எளிமையான தோற்றம்... புன்னகையுடன் சம்யுக்தா... கியூட் க்ளிக்ஸ்

சிற்பிக்குள் முத்து சீரியல் மூலம் பிரபலமான நடிகை சம்யுக்தா சமீபத்தில் வெளியிட்டுள்ள புகைகப்படங்கள் இன்ஸ்டாகிராம் பக்கத்தில் வைரலாகி வருகிறது. தமிழில் வெப் தொடர்கள் மற்றும் தொலைக்காட்சி தொடர்கள் மூலம் ரசிகர்கள் மத்தியில் பிரபலமானவர் சம்யுக்தா. டியூப்லைட் என்ற யூடியூப் சேனலில் நிறைமாத நிலவே என்ற தொடரின் மூலம் இவர் அறிமுகமானார்.

இந்த தொடரின் மூலம் நல்ல வரவேற்பை பெற்ற இவர், அடுத்து 2021-ம் ஆண்டு விஜய் டிவியின் பாவம் கணேசன் தொடரின் மூலம் சின்னத்திரையில் அறிமுகமானார். தொடர்ந்து ஸ்ரீதிவ்யா என்ற குறும்பத்தில் நடித்துள்ள சம்யுக்தா தற்போது விஜய் டிவியின் சிற்பிக்குள் முத்து தொடரில் நடித்து வருகிறார். இந்த தொடர் ரசிகர்கள் மத்தியில் நல்ல வரவேற்பை பெற்று வருகிறது.

இந்த தொடரில் நடித்தபோது தன்னுடன் இணைந்து நடித்த விஷ்ணுகாந்தை காதலித்து கடந்த மார்ச் மாதம் திருமணம் செய்துகொண்ட சம்யுக்தா ஒரே மாதத்தில் அவரை விட்டு பிரிந்தார். இந்த விவகாரம் கடந்த சில மாதங்களாக இணையத்தில் பெரும் பரபரப்பை ஏற்படுத்தி வரும் நிலையில் விஷ்ணுகாந்த் – சம்யுக்தா இருவரும் மாறி மாறி குறை கூறிக்கொண்டே இருக்கின்றனர்.

சமூகவலைதளங்களில் ஆக்டீவாக இருக்கும் சம்யுக்தா அவ்வப்போது தனது புகைப்படம் மற்றும் வீடியோக்களை பதிவிட்டு வருகிறார். இந்த புகைப்படங்கள் இணையத்தில் வைரலாவது வழக்கம். அந்த வகையில் தற்போது சம்யுக்தா வெளியிட்டுள்ள புகைப்படங்கள் இணையத்தில் வரவேற்பை பெற்று வரும் நிலையில், ரசிகர்கள் பலரும் கருத்து தெரிவித்து வருகின்றனர்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“