கயல் சீரியல் நடிகை சைத்ரா ரெட்டி சமீபத்தில் வெளியிட்டுள்ள புகைப்படங்கள் ரசிகர்கள் மத்தியில் கவனம் ஈர்த்து வருகிறது.
கர்நாடக மாநிலத்தை சேர்ந்த சைத்ரா ரெட்டி, பெங்களூருவில் தனது கல்லூரி படிப்பை முடித்துள்ளார். அதனைத் தொடர்ந்து, அவனு மேட்டே ஷ்ரவாணி என்ற கன்னட சீரியல் மூலம் சின்னத்திரையில் அறிமுகமானார்.
அதன்பிறகு தமிழில் ஸ்ரீகுமார் நடிப்பில் வெளியான யாரடி நீ மோகினி தொடரின் மூலம் தமிழ் சின்னத்திரையில் அறிமுகமான சைத்ரா ரெட்டி நெகடீவ் ரோலில் நடித்து அசத்தினார்.
இதன் மூலம் முதல் சீரியலிலேயே இவருக்கு ரசிகர்கள் பட்டாளம் அதிகம். அதனைத் தொடர்ந்து வலிமை படத்தில் அஜித்துடன் இணைந்து நடித்துள்ள சைத்ரா ரெட்டி தற்போது சன்டிவியின் கயல் சீரியலில் நாயகியாக நடித்து வருகிறார்.
முதல் சீரியலே வில்லி என்றாலும் தற்போது நாயகியாகவும் தனக்கென தனி ரசிகர்கள் பட்டாளத்தை உருவாக்கி வைத்துள்ளார். இதில் ராஜா ராணி புகழ் சஞ்சீவ் நாயகனாக நடித்து வருகிறார்.
சமூக வலைதளங்களில் ஆக்டிவாக இருக்கும் சைத்ரா அவ்வப்போது தனது புகைப்படங்கள் மற்றும் வீடியோக்களை வெளியிட்டு வருகிறார்.
மேலும் இவர் வெளியிடும் அனைத்து புகைப்படங்களிலும் இவரது சிரிப்பு தனி கவனம் ஈர்த்து வருகிறது. வகையில் தற்போது இவர் வெளியிட்டுள்ள புகைப்படங்கள் வைரலாகி வருகிறது.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
