அகில் முதல் அஞ்சலி வரை... வெளியேறிய நடிகர்கள்... புலம்பி தவிக்கும் இயக்குநர்

TamilSerial Bharathi Kannamma Update : விஜய் டிவியின் ஹட் சீரியல்களில் ஒன்று பாரதி கண்ணம்மா. ரசிகர்கள் மத்தியில் நல்ல வரவேற்பை பெற்று வரும் குடும்ப தொடர்களின் ஒன்றான இதில், அருண்பிரசாத், விணுஷா தேவி, ஃபரீனா ஆசாத் ஆகியோர் முக்கிய கேரக்டரில் நடித்து வருகின்றனர். விஜய் டிவியின் ப்ரைம் டைம் சீரியலான பாரதி கண்ணம்மா டிஆர்பி ரேட்ங்கிலும் முக்கிய இடத்தை பெற்று வருகிறது.

ரசிகர்கள் மத்தியில் நல்ல வரவேற்பை பெற்று வரும் இந்த சீரியலுக்கு தற்போது பொறாத காலமாக உள்ளது. ஹிட்டான சீரியல் என்றாலும் நடிகர் நடிகைகள் விலகும்போது சீரியலின் ரசிகர்களும் சற்று தடுமாறத்தான் செய்வார்கள். அந்த வகையில் தற்போது பாரதி கண்ணம்மா சீரியலில் வரிசையாக நடிகர் நடிகைகள் வெளியேறி வருவது அந்த சீரியலுக்கு பின்னவை ஏற்படுத்தியுள்ளது.

முதலில் இந்த சீரியலில், பாரதியின் தம்பியாக நடித்து வந்த அகில் சினிமா வாய்ப்பு காரணமாக சீரியலில் இருந்து விலகுவதாக அறிவித்தார். அவர் தொடங்கி வைத்த இந்த விலகல் அறிவிப்பு தற்போது தொடர்ந்து வருகிறது. அவரை தொடர்ந்து கண்ணம்மாவாக நடித்து வந்த ரோஷ்னி ஹரிப்பிரியன், சமீபத்தில் சீரியலில் இருந்து விலகுவதாக அறிவித்தார். சினிமா வாய்ப்பு காரணமாக இவர் விலகியதாக கூறப்பட்டாலும், தற்போது விஜய் டிவியின் குக் வித் கோமாளி நிகழ்ச்சியில் பங்கேற்று வருகிறார்.

இந்நிலையில், தற்போது கண்ணம்மா கேரக்டரல் வினுஷா தேவி நடித்து வருகிறார். ஆனால் கண்ணம்மாவின் தங்கை அஞ்சலி கேரக்டரில் நடித்து வந்த நடிகை கண்மணி தற்போது பாரதி கண்ணம்மா சீரியலில் இருந்து விலகியுள்ளார். சில தவிர்க்க முடியாத காரணங்களுக்காக தான் சீரியலில் இருந்து விலகுவதாக அறிவித்துள்ள கண்மணி மற்றொரு நிகழ்ச்சியின் உங்களை சந்திக்கிறேன் என்று பதிவிட்டுள்ளார்.

இப்படி வரிசையாக நடிகர் நடிகைகள் சீரியலை விட்டு வெளியேறுவது பாரதி கண்ணம்மா சீரியல் ரசிகர்களை கலக்கத்தில் ஆழ்த்தியுள்ள நிலையில், இந்த சீரியலின் இயக்குநர் கடுப்பின் உச்சத்திற்கு சென்றுள்ளார். இதனை வெளிப்படுத்தும் விதமாக அவர் தனது இன்ஸ்டாகிராம் ஸ்டோரியில், அய்யய்யோ எத்தனைபேர் தான் மாற்றம் முடியவில்லை என பதிவிட்டுள்ளார். இந்த பதிவை பார்த்த ரசிகர்கள் பலரும் ஏன் இப்படி மாறிவிட்டீர்கள் என்று கேள்வி எழுப்பி வரும் நிலையில், இயக்குநர் ப்ரவின் தற்போது அந்த பதிவை நீக்கியுள்ளது குறிப்பிடத்தக்கது.

 “தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil “