இந்த பதிவு தற்போது இணையத்தில் வைரலாகி வருகிறது.