குடும்பத்துடன் வெக்கேஷன் ட்ரிப்... கொல்லி மலையில் பிரபல வில்லி நடிகை

தமிழ் சினிமாவில் டான்ஸர் ஆக வேண்டும் என்ற நோக்கத்துடன் வந்து தற்போது சின்னத்திரையில் வில்லி நடிகையாக அவதாரம் எடுத்துள்ளவர் நடிகை ஜீவிதா.

டான்ஸ் மாஸ்டர் ஆக வேண்டும் என்ற முயற்சியில் ஏவிஎம் ஸ்டூடியோவுக்கு சென்றபோது அவருக்கு சீரியல் வாய்ப்பு கிடைத்துள்ளது.

டான்ஸ் ஆட வாய்ப்பு கேட்டு போனவருக்கு நடிப்பதற்கே வாய்ப்பு கிடைத்துவிட்ட குஷியில் உற்சாகமாக சீரியலில் நடிக்க ஒப்புக்கொண்டுள்ளார் ஜீவிதா.

அதன்படி 2013-ம் ஆண்டு ஜெயா டிவியின் மனதில் உறுதி வேண்டும் என்ற சீரியலின் மூலம் சின்னத்திரையில் அறிமுகமானார். இதன் மூலம் ரசிகர்கள் மத்தியில் பிரபலமான ஜீவிதாவுக்கு அடுத்து ஆபீஸ் சீரியலில் வாய்ப்பு கிடைத்துள்ளது.

இந்த சீரியலில் வில்லி வேடம் தான் என்றாலும் கூட அதிலுமு் தனது சிறப்பான நடிப்பை வெளிப்படுத்தி அனைவரின் மனதிலும் இடம் பிடித்து அசத்தினார்.

அதனைத் தொடர்ந்து தேவதை, மெல்ல திறந்தது கதவு, கண்மணி எங்க வீட்டு பொண்ணு உள்ளிட்ட பல சீரியல்களில் நடித்து சின்னத்திரையின் பிஸியான நடிகையாக வலம் வருகிறார்.

தற்போது சன்டிவியின் திருமகள் சீரியலில் ஆனந்த வள்ளி என்ற கேரக்டரில் நடித்து வரும் ஜீவிதாவுக்கு வெள்ளித்திரையில் வாய்ப்புகள் குவிந்து வருகிறது.

இதில் கடைக்குட்டி சிங்கம், யானை, உள்ளிட்ட படங்களில் நடித்துள்ள ஜீவிதா தற்போது தனது குடும்பத்துடன் கொல்லி மலைக்கு சுற்றுலா சென்ற புகைப்படங்களை பதிவிட்டுள்ளார்.

இந்த புகைப்படங்கள் தற்போது வைரலாகி வரும் நிலையில், நெட்டிசன்கள் பலரும் தங்களது கருத்துக்களை தெரிவித்து வருகின்றனர்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“