வடுக்களை வலிமையாக மாற்ற... நடிகை ரச்சிதாவின் டாட்டூ பார்த்தீங்களா?

விஜய் டிவி சீரியல்கள் மூலம் பிரபலமான நடிகை ரச்சிதா மகாலட்சுமி தற்போது வெளியிட்டுள்ள டான்சிங் புகைப்படங்கள் இணையத்தில் வைரலாகி வருகிறது.

தமிழ் சின்னத்திரையில், விஜய் டிவியின் பிரிவோம் சந்திப்போம் தொடரின் மூலம் நடிகையாக அறிமுகமானவர் நடிகை ரச்சிதா. அதனைத் தொடர்ந்து சன் டிவியில் ஒளிபரப்பான இளவரசி தொடரில் நடித்தார்.

தொடர்ந்து விஜய் டிவியின் சரவணன் மீனாட்சி தொடரின் 2ஆம் பாகத்தில் கவினுக்கு ஜோடியாக நடித்ததன் மூலம் சின்னத்திரை ரசிகர்கள் மத்தியில்  பிரபலமானார்.

அடுத்து விஜய் டிவியில் நாம் இருவர் நமக்கு இருவர் தொடரில் மிர்ச்சி செந்திலுக்கு ஜோடியாக நடித்து வந்தார். அந்த தொடர் ரசிகர்களிடையே நல்ல வரவேற்பைப் பெற்றது.

தொடர்ந்து கலர்ஸ் தமிழின் இது சொல்ல மறந்த கதை என்ற தொடரில் நடித்தார். ஆனால் இந்த சீரியல் திடீரென பாதியில் நிறுத்தப்பட்டது. அதன்பிறகு விஜய் டிவியின் பிக்பாஸ் நிகழ்ச்சியில் பங்கேற்றார்.

சீரியல் மற்றும் ரியாலிட்டி ஷோக்கள் மட்டுமல்லாமல் தமிழில் உப்புக்கருவாடு உள்ளிட்ட சில படங்களில் நாயகியாக நடித்துள்ளார். தற்போது 3 கன்னட படம், ஒரு தமிழ் படத்திலும் நடித்து வருகிறார்.

மேலும் ஹம் சொல்றீயா ஹூம்ஹூம் சொல்றீயா என்ற நிகழ்ச்சியில் பங்கேற்று வரும் ரச்சிதா சமூகவலைதளங்களில் ஆக்டீவாக இருந்து வருகிறார்.

அந்த வகையில் தற்போது இவர் தனது இன்ஸ்டாகிராம் பக்கத்தில் வெளியிட்டுள்ள சில புகைப்படங்கள் இணையத்தில் வைரலாகி வரும் நிலையில், பலரும் கருத்துக்களை தெரிவித்து வருகின்றனர்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil”