முடிவுக்கு வந்த எதிர்நீச்சல் : கடைசி நாள் பாச போராட்டம் : வைரல் க்ளிக்ஸ்

சின்னத்திரையில் சீரியல்கள் ஒளிபரப்புவதில் முன்னணியில் இருப்பது சன்டிவி. இந்த சேனல் சீரியல்களுக்கு ரசிகர்கள் மத்தியில் நல்ல வரவேற்பும் கிடைத்து வருகிறது.

சன்டிவி சீரியல்கள் டி.ஆர்.பி ரேட்டிங்கிலும் முன்னணியில் இருந்து வரும் நிலையில், நகர்புறங்கள் மட்டுமல்லாமல் கிராமபுறங்களிலும் நல்ல வரவேற்பை பெற்று வருகிறது.

அந்த வகையில் சன்டிவியின் முக்கிய சீரியல்களில் ஒன்றாக இருந்தது எதிர்நீச்சல். பெண் அடிமைத்தனம், ஆணாதிக்கம், உள்ளிட்ட பிரச்சனைகளை மையமான வைத்து திரைக்கதை அமைக்கப்பட்டது.

நடிகர் மாரிமுத்து ஆதி குணசேகரன் கேரக்டரில் நடித்து வந்த நிலையில், திடீரென அவர் இறந்துவிட்டதால், அந்த கேரகடரில், நடிகர் வேல ராமமூர்த்தி நடித்து வந்தார்.

நடிகை கனிகா, மதுமிதா, ஹரிப்பிரியா, சத்யபிரியா, உள்ளிட்ட பலர் முக்கிய கேரக்டரில் நடித்து வந்த இந்த சீரியலில், இயக்குனர் திருச்செல்வம் முக்கிய கேரக்டரில் நடித்திருந்தார்.

ரசிகர்கள் மத்தியில் நல்ல வரவேற்பை பெற்று வந்த இந்த சீரியல் டி.ஆர்.பி ரேட்டிங்கிலும் முக்கிய இடத்தை பெற்று வந்த நிலையில், சில விமர்சனங்களையும் சந்தித்தது.

கடந்த 2 ஆண்டுகளுக்கு மேலாக ஒளிபரப்பாகி வந்த எதிர்நீச்சல் சீரியல் தற்போது இறுதிக்கட்டத்தை எட்டியுள்ள நிலையில், ஓரிரு நாட்களில் முடிவுக்கு வர உள்ளது.

இதனிடையே இந்த சீரியலின் கடைசி நாள் படப்பிடிப்பின்போது எடுக்கப்பட்ட புகைப்படங்கள் தற்போது இணையத்தில் வைரலாகி வருகிறது.