எதிர்நீச்சல் சீரியலில் ஜனனி கேரக்டரில் நடித்து வரும் நடிகை மதுமிதா.எச். புதிதாக கார் வாங்கியுள்ள நிலையில் இது குறித்து அவர் வெளியிட்டுள்ள வீடியோ பதிவு இணையத்தில் வைரலாகி வருகிறது.
சின்னத்திரையில் ரசிகர்கள் மத்தியில் பெரும் எதிர்பார்ப்பை ஏற்படுத்தி வரும் சீரியல் எதிர்நீச்சல். ஆணதிக்கம் அதிகம் உள்ள ஒரு குடும்பத்திற்கு வரும் மருமகள்கள் சந்திக்கும் முக்கிய பிரச்சனை மட்டுமல்லாமல் அதே வீட்டில் இருக்கும் தங்கை கேரக்டர் படும் துயரங்கள் பற்றியும் திரைக்கதை அமைக்கப்பட்டுள்ள இந்த சீரியலை கோலங்கள் புகழ் திருச்செல்வம் இயக்கி வருகிறார்.
பிரபல இயக்குனரும் நடிகருமான மாரிமுத்து ஆதி குணசேகரன் கேரக்டரில் வில்லத்தனம் செய்து வருவது பெரும் எதிர்பார்ப்பை ஏற்படுத்தியுள்ள நிலையில், டிஆர்பி ரேட்டிங்கில் எதிர்நீச்சல் புதிய சாதனை படைத்து வருகிறது. இதன் காரணமாக இதுவரை 6 நாட்கள் மட்டுமே ஒளிபரப்பாகி வந்த எதிர்நீச்சல் இனி வாரத்தில் 7 நாட்களும் ஒளிபரப்பாகும் என்’று அறிவிக்கப்பட்டுள்ளது.
ரசிகர்கள் மத்தியில் இந்த சீரியல் பெரும் எதிர்பார்ப்பை ஏற்படுத்தியிருக்கும் அதே வேளையில் இந்த சீரியலில் நடித்து வரும் நட்சத்திரங்களுக்கு பெரிய ரசிகர்கள் பட்டாளம் உள்ளது. இதனால் சீரியல் நட்சத்திரங்கள் எது செய்தாலும், இணையத்தில் வைரலாகி வருகிறது. அந்த வகையில் தற்போது எதிர்நீச்சல் சீரியல்ல ஜனனி கேரக்டரில் நடித்து வரும் நடிகை மதுமிதா புதிய கார் வாங்கியுள்ளதாக வீடியோ பதிவு ஒன்றை வெளியிட்டுள்ளார். இந்த காரின் விலை ரூ.18 லட்சம் இருக்கும் என கூறப்படுகிறது.
இந்தக் கார் என்னுடைய கனவு அல்ல, அதை நிஜமாக்கி உள்ளேன். என்னுடைய முதல் பெரிய குழந்தையை வாங்கி உள்ளேன்” என அந்த பதிவில் நடிகை மதுமிதா குறிப்பிட்டுள்ளார். அவரின் இந்த பதிவு இணையத்தில் வைரலாகி வருகிறது.
தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil
/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2023/07/Madhumitha-H.jpg)