கூட்டு சேர்ந்த வில்லிகள்: ஹீரோவுடன் நட்பாகும் வில்லன்; சீரியல் முடிவுக்கு வருகிறதா?

சண்முகத்துக்கு சர்ப்ரைஸ் கொடுத்த முத்துப்பாண்டி.. ஹீரோவுக்கும் வில்லனுக்கும் இடையே உருவாகும் புது உறவு - அண்ணா சீரியல் இன்றைய எபிசோட் அப்டேட்

அண்ணா சீரியலின் நேற்றைய எபிசோடில் இசக்கி முத்து பாண்டிக்கு சாப்பாடு கொண்டு வந்து கொடுக்க சண்முகமும் துணையாக வந்திருந்த நிலையில் இன்று, சண்முகம் குடும்பத்தினர் எல்லோரும் கோவிலுக்கு வந்து ஒன்றாக வீட்டுக்கு கிளம்ப கனி இன்னும் எதுக்கு முக்காடு என சூடாமணி தலையிலிருந்து முக்காட்டை எடுத்து விடுகிறாள். சூடாமணி குற்றம் அற்றவள் என்பது நிரூபணமானதால் தலை நிமிர்ந்து நடக்கிறாள்.

இவர்கள் நடந்து வரும்போது ஊர்காரர்கள் ஒவ்வொருத்தராக வந்து சூடாமணியிடம் உங்களை தப்பா நினைச்சுட்டோம் என்று மன்னிப்பு கேட்கின்றனர். இதைப் பார்த்து சண்முகம் குடும்பத்தினர் மொத்தமும் சந்தோஷம் அடைகிறது. இவர்கள் வீட்டுக்கு வர முத்துப்பாண்டி வெளியில் காத்திருக்க பாக்கியம் வந்ததும் வா மா வீட்டுக்கு போகலாம் என்று கூப்பிடுகிறான்.

பாக்கியம் அந்த ஆள் வீட்டுக்கு நான் வரமாட்டேன், இசக்கியை கூட்டிட்டு போ என்று சொல்கிறாள். நீ எப்படியும் சாப்பிட்டு இருக்க மாட்டேனு தெரியும், வா சாப்பிட்டு போ என்று கூப்பிட முத்துப்பாண்டி சண்முகம் வீடு என்பதால் தயங்குகிறான். அடுத்ததாக முத்துப்பாண்டி வீட்டுக்கே போலாம் என்று சொல்லிவிட்டு பைக்கில் ஏற என்ன எதுவும் சொல்லாம போறாரு என்று இசக்கி யோசிக்க உனக்கு புரியலையா வீட்டுக்கு கூப்பிடறாரு போ என்று அனுப்பி வைக்கின்றனர்.

இசக்கி முதல்முறையாக முத்துப்பாண்டி பைக்கில் உட்கார போகும் போது தெரியாமல் அவன் மீது இடிக்க இடிக்காமல் வா என்று சொல்கிறான். இருந்தாலும் வேகத்தடையில் இடிக்க முத்துபாண்டி கோபப்பட வண்டியில இடிக்காம எப்படி வரது என்று இசக்கி கேள்வி கேட்க தோளை பிடிச்சுக்கோ என்று சொல்ல இசக்கி சந்தோஷத்துடன் தோலை பிடித்துக் கொண்டு வீட்டுக்கு வருகிறாள். 

வீட்டில் இவர்களுக்காக காத்திருக்கும் சிவபாலன் வீடு வந்தும் இசக்கி இறங்காமல் உட்கார்ந்து இருப்பதை பார்த்து அவளை கலாய்க்க இசக்கி வெக்கப்பட்டு உள்ளே ஓடுகிறாள். சிவபாலன் இவர்களை டிஸ்டர்ப் பண்ண வேண்டாம் என்று அங்கிருந்து கிளம்பி வந்து விடுகிறான்.  இசக்கி முத்துப்பாண்டிக்காக காபி போட பால் காய்ச்சும் போதும் இதை நினைத்து நினைத்து பார்த்து சந்தோஷத்துடன் இருக்கிறாள். மறுபக்கம் கேரளா போலீஸ் சண்முகம் வீட்டிற்கு வந்து சூடாமணிக்கான பரோல் டைம் முடிய போவதாக சொல்கின்றனர்.

அதை நீட்டிப்பதற்காக உள்ளூர் போலீஸ் இன்ஸ்பெக்டர் அவங்க இங்க பாதுகாப்பாக தான் இருக்காங்க என்று ஒரு ஃபைல் கொடுத்தா போதும் என்று சொல்கின்றனர். உள்ளூர் இன்ஸ்பெக்டர் முத்துப்பாண்டி என்பதால் அவன் எப்படி தருவான் என்று சண்முகம் யோசிக்க பரணி அதை அவனிடமே கேட்டு விடலாம் என்று ஸ்டேஷனுக்கு கூட்டி வர முத்துப்பாண்டி ரைட்டர் வச்சி எழுதிட்டு வாங்க கையெழுத்து போடுறேன் என்று சொல்ல சண்முகம் ஆச்சரியப்படுகிறான்.

பிறகு ஐந்து நிமிடம் ஆகும் என்பதால் சண்முகம் வெளியில் காத்திருப்பதாக சொல்ல முத்துப்பாண்டி வெளியில் எதற்கு காத்திருக்கணும்? இங்கேயே உட்காருங்கள் என்று சொல்கிறான். இப்படியான நிலையில் அடுத்ததாக நடக்கப்போவது என்ன என்பது குறித்து எதிர்பார்ப்பு எழுந்துள்ளது.

மண்டபத்திற்குள் நுழைந்த ரூபாஸ்ரீ.. தீபாவுக்கு எதிராக கூட்டு சேரும் வில்லிகள், கார்த்திக் செய்ய போவது என்ன? கார்த்திகை தீபம் இன்றைய எபிசோட் அப்டேட்

கார்த்திகை தீபம் சீரியலின் நேற்றைய எபிசோடில் ரம்யா தீபாவாக முகமூடி அணிந்து கார்த்திக் கையால் தாலி கட்டி கொள்ள திட்டமிட்டுள்ள நிலையில் இன்று, மண்டபத்தில் கல்யாண ஏற்பாடுகள் தடபுடலாக நடக்க அங்கு வந்த ரூபாஸ்ரீ நான் திருந்தி விட்டேன் என்று மனமுருகி மன்னிப்பு கேட்பது போல் நடிக்க தீபாவும் அதை நம்பி அவளை மன்னித்து தோழியாக ஏற்று கொள்கிறாள்.

அதன் பிறகு ஐஸ்வர்யா மற்றும் ரூபாஸ்ரீ என இருவரும் மண்டபத்திற்கு வெளியே கோகிலாவுக்கு காத்துக் கொண்டிருக்கின்றனர்.கோகிலா வேறு மாதிரி கெட்டப் போட்டு முகத்தை மறைத்தபடி மண்டபத்திற்குள் நுழைகிறாள். இவளை பார்த்த அருணாச்சலம் நீ என் கூட காலேஜுல் படித்த ரேகா தானே என்று கேட்க கோகிலா இவரிடம் இருந்து தப்பிக்க ஆமாம் என்று பொய் சொல்ல அருணாச்சலம் சந்தோசப்படுகிறார்.

அடுத்து ரம்யா மண்டபத்திற்கு வந்து இறங்குகிறாள். வெளியே கார்த்திக் வெட்ஸ் தீபா என்று வைத்திருக்கும் பேனரில் ரம்யா என பெயர் இருப்பது போல் நினைத்து பார்த்து சந்தோஷத்துடன் உள்ளே நுழைகிறாள், கார்த்தியிடம் நல்லவள் போல் பேச கார்த்திக் ரம்யா மீது சந்தேகப்பட்டு அவளது அப்பாவுக்கு போன் செய்ய அவர் விஷம் குடித்ததால் மயங்கி கிடக்கிறார். இதனால் கார்த்திக் ஏன் போன் எடுக்க மாட்றாரு என யோசிக்கிறாள்.

அடுத்து ரம்யாவை பார்த்த மைதிலி மற்றும் மீனாட்சி அவள் மீது சந்தேகப்பட்டு அவளை கோர்த்து விட ரமேஷுக்கு போன் செய்து மண்டபத்திற்கு வர சொல்கின்றனர். இப்படியான நிலையில் அடுத்து நடக்க போவது என்ன என்பது குறித்து எதிர்பார்ப்பு எழுந்துள்ளது.