முகம் காட்டாத நடிகை... போட்டோஸ் எல்லாம் சூப்பர் : இவரை யார்னு தெரியுதா?

சன்டிவியில் ஒளிபரப்பாகி வரும் அன்பே வா சீரியலில் முன்னணி கேரக்டராக பூமிகாவாக நடித்து அதன் மூலம் ரசிகர்கள் மத்தியில் பெரும் பிரபலமானவர் டெல்னா டேவிஸ்.

கடந்த 2014-ம் ஆண்டு வெளியான விடியும் வரை பேசு என்ற படத்தில் அறிமுகமான டெல்னா டேவிஸ், தொடர்ந்து பட்ர, கவுண்டமணியுடன் 49ஓ விதார்த்துடன் குரங்கு பொம்மை ஆகிய படங்களில் நடித்துள்ளார்.

மேலும் ஒரு சில மலையாளப்படங்களிலும் நடித்துள்ளார். முறைப்படி பரதநாட்டியம் கற்றுக்கொண்ட டெல்னா டேவிஸ், கேரளாவில் தனது அரங்கேற்றத்தை நடத்தியுள்ளார்.

இவரின் நடன திறமையை பார்த்த பிரபல மாடலிங் நிறுவனம் இவரை ஹோம்லி லுக்கில் போட்டோ ஷூட் நடத்தி அதனை இணைதளத்தில் பதிவிட்டுளளனர். அந்த புகைப்படத்தை பார்த்த சில இயக்குநர்கள் இவருக்கு படத்தில் நடிக்க வாய்ப்பு கொடுத்துள்ளனர்.

இந்த புகைப்படங்களை பார்த்துதான் இவருக்கு குரங்கு பொம்மை படத்தில் நடிக்க வாய்ப்பு கிடைத்துள்ளது. இந்த படத்தில் விதார்த் பாரதிராஜா ஆகியோருடன் இணைந்து நடித்தார்.

அதன்பிறகு கவுண்டமணி நாயகனாக நடித்த 49 ஓ படத்தில் அவரின் தங்கையாக நடித்திருந்தார். ஆனாலும் அவருக்கான வெற்றி கிடைக்காத நிலையில், நடிப்புக்கு முழுக்கு போட்டு இடைவெளியில் பிஎல் பட்டம் பெற்றுள்ளார்.

அதன்பிறகு கொரோனா தொற்றை எதிர்கொண்ட அவர் அத்து என்ன செய்யலாம் என்று யோசித்தக்கொண்டிருந்தபோது சன்டிவியின் அன்பே வா சீரியல் வாய்ப்பு கிடைத்துள்ளது.

சமீபத்தில் அன்பே வா சீரியலில் இவர் இறப்பது போல் காட்சி வைத்ததை தொடர்ந்து சீரியலில் இருந்து விலகிய டெல்னா டேவிஸ் சுற்றுலா சென்றுள்ளார். இதில் தற்போது முகம் தெரியாத வகையில் அவர் வெளியிட்டுள்ள புகைப்படங்கள் கவனம் ஈர்த்து வருகிறது.